Morgunblaðið - Sunnudagur - 24.02.2013, Side 18

18 MORGUNBLAÐIÐ SUNNUDAGUR 24.2. 2013
Ferðalög og flakk
Ó
löf Guðmundsdóttir og Jason
Capps fóru í sex vikna ferðalag
um Ástralíu, sem lauk í desem-
ber. Á þessum sex vikum
keyrðu þau 10.500 kílómetra. „Ef maður horf-
ir á kortið af Ástralíu fórum við eiginlega
ekki einu sinni einn þriðja,“ segir hún og
bætir við að foreldrar Jasons, sem er ástr-
alskur, hafi verið að koma úr fimm mánaða
ferðalagi og þau hafi samt ekki náð að
ferðast um allt landið. „Þetta er bara svona
stórt land.“
Ferðalagið hófst suður frá Sydney. „Við
byrjuðum á því að keyra meðfram ströndinni
frá Sydney, það er svona eins og maður
ímyndar sér að Ástralía sé, endalausar
strendur. Svo fórum við upp inn í miðja Ástr-
alíu og þá vorum við komin í rosalegan hita
og keyrðum langar vegalengdir þar sem það
var ekki neitt, “ segir hún og útskýrir. „Við
keyrðum kannski í tvo til fjóra tíma og sáum
ekkert nema sand og tré á stangli.“ Henni
fannst þetta flott landslag og upplifunin var
sterk. „Okkur var ráðlagt að stoppa í einni
ákveðinni bensínstöð, sama hversu mikið
bensín við værum með því það væri engin
önnur í tæpa 400 kílómetra.“
Inni í landi er síðan rauði kletturinn, Ayers
Rock, sem er þekkt kennileiti. Þar lentu þau í
sandstormi og rigningu sem var upplifun út af
fyrir sig. Þau fengu allavega ekki að upplifa
„skapsveiflur“ klettsins, sem er þekktur fyrir
að taka á sig ýmsar myndir í mismunandi sól-
skini.
Ferðalagið var eins konar hringur, þau
keyrðu út í átt til austurstrandarinnar frá
miðju landsins og svo niður með ströndinni í
áttina til Sydney. Leiðin er fjölbreytileg. „Við
fórum þar sem heitir Great Ocean Road. Þar
er mikill sjór og öldugangur og sérstakir
klettar, sem kallast Postularnir 12. Sjórinn er
kraftmikill svo einhverjir hafa brotnað niður,“
segir hún en þrátt fyrir að það hafi verið sum-
ar í Ástralíu lentu þau í vondu veðri þarna.
„Við lentum í roki og rigningu en höfðum
bara pakkað stuttbuxum og stuttermabolum
og þurftum að kaupa hlý föt.“
Ferðin fól einnig í sér skemmtilega strand-
upplifun. „Nálægt Great Barrier Reef eru æð-
islegar strandir. Við ætluðum bara að vera
eina nótt á strönd sem heitir Airlie Beach en
vorum fjórar. Okkur langaði ekki til að fara.“
Neðanjarðarhótel og -kirkjur
Þau stoppuðu líka lengur en áætlað var í
bænum Cooper Pedy, sem var uppáhalds-
staður Ólafar í ferðinni. „Þetta er námu-
vinnslubær en þarna er grafið eftir ópal. Bær-
inn er næstum ekkert nema sandur því
helmingur af bæjarbúum býr neðanjarðar.
Það getur orðið svo heitt þarna, getur farið
upp í 50 stig á sumrin. Fólkið grefur sig inn í
sandinn og byggir sér hús sjö, átta metra
neðanjarðar og þar eru alltaf 22-24 gráða hiti
og þá þarf hvorki upphitun né loftkælingu.
Nafnið kemur frá frumbyggjum og þýðir Hola
hvíta mannsins. Við vorum fjóra daga og ég
var dolfallin yfir öllu. Þú sérð hús á stangli og
sandhóla og þú veist að það býr einhver þar
undir ef það stendur lítill og mjór strompur
upp úr,“ segir hún.
„Þetta er staður sem er ekki merkilegur í
ferðahandbókinni en þegar við komum þarna
var hann algjört æði. Við skoðuðum okkur
heilmikið um. Þarna eru neðanjarðarkirkjur
og við heimsóttum þrjár af fjórum í bænum.
Svo eru bæði hótel og tjaldsvæði neðanjarðar
en við prófuðum reyndar ekki að sofa neð-
anjarðar.“
Ólöf og Jason giftu sig á Íslandi 8. febrúar.
Ólöf játar því aðspurð að ferðalagið hafi verið
góður undirbúningur að traustu hjónabandi.
Verða með stærri bíl næst
Þau ferðuðust um í sendiferðabíl sem þau
sváfu líka í og búið var að innrétta með rúmi.
„Allir sögðu: Ef þið þolið hvort annað í svona
nálægð og þrengslum í þennan tíma, þá er
það bara nokkuð gott!“
Ólöf og Jason við klettinn rauða, Ayers Rock, snemma morguns.
FERÐUÐUST 10.500 KÍLÓMETRA VEGALENGD
Fyrsta ferðin
af mörgum
SEX VIKNA FERÐALAG ÓLAFAR GUÐMUNDSDÓTTUR OG JASONS CAPPS
Á SENDIFERÐABÍL UM ÁSTRALÍU VAR GÓÐUR UNDIRBÚNINGUR FYRIR
HJÓNABANDIÐ. NEÐANJARÐARBÆRINN COOPER PEDY HEILLAÐI MEST.
Inga Rún Sigurðardóttir ingarun@mbl.is
* „Þú sérð hús ástangli og sandhólaog þú veist að það býr
einhver þar undir ef það
stendur lítill og mjór
strompur upp úr.“
Klassísk hönnun frá 1960
Hægt að velja um lit og áferð að eigin vali
Íslensk hönnun og framleiðsla
r. 24.300
E 60-
Verð frá k