Morgunblaðið - 22.12.2012, Qupperneq 24

24 FRÉTTIRInnlent
MORGUNBLAÐIÐ LAUGARDAGUR 22. DESEMBER 2012
ÚR BÆJARLÍFINU
Jón Sigurðsson
Blönduós
Bæjaryfirvöld á Blönduósi gefa
sér tíma í jólaundirbúningnum til
að leiða hugann að sameiningu
bæjarins við næstu nágrana sína í
Húnavatnshreppi, því fyrir
skömmu var samþykkt á bæj-
arstjórnarfundi að óska eftir sam-
starfi við sveitarstjórn Húnavatns-
hrepps um að unnin verði úttekt á
kostum og göllum þess að sameina
sveitarfélögin.
  
Kvennaskólinn á Blönduósi
hélt upp á 100 ára bygging-
arafmæli skólans fyrr í vetur og í
því húsnæði var einnig stofnað
Þekkingarsetur sem hefur þar að-
setur. Markmið þess er að vera
miðstöð fyrir rannsókna- og þróun-
arverkefni á sviði textíls, strand-
menningar og laxfiska á Norður-
landi vestra. Katrín Jakobsdóttir
menntamálaráðherra kom í heim-
sókn af þessu tilefni og undirritaði
samstarfssamning um rekstur set-
ursins.
  
Árið 2012 er árið sem gagnaver-
ið kom ekki á Blönduós. Greenstone
ehf. hætti við áform sín á vormán-
uðum um byggingu gagnaversins
sem heimamenn bundu miklar vonir
við að kæmi. Eftir að hafa skoðað
nokkra álitlega staði víða um land
frá árinu 2008 varð Blönduós fyrir
valinu, þar sem gerð var samstarfs-
yfirlýsing með heimamönnum um
uppbygginguna, en hún er nú runn-
in út í hinn margfræga sand.
  
Mikið er að gera í sláturhúsi
SAH afurða. Í haust var slátrað þar
94.600 dilkum sem er aðeins færra
en í fyrra en kjötmagnið nánast það
sama því meðalþyngd dilka var tæp-
lega 400 g meiri. En það er mikil
aukning í stórgripaslátrun og má
geta þess að búið er að slátra 1.625
folöldum og er það 62 fleira en allt
árið í fyrra og enn er eftir slátra
250. Eins hefur orðið mikil fjölgun í
slátrun fullorðinna hrossa og er
áætlað að slátra um 1.230 hrossum á
árinu og er það um 750 hrossum
fleira en í fyrra. Ein meginástæðan
fyrir þessari aukningu er sú að hey-
birgðir eru með minna móti og eins
er víða lítil jörð fyrir hrossin.
  
Nú er sólin farin að hækka á
himni og heilög jól eru við það að
ganga í garð. Skuggarnir sem voru
lengstir í gær fara nú minnkandi
dag frá degi héðan í frá. Hér við
botn Húnafjarðar eru flestir að
leggja lokahönd á jólaundirbúning-
inn og skötuilminn mun leggja um
bæinn á morgun og á aðfangadag
munu jólasveinar fara hús úr húsi og
dreifa jólapóstinum sem þeir hafa
gert um langt árabil í boði ung-
mennafélagsins Hvatar.
Kanna stendur uppi á stól,
senn mun hækka á lofti sól.
Börnin smá,
bíða og þrá
að blessuð komi heilög jól.
Jóla- og nýárskveðjur
úr Austur-Húnavatnssýslu
Sameining er til skoðunar
Morgunblaðið/Jón Sigurðsson
Eftirvænting Börnin á leikskólanum á Blönduósi bíða spennt eftir því að jólin komi loksins.
Íslenskir friðarsinnar hafa efnt til
friðargöngu niður Laugaveginn á
Þorláksmessu í rúma þrjá áratugi.
Undanfarin ár hafa slíkar göngur
einnig verið á Akureyri og á Ísafirði
og verður svo einnig nú.
Að venju stendur Samstarfshópur
friðarhreyfinga fyrir göngunni í
Reykjavík hinn 23. desember. Safn-
ast verður saman á Hlemmi frá
klukkan 17:45 og leggur gangan af
stað klukkan 18:00.
Friðarhreyfingarnar selja kerti
fyrir göngufólk á Hlemmi. Í lok
göngu verður fundur við hótel Vík
(við Ingólfstorg) þar sem Jón Gnarr,
borgarstjóri í Reykjavík, flytur ávarp
en fundarstjóri er Drífa Snædal.
Söngfólk úr Hamrahlíðarkórnum og
Kór Menntaskólans við Hamrahlíð
syngur í göngunni og við lok fundar
undir stjórn Þorgerðar Ingólfs-
dóttur.
„Óhætt er að segja að gangan sé
orðin ómissandi þáttur í jólaund-
irbúningnum og tekur fjöldi fólks sér
hlé frá tiltektum og innkaupum rétt
fyrir jólin til að leggja sitt af mörkum
og styðja kröfuna um frið og afvopn-
un í heiminum,“ segir í tilkynningu
frá aðstandendum göngunnar.
Gengið til friðar í þrjá áratugi
Morgunblaðið/Golli
Fimmta lota samningaviðræðna Ís-
lands og Kína um fríverslun var
haldin í Reykjavík dagana 18.-20.
desember.
Formaður íslensku sendinefndar-
innar er Bergdís Ellertsdóttir,
sendiherra en formaður kínversku
sendinefndarinnar er Sun Yuanji-
ang skrifstofustjóri í kínverska ut-
anríkisviðskiptaráðuneytinu. Samn-
inganefnd Íslands skipa, auk
starfsmanna utanríkisráðuneytisins,
fulltrúar frá atvinnuvega- og ný-
sköpunarráðuneyti, fjármála- og
efnahagsráðuneyti, ráðuneytum inn-
anríkis- og velferðarmála auk Toll-
stjóra, Útlendingastofnunar, Vinnu-
málastofnunar og Einkaleyfastofu.
Í fréttatilkynningu frá utanríkis-
málaráðuneytinu segir að vel þokist
í viðræðunum og eru aðilar bjart-
sýnir á að unnt verði að hnýta lausa
enda í undirbúningi fyrir næstu lotu
sem áætluð er snemma á næsta ári
en vonast er til að hún verði sú síð-
asta. Samið er um niðurfellingu
tolla, þjónustuviðskipti, uppruna-
reglur, heilbrigðiseftirlit, tæknileg-
ar viðskiptahindranir, lagaleg mál-
efni, vernd hugverka og opinber
innkaup.
Markmið með gerð fríverslunar-
samningsins er fyrst og fremst að
tryggja útflutningshagsmuni Ís-
lands á þeim mikilvæga og ört vax-
andi markaði sem Kína er. Samn-
ingsdrögin sem fyrir liggja að
lokinni fimmtu lotunni eru áþekk
þeim sem gengur og gerist í frí-
verslunarsamningum þeim sem Ís-
land gerir í samfloti við önnur
EFTA-ríki. Á hinn bóginn eru þess
fá dæmi að Ísland semji tvíhliða um
fríverslun og er Höyvíkursamning-
urinn við Færeyjar síðasta dæmið
þar um. Með EFTA hefur Ísland
gert 24 fríverslunarsamninga við 33
ríki.
Vel þokist í viðræð-
um Íslands og Kína
 Fimmta lota viðræðna um fríverslun
Með því að kaupa FRIÐARLJÓSIÐ styrkir þú
hjálparstarf og um leið verndaðan vinnustað.
FRIÐARLJÓSIN verða seld við eftirtalda
kirkjugarða um jól og áramót.
Þau fást einnig víða í verslunum.
GUFUNESS- OG
FOSSVOGSKIRKJUGARÐUR
23. des. kl. 13–17
24. des. kl. 1O–17
31. des. kl. 13–17
KIRKJUGARÐURINN VIÐ SUÐURGÖTU
23. des. kl. 13–16
24. des. kl. 1O–16
KIRKJUGARÐUR AKUREYRAR
24. des. kl. 1O–17
31. des. kl. 13–17
P
IP
A
R
\T
B
W
A
-
10
29
75
LÁTUM
FRIÐARLJÓSIÐ
LÝSA UPP AÐVENTUNA
Skipholti 3 - Sími: 552 0775 - www.erna.is
GULL- OG SILFURSMIÐJA
Hannað af Ríkarði Jónssyni
og Karli Guðmundssyni
myndskera frá
Þinganesi.
Verð108.000.-
Njáluarmbandið