Morgunblaðið - 22.12.2012, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 22. DESEMBER 2012
BAKSVIÐ
Baldur Arnarson
baldura@mbl.is
Sigríður Ingibjörg Ingadóttir, for-
maður velferðarnefndar, segir
nefndina hafa fengið rangar upplýs-
ingar frá velferðarráðuneytinu
vegna frumvarps um eftirlitsgjald
með lækningatækjum, sem staðið
hefur nokkur styr um, m.a. vegna
þess að það hækkar skatta á bleium,
smokkum og dömubindum.
„Frumvarpið kom inn í velferðar-
nefnd með ákveðnum tollflokkum.
Það komu inn athugasemdir við
ákveðna tollflokka sem þarna
heyrðu undir lækningatæki. Við
fengum þær upplýsingar frá ráðu-
neytinu að tollflokkarnir yrðu end-
urskoðaðir í samræmi við markmið
frumvarpsins. Við fengum síðar þær
upplýsingar að búið væri að endur-
skoða tollflokkana út frá skilgrein-
ingum um lækningatæki og að það
hefði aðeins verið gerð ein breyting.
Flokkunin væri að öðru leyti í lagi,“
segir Sigríður og heldur áfram.
Endurskoðuninni væri lokið
„Ráðuneytið gaf þau svör að
þarna væru þeir flokkar sem þyrfti
til að þjóna mætti markmiðum lag-
anna. Þannig að ég vissi hvað var
þarna undir. Það sem kom mér á
óvart var að við höfðum fengið upp-
lýsingar sem síðan stóðust ekki. Við
fengum þær upplýsingar að búið
væri að endurskoða tollflokkana út
frá markmiðum laganna. Sam-
kvæmt frumvarpinu eru þetta vörur
sem flokkast sem lækningatæki.
Það kemur ekki skýrt fram að
ekki eiga öll lækningatæki að lúta
þessu eftirlitsgjaldi. Það er klúðrið í
frumvarpinu. En þetta eru skil-
greind lækningatæki. Það er vanda-
málið. Það var ekki nógu skýrt af
hálfu ráðuneytisins, hvorki í frum-
varpinu né í þessum tollflokkum, að
það væri ekki öll lækningatæki sem
ættu að fara undir þetta eftirlits-
gjald. Í því liggur vandinn.“
– Hversu flókið er að breyta því?
„Ég á erfitt með að leggja mat á
það. Ég ákvað sem formaður nefnd-
arinnar að fresta umræðu um málið
af því við vorum enn með fjölda
mála inni í nefndinni sem þurfti að
afgreiða fyrir áramót. Ég tel að það
þurfi fyrst og fremst tíma til að fara
yfir málið og endurskoða grundvöll
þess,“ segir Sigríður Ingibjörg.
Áhyggjur af tollskrám
Fram kom í þingræðu Sigríðar
Ingibjargar á miðvikudaginn var að
áhyggjur af áhrifum gjaldsins þættu
gefa tilefni til endurskoðunar.
Orðrétt sagði þingmaðurinn:
„Fram hafa komið áhyggjur af
tollskrám og eftir eftirgrennslan
mína sem formann nefndarinnar,
þar sem ég hef farið aftur yfir málið,
að þá tel ég fulla ástæðu til þess að
fara yfir málið í nefndinni og við
munum því að atkvæðagreiðslu lok-
inni kalla málið til nefndar á milli 2.
og 3. umræðu,“ sagði Sigríður.
Pétur Reimarsson, forstöðumað-
ur hjá Samtökum atvinnulífsins,
kynnti sjónarmið SA fyrir nefnd-
armönnum í velferðarnefnd 17.
október sl., eða rúmum tveim mán-
uðum áður en þingmaðurinn vék að
áhyggjum hagsmunaaðila í ofan-
greindri þingræðu. Var Sigríður
Ingibjörg í hópi viðstaddra. Skilaði
SA jafnframt inn greinargerð um
málið 15. október.
„Ég fór yfir umsögn SA og þá
vöruflokka sem við töldum upp. Það
slær mann þegar maður fer yfir
tollflokkana að þar eru ekki aðeins
lækningavörur, heldur líka hefð-
bundnar neysluvörur, á borð við
bleiur og smokka. Í frumvarpinu
var lagt til að innflytjendur sem
telja sig ekki vera með lækn-
ingatæki geti fengið und-
anþágu með umsókn til
Lyfjastofnunar. Við mót-
mæltum því kerfi enda væri
með því verið að skapa um-
stang vegna tækja sem ekki
eru lækningatæki. Við bent-
um á að kostnaðurinn við kerfið
yrði sennilega meiri en tekj-
urnar. Það kom mér á
óvart að nefndin
skyldi ekki breyta
frumvarpinu
strax.“
Upplýsingar ráðuneytis stóðust ekki
 Formaður velferðarnefndar ákvað að fresta umræðu um frumvarp um gjöld á lækningatæki
 Velferðarráðuneytið sagði endurskoðun tollflokka lokið  SA bentu á áhrif gjaldsins á bleiur
Morgunblaðið/Arnaldur
Gjöldin áttu að hækka SA bentu á að frumvarpið næði m.a. til smokka.
Spurð hvort það hafi e.t.v. ekki
verið nógu skýrt af hálfu ráðu-
neytisins í frumvarpi um eftir-
litsgjald með lækningatækjum,
að ekki ættu öll lækningatæki að
falla undir þetta eftirlitsgjald,
segir Margrét Erlendsdóttir,
upplýsingafulltrúi á skrifstofu
samhæfingar og þróunar hjá
velferðarráðuneytinu, að málið
verði skoðað.
„Hvort þetta hafi verið nógu
skýrt eða ekki af hálfu ráðuneyt-
isins verður skoðað og tekið upp
í viðræðum við velferðarnefnd
þar sem frumvarpið er
nú til umfjöllunar,“
sagði Margrét.
Vilhjálmur Egils-
son, fram-
kvæmdastjóri SA,
segir það stefnu-
stjórnvalda „að
hnoðast áfram og
hlusta ekki á málefnaleg
rök, sérstaklega ef
þau koma frá
Samtökum at-
vinnulífsins.“
Ráðuneytið
skoðar málið
MÁLIÐ VERÐUR RÆTT
Kjartan Kjartansson
kjartan@mbl.is
Íslensk stjórnvöld luku í vikunni
við að greiða til baka lán sem
Færeyingar veittu Íslendingum í
byrjun árs 2009 í kjölfar banka-
hrunsins. Færeyingar urðu fyrstir
þjóða til að leggja Íslendingum lið
með þessum hætti á erfiðum tím-
um eftir hrunið en lánið var viðbót
við lán Alþjóðagjaldeyrissjóðsins
og ætlað að efla gjaldeyrisvarasjóð
Íslands.
Það var strax í október árið
2008 á fundi Norðurlandaráðs í
Helsinki sem Færeyingar buðust
til þess að lána Íslendingum alls
300 milljónir danskra króna, jafn-
virði um 6,6 milljarða íslenskra
króna miðað við núverandi gengi.
Þann 23. mars 2009 skrifuðu
þeir Steingrímur J. Sigfússon, þá-
verandi fjármálaráðherra, og Jó-
annes Eidesgaard, færeyskur
starfsbróðir hans, svo undir lána-
samninginn í Þórshöfn í Færeyj-
um.
Þurftu íslensk stjórnvöld ekki að
greiða af höfuðstóli lánsins, heldur
aðeins vextina. Þeir voru hinir
sömu og færeyska landstjórnin
greiddi af þeim.
Stefna á frekara samstarf
„Þetta er nýtt og ánægjulegt
hlutverk fyrir Færeyjar. Það er
ánægjulegt að vera fjármálaráð-
herra Færeyja og geta rétt hjálp-
arhönd. Þekki einhver hvað það
þýðir fyrir land að vera í kreppu,
þá erum það við. Það eru aðeins 16
ár síðan við vorum sjálf í erfiðri
kreppu,“ sagði Jóannes Eidesga-
ard þegar bráðabrigða-
lánasamningurinn var undirritaður
fyrir rúmum fjórum árum.
Í gær fundaði Katrín Júlíusdótt-
ir, fjármálaráðherra, með Jörgen
Niclasen, fjármálaráðherra Fær-
eyja. Ræddu þau meðal annars um
að efla samstarf og auka tengsl
þjóðanna tveggja.
Ríkisstjórn Íslands hefur jafn-
framt samþykkt að standa straum
af kostnaði við ráðstefnu um at-
vinnu- og nýsköpunarmál landanna
tveggja á næsta ári. Verður fjórum
milljónum króna varið til þess
verkefnis.
Morgunblaðið/Kristinn
Tengsl Jörgen Niclasen, fjármálaráðherra Færeyja, og Katrín Júlíusdóttir, fjármálaráðherra Íslands, í gær.
Færeyjalánið greitt upp
 Urðu fyrstir til að lána Íslendingum í kjölfar bankahruns-
ins árið 2008  Vilji til að efla tengslin milli þjóðanna
Sigríður Ingibjörg
Ingadóttir
b ó k a b ú ð
f o r l a g s i n s
Fiskislóð 39
AFGREIÐSLUTÍMI TIL JÓLA:
Laugardagur 22.12. kl. 10–19
ÞORLÁKSMESSA
Sunnudagur 23.12. kl. 10–19
AÐFANGADAGUR
Mánudagur 24.12. LOKAÐ
Föstudagur 21. des., Laugadagur 22. des.,
Sunnudagur 23. des. frá kl. 12:00 til 20:00
Skata, Saltfiskur, Kartöflur,
Rófustappa, Hangiflot
Studio 29, Á horni Laugaveg Snorrabrautar, sími 511 3032, 861 2319
Skata - Skata - Skata