Morgunblaðið - 06.04.2013, Síða 16

Innlent
MORGUNBLAÐIÐ LAUGARDAGUR 6. APRÍL 2013
BAKSVIÐ
Rúnar Pálmason
runarp@mbl.is
Samfélagið á Suðurlandi fær ekki
nægar tekjur af ferðamönnum og litl-
ar greiðslur frá ríkinu en þarf að
standa straum af ýmsum kostnaði
vegna ferðamanna, s.s. við salerni á
vinsælum viðkomustöðum. Þessi
kostnaður lendir á sveitarfélögunum
á Suðurlandi og
þar með á út-
svarsgreiðendum,
að sögn Davíðs
Samúelssonar,
framkvæmda-
stjóra Markaðs-
stofu Suðurlands.
Nauðsynlegt sé
að ræða hvort rétt
sé að innheimta
gjald á ferða-
mannastöðum til að standa undir
gerð göngustíga, rekstri salerna o.fl.
Stuðla þurfi að því að meiri tekjur af
ferðamennsku verði eftir á lands-
byggðinni. „Það er ekki nóg að fá
peninga til uppbyggingar, það þarf
líka að reka staðina,“ segir hann.
Flestir ferðamenn komi til að
skoða náttúruna og það verði að
vernda hana og bera virðingu fyrir
henni.
Fleiri dvelji á Suðurlandi
Davíð bendir á að á veturna gisti
flestir ferðamenn í Reykjavík og fari
síðan með rútum út á land, ekki síst á
Suðurland. „Ferðamaður kaupir
fjögurra daga pakkaferð til Íslands
og dvelur í Reykjavík allan tímann.
Það er ekki óalgengt að alla þessa
fjóra daga fari hann í skoðunarferðir
á Suðurlandi eða í aðra landshluta en
er alltaf ekið aftur til Reykjavíkur að
kvöldi,“ segir Davíð.
Svona ferðamennska sé alls ekki
umhverfisvæn eða sjálfbær og afar
litlar tekjur verði eftir á Suðurlandi.
„Þær verða til hjá hótelum og rútu-
fyrirtækjum í Reykjavík,“ segir
hann. Yfir þrjá mánuði á sumrin sé
gisting á Suðurlandi vel bókuð en
mun minna sé um ferðamenn að vetri
og svigrúm sé til að fjölga vetrar-
ferðmönnum verulega.
Það sé auðvitað gott að fyrirtæki í
ferðaþjónustu skili hagnaði en það
verði að huga að því að tekjurnar
dreifist víðar.
Á Suðurlandi sé verið að gera ým-
islegt til að laða ferðamenn að og
meira sé í uppsiglingu, t.d. á sviði
svokallaðrar upplifunarferða-
mennsku en þá er reynt að kynna
matarmenningu og önnur sérkenni
svæðisins fyrir ferðamönnum. „Við
viljum sjá til þess að ferðamenn geti
komið beint á Suðurland, til dæmis
um Suðurstrandarveg, og dvalið hjá
okkur og keyrt frá okkur til allra
átta,“ segir hann.
Þá bendir hann á að nýlega hafi
verið opnuð tvö kaffihús við vinsæla
staði, Svínafellsjökul og Reykjadal,
sem selji ferðamönnum veitingar og
gefi þeim kost á að komast á salerni.
Þannig verði tekjur eftir á svæðinu.
Aðalfundur Markaðsstofunnar í
mars var um leið málþing um gjald-
töku á ferðamannastöðum. Davíð
segir að á málþinginu hafi komið
fram að um 70% af tekjum af ferða-
mönnum verði eftir í Reykjavík. Rík-
ið innheimti háa skatta af ferðamönn-
um og ferðaþjónustufyrirtækjum en
lítið af því fé skili sér út á land. Þann-
ig fái ferðaþjónustan á Suðurlandi
aðeins nokkrar milljónir á ári til
markaðsstarfs.
Þá sé merkilegt að hugsa til þess
að um 150 manns vinni að ýmiss kon-
ar rannsóknum í sjávarútvegi en rík-
ið kosti aðeins um fimm starfsmenn
til rannsókna í ferðaþjónustu. Þó sé
orðinn lítill munur á þeim gjaldeyris-
tekjum sem þessar greinar skili þjóð-
arbúinu.
Gista í Reykjavík en er ekið
daglega í ferðir út á land
 Kostnaður lendir á sveitarfélögum á Suðurlandi en tekjurnar annars staðar
Ljósmynd/Dalakaffi
Hlutverkaskipti Kaffihúsið var áður sumarbústaður í Borgarfirði. Magnea sótti um fyrsta leyfið fyrir rekstrinum 7.
maí 2012 og öll leyfi lágu fyrir 17. ágúst. Húsið er með stöðuleyfi því ekki er búið að gera deiliskipulag fyrir svæðið.
Kaffihúsið Dalakaffi, sem er við
upphaf gönguleiðarinnar í Reykja-
dal ofan Hveragerðis, var opnað 17.
ágúst sl. og strax varð brjálað að
gera, að sögn Magneu Jónasdóttur
sem á og rekur kaffihúsið ásamt
eiginmanni sínum Þorsteini Hanni-
balssyni.
Þau eru búsett í Hveragerði og
Magnea segist lengi hafa velt fyrir
sér að opna kaffihús á þessum stað
enda sé Reykjadalur afar vinsæll og
engin þjónusta hafi verið þar í boði fyrir ferðamenn.
Gönguleiðin er sex kílómetrar, fram og til baka, en
ekkert salerni var á svæðinu og var töluvert um að
ferðamenn færu þess í stað á bak við næsta stein til að
létta á sér. Magnea samdi um það við Hveragerðisbæ
að bærinn keypti lítið hús fyrir vatnssalerni en hún
myndi sjá um reksturinn. Salernin eru opin allt árið og
er notkun endurgjaldslaus.
Kaffihúsið er opið alla daga á sumrin, frá 15. maí til
15. nóvember, á milli kl. 10 og 22. Á veturna er opið frá
föstudegi til sunnudags. Í Dalakaffi er hægt að fá kaffi-
drykki, súpu og meðlæti og svo er þar lítið gallerí. Fjóra
starfsmenn þarf á sumrin. Og reksturinn er skemmti-
legur. „Því ég er kaffisnobb,“ segir Magnea.
Brjálað að gera í Dalakaffi frá fyrsta degi
HJÓN Í HVERAGERÐI OPNUÐU KAFFIHÚS VIÐ GÖNGULEIÐINA Í REYKJADAL
Magnea
Jónasdóttir
Járnskortur
getur verið
ein ástæðan
Vandaðar bætiefnablöndur
úr lífrænni ræktun,
fyrir börn og fullorðna.
Þreytt og
slöpp?
Nánar á heilsa.is
Fæst í apótekum og heilsuvöruverslunum.
• Einkenni járnsskorts geta verið
t.d. mæði, þreyta svimi, kulsækni,
hjartsláttaróregla og höfuðverkur.
• Floradix og Floravital hjálpa fólki
til að viðhalda góðri heilsu og
heilbrigði.
• Blandan byggist upp á fljótandi
lífrænu járni, sérvöldum jurtum,
ávaxta djús og blöndu af c- og
b-vítamíni, til að auka járnbúskap
líkamans.
Fossil
13.900 kr.
Fossil
21.800 kr.
Jacques Lemans
28.900 kr.
Laugavegi 15 - 101 Reykjavík
Sími 511 1900 - www.michelsen.is
Góðar
fermingar-
gjafir
Jacques Lemans
28.900 kr.
Jacques Lemans
23.400 kr.
Casio
5.600 kr.
Skoðaðu úrvalið
á michelsen.is
Davíð Samúelsson