Morgunblaðið - Sunnudagur - 24.02.2013, Page 60

Jóhanna og Steingrímur stíga upp úr valdastólum um þessar mundir
og þótti sumum tímabært. Vöngum er nú velt af miklum móð á Eng-
landi og víðar hvort franski knattspyrnuprófessorinn svokallaði, Ar-
sene Wenger, sé á förum úr sínum stól. Ekki úr pólitík, í hefð-
bundnum skilningi, heldur sleppi stjórnvelinum hjá enska félaginu
Arsenal, sem hann hefur þjálfað á sautjánda ár, frá 1996, með frábærum
árangri – framan af.
Hvaða Arsene? spurði götublaðið Evening Standard í frægri fyrirsögn
daginn sem Frakkinn tók við, um mánaðamótin september-október árið
1996. Einhverjir tóku undir, en svör fengust fljótlega.
Arsene Wenger er vafalaust einn snjallasti knattspyrnuþjálfari samtímans
og án efa sá útlendingur sem markað hefur varanlegust spor í enskum
knattspyrnuheimi. Mourinho gjörbreytti vissulega liði Chelsea og fleiri hafa
komið við sögu, en það var ekki fyrr en Wenger kom til starfa hjá Arsenal
að farið var að leiða hugann af einhverju viti að hollustu og skynsamlegu líf-
erni. Ruslfæði og pöbbaferðir voru allt að því daglegt brauð hjá fjölda leik-
manna. Það gjörbreyttist eftir að Wenger fluttist til London. Fyrst hjá Ars-
enal og forráðamenn annarra knattspyrnufyrirtækja fylgdu í þau fótspor
þegar í ljós kom hvern árangur leið Wengers bar.
Fyrsta heila ár Frakkans með félagið fögnuðu Arsenalmenn tvöföldum sigri;
liðið varð bæði Englandsmeistari og enskur bikarmeistari vorið 1998. Fjórum
árum síðar endurtóku Wenger og hans menn leikinn og veturinn 2003-2004
var sögulegur af því leyti að Arsenal tapaði ekki einum einasta leik í deildinni.
Engu liði hafði tekist það áður. Þegar 20 ára afmæli úrvalsdeildarinnar var
haldið hátíðlegt í fyrra var lið Arsenal umrætt keppnistímabil einmitt valið hið
besta í sögu úrvalsdeildarinnar! Merkilegt nokk, þrátt fyrir ómælda sigurgöngu
Manchester United og stórkostleg Chelsea-lið.
Síðustu ár hefur hins vegar hallað undan fæti. Arsenal hefur ekki unnið titil síð-
an félagið varð bikarmeistari vorið 2005; átta ár liðin í vor og ekki verður breyt-
ing á nú, nema áður óþekkt undur og stórmerki eigi sér stað. Glöggt kom í ljós í
Meistaradeildarleiknum gegn Bayern München í London í vikunni hve langt Ars-
enal stendur nú að baki bestu liðum Evrópu.
Orðstír deyr aldregi – en menn lifa ekki á fornri frægð til lengdar. Á það benda
þeir sem nú telja tímabært að skipta um þjálfara. Ekki bætir úr skák að erki-
fjendurnir í Tottenham Hotspur eru feti framar í augnablikinu og meiri líkur á
að Spurs hreppi fjórða sæti úrvalsdeildarinnar í vor, sem gefur þátttökurétt í
meistaradeildinni næsta vetur.
Wenger er hugsjónamaður. Fegurðin er ofar flestu, auðvitað vill hann sigra, en
er ekki alveg sama hvernig farið er að því. Stefna hans hefur verið að kaupa ekki
stjörnuleikmenn heldur búa til stjörnur sjálfur. Kaupa góðan efnivið, óslípaða
demanta og gera úr þeim fegursta skartið. Það hefur margoft tekist en með
ólíkindum er, sem margoft hefur komið fram í fréttum, að Wenger afþakki fé til
kaupa á afburðaleikmönnum. Þrátt fyrir prinsippið þykir þeim sem þetta skrifar
það ekki trúlegt. Nægt fjármagn er sagt fyrir hendi enda Arsenal einstaklega vel
rekið fyrirtæki. En hvers vegna ætti Wenger ekki að vilja kaupa leikmenn sem
þegar hafa sannað sig á stóra sviðinu? Menn sem myndu örugglega skipta sköp-
um og gera að verkum að Arsenal berðist enn og aftur um alla stóru titlana.
Eitthvað fleira en einstrengingsháttur Wengers þjálfara hlýtur að búa þarna að
baki. Erfitt er að trúa að jafn snjall starfsmaður og þessi franski boltaprófessor
skuli ekki vilja næla í bestu bitana ef þeir standa til boða.
Arsene Wenger var
ekki blíður á manninn
á hliðarlínunni gegn
Bayern í vikunni,
og engin ástæða til.
AFP
Hvaða
Wenger?
VERULEGA NÆÐIR UM ARSENE WENGER, GÆÐA-
ÞJÁLFARANN HJÁ ARSENAL. EINHVERJIR TELJA
TÍMABÆRT AÐ HANN TAKI HATT SINN OG STAF.
* „Fegurðin við fótboltann er sú að Jakob á alltaf möguleika á sigri gegn Golíat.“Terry Butcher, fyrrverandi landsliðsfyrirliði Englands, ekki alveg með hlutina á hreinu!BoltinnSKAPTI HALLGRÍMSSON
skapti@mbl.is
60 MORGUNBLAÐIÐ SUNNUDAGUR 24.2. 2013