Morgunblaðið - Sunnudagur - 24.02.2013, Síða 16

*Á ferðalagi um Ástralíu kynntust Ólöf og Jason námubæ þar sem húsin eru neðanjarðar »18Ferðalög og flakk
Við fjölskyldan höfum búið í Japan núna í rúm þrjú ár og margt undarlegt hef-
ur komið okkur fyrir sjónir á þessum tíma. Ofurkurteisi höfðum við aldrei upp-
lifað áður og oft líður manni eins og konungi þegar afgreiðslufólkið hneigir sig
þegar gengið er inn í matvöruverslunina í hverfinu. Eins á Japaninn til að
hneigja sig þegar hann talar í símann.
Það kemur fyrir að maður „píni“ sig í golf annað slagið enda eru japanskir
golfvellir með þeim bestu í heiminum. Það sem er einstakt í golfheiminum er að
hérna er reglan að stoppa eftir 9 holur, borða, og spila svo seinni 9 holurnar.
Tók tíma að venjast því. Eftir golfhringinn fara svo allir saman í bað, kviknakt-
ir. Tók tíma að venjast því líka.
Þegar öllu er á botninn hvolft þá er Japan eitt magnaðasta land sem ég hef
komið til og mun ég ávallt hugsa hlýlega til landsins, með öllum sínum kostum
og örfáum göllum.
Hilmar Þórlindsson
Fjölskyldumyndin á Okinawa. Hilmar með Hönnu Lilý fjögurra ára og Inga
Lilý Gunnarsdóttir með Þórunni Maríu átta ára.
Rauðvínspotturinn er í Hakone og
heitir Yunessun
Líður oft eins og konungi
Mögnuð upplifun. villtir apar í
heitu baði.
PÓSTKORT F
RÁ TOKÍÓ
Þ
etta er vinalegasta borg sem við höfum komið til. Alls staðar
þar sem maður var voru heimamenn boðnir og búnir til að
segja frá, leiðbeina og taka myndir. Maður mátti vart hægja
ferðina þá var heimamaður kominn til manns að bjóðast til
að taka myndir af okkur fyrir framan eitthvert minnismerki eða
byggingu. Svo er þetta líklega sú borg sem leggur mest upp úr
heilsu, það eru gjörsamlega allir hlaupandi og hjólandi þarna. Bíla-
umferð merkilega lítil miðað við stærð. Langflestar búðirnar þarna
eru sérhæfðar íþróttabúðir og jafnvel í þessum hefðbundnu keðjum
var sérstakt íþróttahorn sem maður sér ekki í sömu búðum í öðrum
borgum,“ segir Þórdís sem starfar sem áskriftastjóri hjá Skjánum
en maður hennar Tómas starfar hjá Símanum. Þau áttu saman ljúfa
og rómantíska helgi í höfuðborg Bandaríkjanna síðastliðið haust.
Í Washington eru sögufrægar byggingar á hverju strái, en hvað
ætli hafi verið eftirminnilegast úr ferð þeirra hjóna?
„Við fengum gott kort yfir allar þessar byggingar og ákváðum
svona hvað við vildum helst sjá og örkuðum af stað. Þarna er ekki
sama leigubílamenning og ríkir í mörgum öðrum bandarískum borg-
um. Við hefðum þó átt að taka lest eða hjól til að komast meira mið-
svæðis, en gerði ekki til, fyrir utan þreytta fætur og nokkrar blöðr-
ur. Við skoðuðum náttúrlega alla þessa stórkostlegu staði sem
maður hefur séð í bíómyndum. Það sem stóð helst upp úr var að
Hvíta húsið er mun minna en maður bjóst við, þetta var svipuð til-
finning og þegar maður sá Hafmeyjuna í Kaupmannahöfn í fyrsta
sinn. Við lentum svo í þrumuveðri þar sem „skjótt skipast veður í
lofti“ fékk nýja meiningu, það var sól og sumarylur þegar við byrj-
uðum að labba yfir götuna og þrumur, eldingar, brjálaður vindur og
eldingar þegar við komum yfir hana. Við vorum leigubílstjóranum
endalaust þakklát fyrir að taka okkur gegnblaut upp í,“ segir Þór-
dís.
Spurð hvort þau hjónin lumi á góðum ráðum fyrir þá sem enn
eiga eftir að heimsækja borgina segir hún því auðsvarað. „Leigja
hjól (þau er hægt að leigja í sérstökum sjálfsölum sem eru úti um
allt) og sjá borgina þannig, það er mjög gefandi og er auðveldara
vegna þess hve stórt svæði er hægt að skoða. Velja vel því það er
hægt að vera þarna í viku og sjá alltaf eitthvað nýtt.“
HELGARFERÐ TIL WASHINGTON
Borgar sig
að leigja hjól
ÞÓRDÍS V. ÞÓRHALLSDÓTTIR OG TÓMAS SVEINSSON
SEGJA WASHINGTON VINALEGA BORG EN HVÍTA
HÚSIÐ REYNDIST MINNA EN ÞAU ÁTTU VON Á
Eyrún Magnúsdóttir eyrun@mbl.is
Heimamenn voru fúsir til að aðstoða hjónin við myndatökur svo
þau gætu átt mynd af sér saman fyrir framan Hvíta húsið.
Þórdís og Tómas við helsta kennileiti borgarinnar,
Washington Monument, eða „nálina.“
Þórdís við Hvíta húsið á hjólinu góða sem kom sér vel að leigja í ferðinni, enda margt að sjá í höfuðstað Bandaríkjanna.