Morgunblaðið - Sunnudagur - 24.02.2013, Page 8

8 MORGUNBLAÐIÐ SUNNUDAGUR 24.2. 2013
Í ferð minni til Indlands í vikunni hitti ég Lísu.Það var í Kalkútta sem reyndar heitir núKolkatta. Þetta var á barnaheimili fyrir mun-
aðarlaus börn. Lísa er sænsk. Hafði verið ætt-
leidd frá þessu munaðarleysingjahæli fyrir tutt-
ugu og tveimur árum til Linköping í Svíþjóð. Og
nú hafði hún snúið aftur til að finna þessa Kol-
katta-rót sína; finna hana og næra hana.
Þar sem ég sat í forstofuganginum og drakk te
sá ég inn í svefnsalinn þar sem Lísa var að gæla
við börnin sem þar voru í vöggum sínum. Mér
fannst hún vera stóra systir að láta vel að litlum
systkinum sínum. Væntumþykjan og nærgætnin
lýsti af henni og birtist í hverri hreyfingu. „Nú
get ég aftur farið heim,“ sagði hún. Nú væri hún
tilbúin. En hún hefði þurft að gera þetta. Finna
uppruna sinn og verða sátt við hann. En sjálf
væri hún sænsk, ætti sænska fjölskyldu og allt
hennar líf hefði verið sænskt. En þennan bak-
grunn vildi hún einnig gera að sínum. Enda væri
hann hluti af tilveru sinni. Lísa var ekki eini
sjálfboðaliðinn á heimilinu. Þarna var líka Sarida.
Hún var bókhaldari að atvinnu en kom á kvöldin
og um helgar til sjálfboðaliðsstarfa á þessu heim-
ili fyrir munaðarlaus börn. Hún sagði að starfið
þar veitti sér hamingju og fyllti hjarta sitt friði.
Reyndar var það nánast heilög stund sem við
áttum þarna á munaðarleysingjaheimilinu, ráðu-
neytisfólk og fulltrúar Íslenskrar ættleiðingar.
Heimilið var stofnað fyrir um þrjátíu árum þann-
ig að fyrstu börnin sem voru ættleidd þaðan eru
nú komin undir þrítugt eða jafnvel inn á fertugs-
aldurinn. Stofnendurnir voru úr sömu fjölskyldu
og enn annast heimilið. Það er rekið fyrir söfn-
unarfé og var greinilegt að það var ekki gert af
miklum efnum. Allt tal þeirra sem þarna störf-
uðu var í anda þeirra Lísu og Saridu. Fólkið
vann af væntumþykju og hugsjón. Umbunin var
brosið. „Þegar við fáum fyrsta brosið, þá hlýnar
okkur um hjartarætur,“ sagði forstöðukonan
okkur. Svo benti hún á einstaklega fallegan lítinn
dreng, sem brosti sínu blíðasta. „Hann fannst
nokkurra daga gamall í plastpoka á ruslahaugi.“
Þá hefði hann þegar verið kominn með bitsár eft-
ir rottur. Nú biði hann þess að komast í hlýjan
foreldrafaðm.
Á ættleiðngaráðstefnu sem við sóttum í höfuð-
borginni, Nýju Delhi, kom fram að indversk
stjórnvöld stefna að því að draga úr ættleið-
ingum út fyrir landamæri ríkisins. Fyrir því voru
færð ýmis rök. En hitt er ljóst að svo lengi sem
ættleiðingar út úr landinu verða við lýði mun Ís-
land seint verða afskrifað enda munu öll njóta
þess, litlu börnin og foreldrarnir, svo góð þykir
reynslan af íslenskum foreldrum sem opnað hafa
faðm sinn fyrir börnum frá Indlandi.
Þegar við kvöddum munaðarleysingjaheimilið í
Kolkatta hugsaði ég til þess hve börnin þar ættu
góða stóru systur í henni Lísu. Og ég hugsaði
líka til þess hve Linköping ætti gott að eiga hana
sem sitt barn.
Lísa
* Svo lengi sem ættleið-ingar út úr landinuverða við lýði mun Ísland
seint verða afskrifað.
ÚR ÓLÍKUM ÁTTUM
Ögmundur Jónasson
12 varð að 13
Liðna helgi birti DV 12 manna
lista um heitustu piparsveina
landsins. 12
manna listinn
breyttist hins veg-
ar í 13 manna úr-
tak þegar greinin
var sett á netið.
Teitur Björn Einarsson bættist
við þegar greinin var sett á netið.
Slapp ekki í gegnum prentvélarnar.
Ekki allir á lausu
Líflegar umræður spunnust í
kringum greinina enda kom í ljós
að nokkrir af hin-
um meintu pip-
arsveinum DV eru
alls ekki pip-
arsveinar heldur
með kærustu upp
á arminn. Þannig var Aron Pálm-
arsson á forsíðu Séð og heyrt ný-
verið þar sem tilkynnt var að ástin
hefði bankað á dyr, Víkingur Krist-
jánsson er eigi maður einsamall og
Rúnar Freyr Gíslason leikari geng-
ur hönd í hönd um vegi ástarinnar.
Þá er Björn Bragi, sjónvarpsmaður
ársins, ekki á lausu heldur.
Linda fékk piparsveinana
senda
Linda Pétursdóttir, eigandi
Baðhússins, er ein af þeim sem
eru í áskrift hjá fjölmiðlavakt Cre-
ditInfo þar sem hún fær sent efni
tengt fyrirtækinu og úr brans-
anum. Lindu brá því óneitanlega
þegar hún opnaði póstinn sinn og
við blasti greinin góða með lofuðu
mönnunum og einhverjum pip-
arsveinum. „Nú var ég að fá sent
efnið „Heitustu piparsveinar lands-
ins“.
„Veit reyndar ekki hvernig það
tengist rekstri Baðhússins en þetta
kemur sér bara ágætlega fyrir mig,
einhleypa konuna. Margir ansi
flottir þarna. Þetta er sko þjónusta
sem ég mæli með, áfram Credit-
Info og Fjölmiðlavaktin,“ sagði
Linda í stöðuuppfærslu á Fésbók-
inni.
AF NETINU
Vilhelm Anton Jónsson, betur þekkt-
ur sem Villi Naglbítur, dó ekki ráða-
laus á Edduhátíðinni frekar en fyrri
daginn. Villi er að norðan og hugsar
því í lausnum. Á sama tíma og Eddu-
hátíðin fór fram var bardagi Gunnars
Nelson í blönduðum bardagalistum.
Villi og félagar fengu því vin sinn sem
horfði á bardagann til að senda sér
fréttir í gegnum sms í Iphone-inn.
„Spark í maga.“ „Gunnar betri.“
„Gunnar tekur hann niður.“ „Hann er
að losna.“„Miklu betri.“ Þetta var
meðal skilaboða sem Villi fékk beint í
æð með augun á símanum en ekki
verðlaunahátíðinni – og aðrir fylgdust
með jafnspenntir og þeir.
Sverrir Þór Sverrisson, Ragnhildur Steinunn og Vilhelm
Anton Jónsson á Eddunni.
Morgunblaðið/Styrmir Kári
„Horfði“
á Gunnar
með sms Skoska útgáfa dagblaðsins The Sun birtir
viðtal við meðlimi íslensku hljómsveitarinnar
Of Monsters and Men í vikunni. Yfirskrift
greinarinnar er „Söngkona Of Monsters and
Men getur ekki farið til Íslands“.
Tónleikaferðalag sveitarinnar, sem hófst í
byrjun ársins og er afar viðamikið, er ekki
aðeins sagt vera tilkomið vegna vinsælda Of
Monsters and Men erlendis heldur er ástæðan
einnig sögð vera sú að tónlistarmenn geti
ekki haft atvinnu af því að starfa á Íslandi.
Hljómsveitin hóf tónleikaferð sína í Ástr-
alíu og mun ljúka henni vestanhafs. Þá taka
tónlistarhátíðir víða um heim við. Blaðamað-
ur The Sun hefur eftir Nönnu að það sé afar
dýrt að fljúga til og frá Íslandi og auk þess sé
tónlistarfólki þar sjaldan borgað heldur oftar
en ekki gengið að því vísu að það gefi vinnu
sína.
Erfitt að vera
á Íslandi
Of Monsters and Men er í viðtali við skosku
útgáfu dagblaðsins The Sun.
Morgunblaðið/Styrmir Kári
Vettvangur