Morgunblaðið - Sunnudagur - 06.01.2013, Síða 32

32 MORGUNBLAÐIÐ SUNNUDAGUR 6.1. 2013
Matur og drykkir
Hér sést aðeins hluti gestanna sem koma ár hvert í sjávaréttasúpu en að meðaltali mæta um 30 manns.
OPIÐ HÚS Í GRÓFARSMÁRA
Komi þeir sem
koma vilja
FJÖLSKYLDU OG VINUM ÖNNU EYGLÓAR KARLSDÓTTUR
FÉLAGSRÁÐGJAFA OG JÓHANNESAR NÍELS SIGURÐS-
SONAR KENNARA ER JAFNAN BOÐIÐ Í FISKISÚPU
Í KRINGUM JÓLIN. HEFÐ SEM ER ORÐIN FÖST Í SESSI.
Signý Gunnarsdóttir signy@mbl.is
12 dl hveiti
1 tsk salt
1 tsk sykur
1 bréf
þurrger
½ lítri mjólk
3 msk
matarolía
Lítil dós
kotasæla
Mjólkin er hituð þar til hún er fingurvolg.
Hveiti og salt sett í hnoðskál, pressugerinu
stráð yfir. Olíu, kotasælu og volgri mjólkinni
hellt yfir og strax hrist í góða stund svo
deigið hnoðist vel saman. Þegar það fer að
detta með þunga á milli í skálinni er rétt að
kíkja í skálina. Þegar allt er hrist vel saman
er skafið innan úr skálinni og myndað eitt
deig í botninn. Ef deigið er á þessu stigi
mjög blautt, má strá aðeins hveiti yfir og
hrista aftur. Annars er betra að deigið sé
aðeins blautt því þá verða bollurnar mýkri.
Lokið er nú sett á skálina aftur og hún látin
standa í volgu vatni þangað til deigið hefur
lyft sér. Lokið á skálinni á að losna upp, við
þrýstinginn þegar deigið er fullhefað. Mótið
bollurnar – einnig er hægt að hnoða þeim
saman svo þær myndi einn stóran brauð-
hleif. Bakað í ca. 15 mínútur við 200° C.
Kotasælubollur
Wagamama
fyrir börnin
Eggjanúðlur
Egg
Kjúklingur
Brokkoli
Baunaspírur
Sojasósa
Allt það græmmeti sem þykir gott
Núðlurnar soðnar skv. leiðbeiningum á pakka.
Kjúklingur steiktur og það grænmeti sem betra er
að hafa mjúkt í réttinum eins og til dæmis brokkoli,
gulrætur og laukur. Núðlur og egg steikt á pönnu
og blandað saman, bætt við því sem hver og einn
vill hafa í réttinum sínum og sojasósa eftir smekk.
Þetta eru yfirleitt um 30 manns
sem koma, bæði fjölskylda og vinir.
Stundum komast ekki einhverjir af
þeim föstu gestum og svo bætast
líka oft óvæntir gestir við.“
Anna Eygló og Jóhannes Níels
hafa alltaf boðið upp á sjávarrétt-
asúpu og í heildina hafa þrjár upp-
skriftir verið prófaðar. Sjávarrétt-
asúpan að vestan er nú prófuð í
fyrsta skipti og fellur í góðan jarð-
veg. Brauðbollurnar sem eru born-
ar fram með súpunni koma frá
móður Önnu Eyglóar en hún bakar
þær og pönnukökur á hverjum
sunnudegi þegar barnabörnin koma
í heimsókn. „Það eru nú samt ekki
allir fjölskyldumeðlimir ánægðir
með þetta súpufyrirkomulag. Ég
hitti bróðurdóttur mína um daginn
og sagði henni að nú væri hún að
koma í veislu til mín. Hún svaraði
mér þá: Æi, er það ógeðslega súpu-
veislan. Þá áttaði ég mig á að ég
þyrfti kannski að hafa eitthvað ann-
að fyrir börnin.“ segir Anna Eygló
sem hefur fundið lausn á þessu og
býður nú börnunum upp á Waga-
mama að eigin vali.
Þ
að kemur örlítið fát á gest-
ina þegar ljósmyndara og
blaðamann ber að garði í
matarboði í Grófarsmára.
„Ég sagði nú engum að ljósmynd-
arinn væri að koma, þá hefði örugg-
lega enginn í fjölskyldunni minni
mætt, þau eru svo feimin við
myndavélina,“ segir Anna Eygló
Karlsdóttir, gestgjafinn, til útskýr-
ingar. „Þú hefðir nú alveg mátt
lauma því að mér, þá hefði ég nú
mætt í mínu fínasta pússi,“ segir
bróðir húsfreyjunnar. „Við höldum
þetta opna hús að einhverju leyti af
því að við borðum að heiman öll jól-
in en það er svo gaman að fá fólkið
sitt aðeins heim til sín,“ segir Anna
Eygló en hún hefur ásamt eig-
inmanni sínum Jóhannesi Níels Sig-
urðssyni verið með opið hús í kring-
um jólahátíðina síðastliðin 10 ár.
„Þegar þetta byrjaði þá létum við
fullt af fólki vita og svo í gegnum
árin höfum við lært hverjir mæta
og hverjir ekki. Þannig að nú höf-
um við bara verið að hringja í þá
sem hafa verið duglegir að mæta og
látið þá vita að það sé súpa í boði.
Feðgarnir Jóhannes Níels og Egill Andri undirbúa matinn fyrir
yngri kynslóðina.
Heimasætan Birta Magnea með girni-
legu súkkulaðikökuna sem börnin fá í
eftirrétt á meðan hinir fullorðnu
gæða sér á kaffi og sörum.