Morgunblaðið - 02.02.2013, Page 37
MINNINGAR 37
MORGUNBLAÐIÐ LAUGARDAGUR 2. FEBRÚAR 2013
✝ Auðunn Bragifæddist 26.12.
1923 í Selhaga,
Bólstaðarhlíð-
arhreppi í Austur-
Húnavatnssýslu.
Hann lést 2. janúar
síðastliðinn, 89 ára
að aldri, en hann
dvaldi á heimili
sínu að Hjarð-
arhaga 28 allt að
því til síðasta dags.
Foreldrar hans voru Elín
Guðmundsdóttir húsfreyja og
Sveinn Hannesson frá Elivog-
um, bóndi og skáld. Hann ólst
upp á Sneis og Refsstöðum á
Laxárdal í A-Hún. og Vindhæli
á Skagaströnd. Auðunn gekk
að eiga fyrri konu sína, Guð-
laugu Arnórsdóttur, árið 1949.
Guðlaug og Auðunn eignuðust
lést 2008, þá búsettur í Dan-
mörku. Yngstur er Ólafur Þór-
ir Auðunsson, fæddur 1960,
eiginkona hans er Helena Stef-
anía Stefánsdóttir. Börn þeirra
eru Stefán Smári Kristinsson
og Jóel Daði Ólafsson. Barna-
börn Auðuns og Guðlaugar eru
níu talsins og barnabarnabörn
tíu. Guðlaug lést úr krabba-
meini árið 1968, þá einungis
fertug. Seinni kona Auðuns var
Ulla Nielsen. Hún lést 1988.
Hún átti eina dóttur, Melrethe,
af fyrra hjónabandi.
Auðunn stundaði nám í
dönsku, ensku og þjóðfélags-
fræði við Kennaraskóla Íslands
1969 til 1970. Sama vetur lauk
hann prófi í fyrsta stigi í bóka-
safnsfræði við H.Í. 1985 til 1989
nam hann dönsku og norsku við
Háskóla Íslands. Sótti bók-
menntanámskeið í Svíþjóð 1991
og 1993. Hann starfaði við
kennslu og skólastjórn víða um
land 1949 til 1985 og vann
verkamannavinnu á sumrin.
Útför Auðuns Braga hefur
farið fram.
fimm börn. Elsti
sonur þeirra hjóna
er Sveinn Auð-
unsson, fæddur
1949, eiginkona
hans er Erika
Steinman. Börn
þeirra eru Ásta
Kristín Sveins-
dóttir og Elín
Sveinsdóttir. Næst
elst er Kristín Auð-
unsdóttir, fædd
1950, eiginmaður hennar er
Haukur Ágústsson. Börn þeirra
eru Guðlaug Hauksdóttir;
Ágúst Hauksson, Arnór Hauks-
son, Haukur Snær Hauksson og
Margrét Hauksdóttir. Þá er
Arnór Auðunsson, fæddur
1952, en hann lést árið 1975.
Næstyngstur var Emil Auð-
unsson, fæddur 1954, en hann
Fallin er frá kempa mikil og
skáldjöfur, Auðunn Bragi
Sveinsson, í hárri elli. Ern var
hann til hinztu stundar þótt ljóst
væri að hverju drægi síðustu
dagana. Ég hafði kynnzt Auðuni
lítillega á 10. áratug síðustu ald-
ar í gegnum sameiginlegan
vinahóp en það var ekki fyrr en
eftir að ég flutti á Hjarðarhag-
ann vorið 2003 að ég kynntist
honum fyrir alvöru. Þá urðum
við nágrannar, hann á 28 en ég á
29.
Hann var framsóknarmaður
af gamla skólanum, innblásinn
af ungmennafélagsandanum og
hugsjónum Jónasar frá Hriflu.
Það vakti strax athygli mína
hversu áhugasamur og vakandi
hann var um ýmis málefni.
Hann var skáld gott og afar
hagmæltur enda oft fenginn til
að yrkja tækifærisvísur og jafn-
vel heilu kvæðabálkana. Þá var
hann vinsæll upplesari enda átti
hann auðvelt með að koma fram
og gerði það sköruglega og gilti
þá einu hvert umfjöllunarefnið
var. Það gat verið fræðilegur
fyrirlestur eða kímniblandað
léttmeti. Hann hafði mætur á
Danmörku, bjó þar um tíma og
stundaði kennslu og þaðan var
seinni eiginkona hans.
Auðunn var tvíkvæntur.
Fyrri kona hans var Guðlaug
Arnórsdóttir úr Hrunamanna-
hreppi. Eignuðust þau fimm
börn, þau Svein, Kristínu, Arn-
ór, Emil og Ólaf Þóri. Guðlaug
dó 1968. Seinni eiginkona Auð-
uns var Ulla Jakobsen frá Dan-
mörku. Dó hún 1988. Lífsfélagi
Auðuns síðustu árin var Jósef-
ína Björnsdóttir frá Galtanesi í
Víðidal, nú búsett í Kópavogi.
Má segja að það hafi verið
tvennt sem Auðunn var hug-
fanginn af umfram annað. Hann
hafði mikið dálæti á ljóðum og
hvers kyns kveðskap. Hitt var
að hann var heillaður af köttum
svo mjög að við lá að hann tár-
aðist við það eitt að rekast á þær
göfugu skepnur á förnum vegi
og aldrei var hann reiðari en
þegar hann heyrði fólk hallmæla
þeim á einhvern hátt.
Það var aldrei lognmolla í
kringum hann Auðun. Hann var
mjög lífsglaður maður og ekki
fór hjá því að maður hrifist með
í því sem hann gerði eða sagði.
Slíkur var eldmóðurinn og
áhuginn. Hvar sem Auðunn er
núna þá er sú von mín að hann
njóti samvista mikilla skálda á
borð við Egil Skallagrímsson,
Skáld-Rósu, hverri Auðunn var
náskyldur, Sighvat Þórðarson,
Kormák Ögmundarson sem svo
fagurlega orti til
hennar Steingerðar sinnar
svo maður nefni einungis örfáa
úr þeim góða hópi. Og það væri
mjög við hæfi að hann nyti sam-
vista þeirra í Fólkvangi, bæ
Freyju, ástargyðjunnar miklu,
því Auðunn var kvennamaður og
ekki sízt vegna þess að köttur-
inn var og er eignaður Freyju.
Haf þú þökk fyrir allt, Auðunn.
Hallgrímur Helgason.
Harmur er kveðinn að þjóð-
inni við fráfall Auðuns Braga
Sveinssonar. Hann var kannski
sá síðasti af rímþjóðinni gömlu,
sem gat ort kvæði í háttbundn-
um stíl sem gátu talist skáld-
skapur fremur en haganlega
gerðar vísur.
Kynni okkar hófust upp úr
1996 er ég gekk í Rithöfunda-
samband Íslands, en í það hafði
hann gengið 1989 og er skráður
í félagatali þess sem ljóðskáld,
þýðandi og ævisagnaritari.
Fyrir nokkrum árum skrifaði
ég grein í Morgunblaðið, þar
sem ég taldi hann sem elstan af
þeim rithöfundum sem skrifuðu
hugleiðingar í blöðin og voru í
senn háskólamenntaðir og
skáld.
Auðunn var hjartahlýr maður
og góðgjarn og með ríka sann-
girnistilfinningu. Þessa nutum
við er hann sat í stjórn Vináttu-
félags Íslands og Kanada um
árabil, kringum 2008, og mætti
þá einnig jafnan á árlega ljóð-
skáldaupplestra Hellas-hópsins;
sem telst einnig vera nefnd í því
félagi. Einnig var hann þá tíður
spjallfélagi minn í starfsmanna-
mötuneytinu á dvalar- og hjúkr-
unarheimilinu Grund; þangað
sem hann var kominn til að lesa
upp fyrir gamla fólkið.
Mér þykir dæmigert um hann
það sem hann sagði er hann
hafði lesið ritdóminn í Morgun-
blaðinu um níundu ljóðabók
mína, Söguljóð og sögu (2005).
En þar leyfði ritdómarinn sér að
vanda um við mig fyrir að taka
mér of mikið skáldaleyfi með
háttbundnu ljóðin mín þar. En
Auðunn hafði skilning á því að
ég var fyrst og fremst módern-
ískt skáld, sem taldi að ég mætti
notast við gamla háttbundna
arfinn sem framlengingu af
mínu frjálsara formi; enda væri
ég af yngri kynslóð en þær sem
gætu dafnað í alvöru, alfarið,
innan hins þrönga ramma rím-
þjóðarinnar. Því bæri henni
fyrst og fremst að þakka fyrir ef
yngri skáldin gengju þó að ein-
hverju leyti í hennar smiðju.
Fyrirferðarmest af slíku efni
í bókinni voru bálkarnir um
Ódysseifskviðu Hómers og um
spænska skáldið Garcia Lorca.
Mig langar nú til að birta hér
upphafserindið úr hvoru kvæði
um sig; sem dæmi um víddir
þeirra bókmennta er bundu
okkur Auðun saman. Það fyrra
er úr Ferðum Ódysseifs, og það
síðara úr Huggunarþulu; til
móður Federicos Garcia Lorca:
Mér hjálpið nú, þið mætu mennta-
gyðjur
á vora tungu fornri sögu að snúa
af Ódysseifi þeim er dyggðum gyrður
freistaði við guðina að búa.
Nú skal sagt frá góðum sveini.
Er hann enn í þessum heimi?
Það mjög vill hún Lorca vita,
son sinn Garcia vill hitta.
Tryggvi V. Líndal.
Húmanista held ég telji,
hvern þann mann.
Er meta kann öll mannleg gildi
og mönnum ann.
Leiðir okkar Auðuns Braga
Sveinssonar lágu fyrst saman
árið 1994. Þá unnum við ásamt
fleirum að útgáfu Granna,
hverfisblaðs húmanista í Vest-
urbænum. Ég var fimmtán ára
en hann á sjötugsaldri en ald-
ursmunurinn skipti engu. Auð-
unn var mikill hagyrðingur og á
einum fundi ritstjórnarinnar
kvaddi hann sér hljóðs og fór
með vísuna hér að ofan.
Á þessum tíma eignaðist Auð-
unn nýja tölvu og var ég einn
þeirra sem hjálpuðu honum að
læra á tölvupóst og netið. Með
tíð og tíma þróuðust tölvuaðstoð
og blaðaskrif í góðan vinskap á
milli Auðuns og fjölskyldu
minnar. Auðunn mætti í út-
skriftir og brúðkaup í fjölskyld-
unni og fór oftar en ekki með
tækifærisvísu sem hann hafði
ort af því tilefni.
Þegar ég kom í heimsókn til
Auðuns þá var fyrsta spurningin
yfirleitt um það hvar við bræð-
urnir stæðum í námi en Auðunn
lagði mikið upp úr menntun. Að
því loknu þá spurði hann mig
hvernig mér litist á kettina á
myndunum sem héngu upp um
alla veggi en hann hafði mikið
dálæti á því dýri.
Síðasti fundur okkar Auðuns
var tveimur dögum fyrir jól í til-
efni af útkomu bókar um föður
hans, Svein frá Elivogum. Auð-
unn lét mig þá vita í framhjá-
hlaupi að tölvupóstforritið hefði
staðið á sér í nokkra daga. Við
bræðurnir gátum leyst úr því og
komið tölvupóstinum í lag á
þessari sömu tölvu og Auðunn
eignaðist átján árum áður.
Fyrir hönd fjölskyldu minnar
sendi ég fjölskyldu og vinum
Auðuns Braga Sveinssonar inni-
legar samúðarkveðjur. Minn-
ingin um hann lifir.
Sverrir Guðmundsson.
Við fráfall Auðuns Braga ná-
granna míns kemur mér í hug:
Að kynni okkar hófust fyrir
rúmum þrjátíu árum þegar
hann bað mig að skrifa um föður
minn, Skúla Þorsteinsson, í bók-
ina Faðir minn – Skólastjórinn
sem hann bjó til prentunar fyrir
Oliver Stein bókaútgefanda og
út kom 1982.
Þegar við fyrir tæpum þrem-
ur áratugum hittumst á Heydöl-
um í Breiðdal hjá föðursystur
minni, Önnu Þorsteinsdóttur, og
manni hennar, síra Kristni Hó-
seassyni prófasti og sóknar-
presti þar, og Auðunn Bragi tók
að sér að vera meðhjálpari við
hátíðarmessu á jólum eða
nýjári.
Að hann ritaði minningarorð
um foreldra mína á aldarafmæli
þeirra, um hann árið 2006 og um
móður mína, dr. Önnu Sigurð-
ardóttur rithöfund og stofnanda
og forstöðumann Kvennasögu-
safns Íslands, árið 2008.
Ýmsir samfundir okkar á síð-
ari árum, þar á meðal margar
ökuferðir um Reykjavík og nær-
sveitir og að minnsta kosti ein
austur fyrir fjall til Eyrarbakka
og Stokkseyrar.
Þegar hann orti um mig sjö-
tugan kvæði sem lesið var upp í
afmælishófi á Hótel Holti af Sig-
urði Karlssyni leikara.
Að leiðarlokum þakka ég
Auðuni Braga samfylgdina.
Megi hann hvíla í friði.
Þorsteinn Skúlason.
Auðunn Bragi
Sveinsson
Raðauglýsingar
Nauðungarsala
Uppboð
Uppboð munu byrja á eftirfarandi eignum á skrifstofu
embættisins að Gránugötu 4-6, Siglufirði, miðvikudaginn
6. febrúar 2013 kl. 13:00:
Eyrargata 18, Siglufirði, fnr. 213-0148, þingl. eig. Þorsteinn Magnús-
son, gerðarbeiðendur Fjallabyggð, Íbúðalánasjóður og Vörður trygg-
ingar hf.
Hávegur 9, Siglufirði, fnr. 213-0333, þingl. eig. Margrét Valsdóttir,
gerðarbeiðendur Fjallabyggð og Sjóvá-Almennar tryggingar hf.
Hólavegur 4, Siglufirði, fnr. 213-0415, þingl. eig. Ómar Geirsson,
gerðarbeiðandi Íbúðalánasjóður.
Hólavegur 81, Siglufirði, fnr. 213-0473, þingl. eig. Hrefna Katrín Svav-
arsdóttir, gerðarbeiðandi Fjallabyggð.
Hverfisgata 8, Siglufirði, fnr. 213-0600, þingl. eig. Sigurgeir E.
Jóhannsson, gerðarbeiðendur Afl-sparisjóður og Íbúðalánasjóður.
Sýslumaðurinn á Siglufirði,
30. janúar 2013,
Ásdís Ármannsdóttir.
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Dvergabakki 2, 204-7232, Reykjavík, þingl. eig. Pétur Árnason,
gerðarbeiðendur Íbúðalánasjóður og Íslandsbanki hf., fimmtudaginn
7. febrúar 2013 kl. 14:30.
Heiðargerði 64, 203-3578, Reykjavík, þingl. eig. Helgi Njálsson og
Ingibjörg S Benediktsdóttir, gerðarbeiðandi Arion banki hf., fimmtu-
daginn 7. febrúar 2013 kl. 10:00.
Jörfabakki 18, 204-8297, Reykjavík, þingl. eig. Kristján Guðmundsson,
gerðarbeiðandi Arion banki hf., fimmtudaginn 7. febrúar 2013 kl.14:00.
Krókháls 5, 222-4900, Reykjavík, þingl. eig. Davíð Atli Oddsson, gerð-
arbeiðandi Íslandsbanki hf., fimmtudaginn 7. febrúar 2013 kl. 13:30.
Stóragerði 10, 203-3340, Reykjavík, þingl. eig. Miklós Endre Balázs
og Katalin Lörincz Miklósné Balázs, gerðarbeiðandi Arion banki hf.,
fimmtudaginn 7. febrúar 2013 kl. 11:00.
Sýslumaðurinn í Reykjavík,
1. febrúar 2013.
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Bakkastaðir 43, 224-6723, Reykjavík, þingl. eig. Bergþóra Valsdóttir
og Björn Erlingsson, gerðarbeiðandiTryggingamiðstöðin hf.,
miðvikudaginn 6. febrúar 2013 kl. 10:00.
Berjarimi 14, 221-3142, Reykjavík, þingl. eig. Sara Sturludóttir,
gerðarbeiðandi Arion banki hf., miðvikudaginn 6. febrúar 2013 kl.
10:30.
Gerðhamrar 5, 203-9090, Reykjavík, þingl. eig. Sigurður Ágúst
Ragnarsson, gerðarbeiðandi Íbúðalánasjóður, miðvikudaginn 6.
febrúar 2013 kl. 11:00.
Hraunberg 4, 226-3336, Reykjavík, þingl. eig. Betri kynning ehf.,
gerðarbeiðendur Húsfélagið Hraunbergi 4, Reykjavíkurborg,Tollstjóri
og Vörður tryggingar hf., miðvikudaginn 6. febrúar 2013 kl. 13:30.
Kríuhólar 2, 204-8940, Reykjavík, þingl. eig. Anna Lilja Jónsdóttir,
gerðarbeiðandi Kríuhólar 2, húsfélag, miðvikudaginn 6. febrúar 2013
kl. 11:30.
Mosarimi 16, 222-0379, Reykjavík, þingl. eig.Theódór Sveinjónsson
og Guðlaug Gísladóttir, gerðarbeiðendur Reykjavíkurborg og
Vátryggingafélag Íslands hf, miðvikudaginn 6. febrúar 2013 kl. 14:30.
Sýslumaðurinn í Reykjavík,
1. febrúar 2013.
Það eru nokkrar stundirnar
sem ég hef eytt með Lindu
frænku minni, síðastliðna mán-
uði. Í gegnum veikindi hennar
kynntist ég henni upp á nýtt,
reyndi að gera henni lífið létt-
ara, þetta tók á. Linda var alls
ekki allra og það tók tíma að
komast inn fyrir skelina og fá
traust hennar en skelin opnað-
ist samt alltaf smá á hverjum
degi, opnaðist stundum alveg en
lokaðist oft aftur. Við töluðum
mikið saman þessa mánuði, sér-
staklega eftir að hún fór á líkn-
Linda Guðrún Lilja
Guðbrandsdóttir
✝ Linda GuðrúnLilja Guð-
brandsdóttir fædd-
ist hinn 14. sept-
ember 1959. Hún
lést í faðmi dóttur
sinnar 18. janúar á
líknardeild Land-
spítalans í Kópa-
vogi.
Útför Lindu
Guðrúnar Lilju fór
fram 28. janúar
2013, frá Seltjarnarneskirkju.
ardeildina og
reykti ég ófáar
retturnar með
henni þó ég reyki
ekki sjálf. Linda
kveið því ekki að
deyja, en hún var
samt ekki sátt við
að fá ekki að ferma
drenginn sinn, það
var hennar draum-
ur. Stuttu áður en
hún kvaddi þetta líf
vorum við á spjalli og sagði hún
allt í einu: Gunnar náði nú ekki
að ferma Guðjón og ég held ég
eigi ekki eftir að lifa heldur til
að ferma drenginn minn. Svo
sagði hún allt í einu: Það verður
nú gaman að hitta Gunnar aft-
ur. Já, heldurðu að þið getið
ekki brallað eitthvað saman?
Jú, örugglega, svaraði hún og
glotti. Þá vissi ég að hún var að
verða tilbúin. Linda tók veik-
indum sínum með æðruleysi .
Hún var dugnaðarforkur, í des-
ember útskrifaðist hún sem fé-
lagsliði frá Borgarholtsskóla og
héldum við systur henni smá
veislu í tilefni dagsins og fékk
hún góðar gjafir en besta gjöfin
var sjálfsagt að systur hennar
komu. Þetta var dásamlegur
dagur sagði hún. Það var líka
gott að geta gert þetta fyrir
hana. Elsku Berglind, Guð-
brandur og Kolbrún Lilja, megi
lífið reynast ykkur vel. Þið stóð-
uð ykkur frábærlega í veikind-
um mömmu ykkar og ömmu.
Starfsfólk líknardeildar.
Kærar þakkir, hjá ykkur fannst
henni gott að vera.
Ég kveð Lindu mína með von
um að við hittumst á ný á nýjum
stað, Guð geymi hana.
Kveðja.
Hanna.
Kveðja frá
Borgarholtsskóla.
Haustið 2010 hóf Linda Guð-
rún Guðbrandsdóttir félagslið-
anám í skólanum. Við fyrstu
kynni fann maður að þar fór
einbeitt og dugleg kona. Hún
bar með sér ró og einurð sem
örugglega hefur fylgt henni í
störfum hennar . Linda fór sín-
ar leiðir í náminu, var ekki mjög
tæknisinnuð en alltaf náði hún
settu marki og stóð sig með
miklum sóma. Í nýliðnum des-
ember útskrifaðist hún sem fé-
lagsliði frá Borgarholtsskóla.
Hún var hetja þegar hún kom,
þá mjög veik, og tók við út-
skriftarskírteini sínu sem vissu-
lega bar því vitni hvað hún hafði
verið einörð, bjartsýn og sterk
við að ljúka námi sínu. Það er
sárt til þess að vita hvað hún
var kölluð fljótt til annarra
heimkynna, en ef til vill bíða
hennar þar möguleikar til að
hlúa að og sinna öðrum.
Fjölskyldu Lindu Guðrúnar
votta ég mína dýpstu samúð.
Þórkatla Þórisdóttir.
Morgunblaðið birtir minn-
ingargreinar endurgjalds-
laust alla útgáfudaga.
Lengd | Hámarkslengd minn-
ingargreina er 3.000 slög. Lengri
greinar eru eingöngu birtar á
vefnum. Hægt er að senda stutta
kveðju, Hinstu kveðju, 5-15 línur.
Formáli | Minningargreinum
fylgir formáli sem aðstandendur
senda inn. Þar kemur fram hvar
og hvenær sá sem fjallað er um
fæddist, hvar og hvenær hann
lést og loks hvaðan og hvenær út-
förin fer fram. Þar mega einnig
koma fram upplýsingar um for-
eldra, systkini, maka og börn.
Minningargreinar