Morgunblaðið - 22.12.2012, Page 18

18 FRÉTTIRInnlent
MORGUNBLAÐIÐ LAUGARDAGUR 22. DESEMBER 2012
Morgunblaðið birtir fram til jóla upplýsingar um einhverja þeirra
viðburða sem eru á dagskrá vítt og breitt um landið.
2 dagar til jóla
Íslensku jólasveinarnir hafa nú kom-
ið við daglega kl. 11 á Þjóðminja-
safninu undanfarna daga. Von er á
síðustu sveinunum en Gáttaþefur
kemur í dag, laugardaginn 22. des-
ember, Ketkrókur 23. desember og
á aðfangadag lítur Kertasníkir inn
kl. 11. Ókeypis aðgangur er að jóla-
sveinaskemmtun Þjóðminjasafnsins
og allir velkomnir.
Íslensku jólasveinarnir eru öld-
ungis óskyldir hinum alþjóðlega
rauðklædda Santa Claus sem er
kominn af dýrlingnum Nikulási bisk-
upi. „Þeir eru klæddir þjóðlegu föt-
unum sínum og reyna að krækja sér
í það sem þá langar helst í. Þessir
hrekkjóttu pörupiltar eiga dálítið
erfitt með að átta sig í tæknivæddri
nútímaveröld en finnst gott að koma
í Þjóðminjasafnið því þar er svo mik-
ið af gömlum munum,“ segir í til-
kynningu.
Síðustu sveinarnir
að koma í bæinn
Jólaabasar Kunstschlager að Rauð-
arárstíg 1 lýkur á Þorláksmessu. Á
basarnum má finna verk yfir 60
listamanna á öllum aldri og enn eru
fleiri að bætast í hópinn. „Þar er til-
valið tækifæri til að fjárfesta í
myndlist á góðu verði og njóta jóla-
stemmningar,“ segir í tilkynningu.
Opið er alla daga frá kl. 16-20.
Jólabasar
Þá er komið að lokahelgi í Jóla-
þorpinu í Hafnarfirði. Í dag, laug-
ardag, verður opið eins og venju-
lega kl. 13-18, en á Þorláksmessu
verður opið frá kl. 13-22. Efnt
verður til jóla- og friðargöngu
eins og fyrri ár á Þorláksmessu,
en það eru Rótarýklúbburinn Straumur og Hafnarfjarðarbær sem standa
fyrir göngunni. Gangan hefst hjá Fríkirkjunni kl. 19.30 og endar í Jóla-
þorpinu klukkan 20. Kammerkór Hafnarfjarðar leiðir gönguna með söng. Í
Jólaþorpinu verða síðan hátíðlegir Þorláksmessutónleikar kl. 20 með þeim
Sigríði, Elísabetu og Elínu Eyþórsdætrum.
Lokahelgi í Jólaþorpinu í Hafnarfirði
Í dag, laugardag, eru síðustu for-
vöð fyrir fólk að velja sér jólatré í
Fossárskógi í Hvalfirði. Skógurinn
er opinn fyrir alla sem vilja koma
frá kl. 10.30 til 15.00. Allur ágóði
rennur til skógræktar og uppbygg-
ingar útivistarsvæðis í Fossárskógi.
Skógræktarfélögin í Kópavogi,
Mosfellsbæ, Kjalarnesi og Kjós eiga
þetta svæði og hafa plantað þar í 40
ár. Til að komast í skóginn er ekið
inn Hvalfjörðinn yfir Laxá framhjá
Hálsi í Kjós, Hvammsvík og
framhjá Hvítanesi. Fossá er síðan
fljótlega á hægri hönd, svæðið er
vel merkt og við flöggum íslenska
fánanum og fána Fossár skógrækt-
arfélags.
Opið í skóginum
Sunna Óska Logadóttir
sunna@mbl.is
Þyrlusveit Landhelgisgæslu Íslands
fann tveggja vetra hryssu sem var
frosin föst úti í miðri tjörn þegar
sveitin leitaði strokufangans Matt-
híasar Mána Erlingssonar í grennd
við fangelsið á Litla-Hrauni í fyrra-
dag. Hryssan var illa á sig komin en
er nú að braggast.
Bersýnilega frosið föst
„Við vorum að leita þarna í kring-
um fangelsið þegar við rákum augun
í hestinn þar sem hann stóð úti í
miðri tjörn, en það var allt í litlum
tjörnum þarna. Það var bersýnilegt
að hann var frosinn fastur,“ segir
Björn Brekkan Björnsson, flugstjóri
hjá Landhelgisgæslunni.
Ákveðið var að breyta leitinni að
fanganum í björgun og var þyrlunni
lent við næsta sveitabæ. Þar ræddu
gæslumenn við bóndann sem ætlaði
að aka á staðinn og bjarga hrossinu.
„Hesturinn átti væntanlega ekki
mikið eftir. Það sást ekkert í tjörn-
ina né hestinn frá veginum og það
var í raun engin leið að sjá hann
nema að vera í haganum.“
Þar sem bóndinn ók af stað hélt
þyrlusveitin áfram leit sinni að fang-
anum. „Við renndum svo aðeins síð-
ar yfir svæðið aftur og sáum að
bóndinn var í vandræðum með að
komast á svæðið. Þannig að við lent-
um hjá honum, tókum hann og ann-
an mann upp í og flugum með þá að
hestinum. Þeim tókst að brjóta ísinn,
losa hestinn og koma honum á þurrt
land,“ segir Björn.
Dýralæknir gerði kraftaverk
„Hryssan er að braggast,“ segir
Steinn Skúlason á Eyrarbakka, faðir
Skúla, eiganda hryssunnar. „Við
héldum að hún myndi drepast, hún
var svo illa á sig komin. Í gær vorum
við að því komnir að aflífa hana en
svo kom dýralæknir og gerði krafta-
verk. Hún stóð upp og er á réttri
leið.“
„Ég, sonur minn og fleiri fórum
strax á staðinn og þá var ástand
hennar orðið mjög lélegt,“ segir
Steinn, en sonur hans, Skúli, er eig-
andi hryssunnar. „Við urðum að
setja hana í traktorsskóflu og flytja
hana þannig heim í hús.“
Feðgarnir settu sig í samband við
dýralækni og hryssan fór undir
teppi og reynt var með öllum ráðum
að hnoða í hana hita og líf.
„Hún hefur legið á ísnum í ein-
hvern tíma, ég veit ekki hve lengi,“
segir Steinn. Hann segir hryssuna
líklega hafa runnið á ísnum á tjörn-
inni og ekki getað staðið upp aftur.
Hins vegar hafi hún reynt það af öll-
um mætti, örmagnast og svo kólnað
og loks frosið föst við ísinn.
„Svo lá hún alveg flöt inni í hest-
húsi hjá mér undir teppi. Í gær kom
dýralæknirinn og gaf henni stera og
fljótlega stóð hún upp. Þegar hún
stóð upp urðum við vonbetri um að
hún myndi hafa þetta af.“
Ætla að nefna hana Þyrlu
Steinn segir hryssuna, sem er mó-
vindótt að lit, í miklu uppáhaldi hjá
Skúla syni sínum. Hún sé undan
Glym frá Skeljabrekku og því talin
efnileg. Hún er þó aðeins tveggja
vetra og hingað til hefur hún ekki
haft nafn. En eftir þessar hremm-
ingar, fær hún þá nafn?
„Já, við erum að hugsa um að
kalla hana Þyrlu,“ segir Steinn þótt
það sé ekki endanlega ákveðið.
Steinn segir alveg á hreinu að
hefði þyrluáhöfnin ekki komið auga
á hana hefði hún drepist. „Þeir
björguðu henni, blessaðir dreng-
irnir. Svo útkallið var ekki til einsk-
is, þótt strokufanginn hafi ekki fund-
ist,“ segir Steinn sem segir að
hryssan verði í miklu dekri yfir jólin.
Leit breyttist í björgun hryssu úr íshafti
Ljósmynd/Guðmundur Karl
Hresst hross Skúli Steinsson, eigandi hryssunnar, eftir að hann endurheimti hrossið sem sat fast í vök. Þyrla Land-
helgisgæslunnar sá hrossið þegar hún var við fangaleit. Hryssan braggaðist fljótlega eftir komu dýralæknis.
 Sat föst í fros-
inni tjörn þegar
þyrlan flaug yfir
Sjálfstæðisflokkurinn • www.xd.is
PRÓFKJÖR Sjálfstæðisflokksins
í Norðausturkjördæmi 26. janúar 2013
Utankjörfundaratkvæðagreiðsla vegna prófkjörs Sjálfstæðisflokksins í Norðausturkjördæmi hefst þann 27.
desember og verður sem hér segir:
Akureyri: Skrifstofa Sjálfstæðisflokksins í Kaupangi/Mýrarveg
Tengiliður: Guðmundur Skarphéðinsson 892-1846
Fimmtudaginn 27. desember kl. 10- 14.
Föstudaginn 28. desember kl. 10- 14.
Miðvikudaginn 2. janúar kl. 10- 14.
Frá 16. janúar til 25. janúar, virka daga frá 15- 18 og helgina 19. og 20. janúar frá kl. 10- 14.
Egilsstaðir: Kaupvangur 2, 2. h.
Tengiliður: Þórhallur Harðarson 892-3091
Fimmtudaginn 27. desember kl. 10- 14.
Föstudaginn 28. desember kl. 10- 14.
Miðvikudaginn 2. janúar kl. 10- 14.
Frá 16. janúar til 25. janúar, virka daga frá 15- 18 og helgina 19. og 20. janúar frá kl. 10- 14.
Ólafsfjörður: Túngata 19
Tengiliður: Þorbjörn Sigurðsson 867-5414
Fimmtudaginn 27. desember kl. 10- 14.
Föstudaginn 28. desember kl. 10- 14.
Miðvikudaginn 2. janúar kl. 10- 14.
Frá 16. janúar til 25. janúar, virka daga frá 15- 18 og helgina 19. og 20. janúar frá kl. 10- 14.
Seyðisfjörður: Golfskáli Seyðisfjarðar
Tengiliður: Svava Lárusdóttir 861-3295
Fimmtudaginn 27. desember kl. 10- 14.
Föstudaginn 28. desember kl. 10- 14.
Miðvikudaginn 2. janúar kl. 10- 14.
Frá 16. janúar til 25. janúar, virka daga frá 15- 18 og helgina 19. og 20. janúar frá kl. 10- 14.
Fjarðabyggð: Hótel Capitano, Hafnarbraut 50, Neskaupstað
Tengiliður: Magni Kristjánsson 861-4747
Fimmtudaginn 27. desember kl. 10- 14.
Föstudaginn 28. desember kl. 10- 14.
Miðvikudaginn 2. janúar kl. 10- 14.
Frá 16. janúar til 25. janúar, virka daga frá 15- 18 og helgina 19. og 20. janúar frá kl. 10- 14.
Reykjavík: Skrifstofa Sjálfstæðisflokksins í Valhöll
2. – 25. janúar, virka daga kl. 9–17.
Tengiliður: Petrea Jónsdóttir 515-1715
Grímsey
Fimmtudaginn 27. desember kl. 10- 12.
Föstudaginn 28. desember kl. 10- 12.
Miðvikudaginn 2. janúar kl. 10- 12.
Tengiliður: Bjarni Magnússon
Athugið: Kjósa skal sex frambjóðendur hvorki fleiri né færri.
Atkvæðisrétt eiga allir félagsbundnir sjálfstæðismenn búsettir í Norðausturkjördæmi sem náð hafa 16 ára aldri
prófkjörsdaginn. Einnig þeir sem eiga kosningarétt við alþingiskosningar í vor og undirrita inntökubeiðni í
sjálfstæðisfélag í kjördæminu fyrir lok kjörfundar 26. janúar nk.
Kjósendur þurfa að vera viðbúnir því að sýna persónuskilríki.
Nánari upplýsingar – sjá www.islendingur.is og www.xd.is
Kjörnefnd Sjálfstæðisflokksins í Norðausturkjördæmi.