Morgunblaðið - Sunnudagur - 24.02.2013, Síða 28

*Matur og drykkir Hollustuhjónin Eva Ósk og Davíð grilla folaldalund þegar þau vilja gera vel við sig um helgar »30
Sigrún Þorsteinsson matarbloggari og áhugamanneskja um hollmeti og næringu.
Drykkur
fyrir óléttar
konur
JÁRNSKAMMTUR Í GLASI
MATARVEFUR SIGRÚNAR
ÞORSTEINSDÓTTUR NÝTUR MIKILLA
VINSÆLDA EN HÉR DEILIR HÚN UPPSKRIFT
AÐ JÁRNRÍKUM DRYKK MEÐ LESENDUM
SUNNUDAGSBLAÐS MORGUNBLAÐSINS
Hildur Guðbjörg Kristjánsdóttir hgk4@mbl.is
S
igrún Þorsteinsdóttir hefur haldið úti heimasíðunni
cafesigrun.com síðan 2003 en þar er að finna fjöl-
breyttar og hollar uppskriftir ásamt alls konar
fróðleik. Sigrún flutti til London árið 2001 ásamt
eiginmanni sínum Jóhannesi Erlingssyni. Í London
kynntist Sigrún nýjum hráefnum og byrjaði að dunda
sér í eldhúsinu. Hún ákvað að stofna heimasíðu fyrir
uppskriftirnar sínar og í dag er síðan mjög vinsæl og
fer heimsóknum sífellt fjölgandi.
Sigrún segir mikilvægt að hugsa um mataræðið þar
sem næring hafi áhrif á allar frumur líkamans.
Aðspurð hvaða ráð hún hafi fyrir óléttar konur sem
hafa ekki lyst á mat segir hún að mikilvægt sé að við-
halda orkunni jafnt og þétt yfir daginn með járnríku
nasli. „Drykkurinn hér að ofan hentar mjög vel fyrir
óléttar konur. Hann er járnríkur og slekkur á syk-
urlönguninni og heldur blóðsykrinum jöfnum. Einnig er
gott að borða holla og góða fitu á borð við kókosolíu,
avókadó, hnetur, egg, ólífuolíu og svo framvegis. Ef mik-
il ógleði er til staðar er gott að frysta ísmola með svo-
litlu af pressuðum engifersafa og setja molana út í kalt
vatn. Það slekkur aðeins á ógleðinni,“ segir Sigrún. Hún
tekur það fram að hún sé hvorki ljósmóðir, læknir né
næringarfræðingur en ávallt skuli ráðfæra sig við viðeig-
andi aðila.
Morgunblaðið/Sverrir
Uppskrift (fyrir tvo)
1 lúka rúsínur
½ lúka mjúkar sveskjur, steinlausar
2 lúkur spínat
4 döðlur
200 ml appelsínusafi (eða meira)
100 ml sojamjólk/haframjólk/hrísmjólk/möndlu-
mjólk
2 bananar, vel þroskaðir
2 msk haframjöl (má sleppa)
1 msk quinoakorn
½ mtsk cashewhnetumauk
nokkrir ísmolar
Aðferð
Setjið ísmola út í blandarann og svolitla slettu af app-
elsínusafa. Blandið í nokkrar sekúndur.
Setjið döðlur, sveskjur, rúsínur og spínat í blandarann
ásamt afganginum af appelsínusafanum og sojamjólk.
Blandið í 10 sekúndur.
Bætið banönum, haframjöli, quinoa og cashew-
hnetumauki út í blandarann og blandið í 20-30 sekúndur
eða þangað til drykkurinn er orðinn silkimjúkur og
þykkur.
Berið fram strax.
Nota má hnetusmjör eða tahini í staðinn fyrir cas-
hewhnetumauk.
JÁRN Í GLASI