Morgunblaðið - 26.04.2013, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 26. APRÍL 2013
Viðar Guðjónsson
vidar@mbl.is
Hjólreiðamenn kvarta margir sáran
undan torginu fyrir framan tónlistar-
húsið Hörpu. Telja þeir að um slysa-
gildru sé að ræða. Fjölmörg dæmi
eru um að fólk hafi sprengt dekk á
ferð um torgið vegna vatnsrennu sem
er á torginu. Þá hafa a.m.k. tveir hjól-
reiðamenn beinbrotnað við að detta á
torginu.
Viktor Þór Sigurðsson hjá hjóla-
versluninni Tri segir að hjólreiðafólk
hafi leitað til verslunarinnar í um tug
tilvika vegna skemmds dekks eftir að
hafa hjólað um torgið. „Fólk tekur
ekki eftir þessum vatnslínum sem
settar eru í torgið og lendir skyndi-
lega ofan í þeim,“ segir Viktor og
bætir við að torgið sé enn hættulegra
hjólreiðafólki að vetrarlagi þegar
snjór er yfir því.
Árni Davíðsson, formaður Lands-
samtaka hjólreiðamanna, segir að vit-
að sé til þess að tveir hjólreiðamenn
hafi hlotið beinbrot eftir að hafa hjól-
að á torginu. „Torgið er hannað eins
og um sé að ræða slétt torg þar sem
menn geta valsað um en svo reynast
vera á því holur og gjótur sem menn
detta í. Í rigningu og slæmu skyggni
renna hlutirnir saman þar sem allt er
gráleitt á torginu,“ segir Árni.
Engar merkingar
Hann bendir á að ekki séu neinar
merkingar á svæðinu sem vari fólk
við. „Við höfum heyrt af nokkrum
óhöppum en fjöldi slysa hefur ekki
verið tekinn saman, enda er ekki
haldið sérstaklega utan um það hvar
slys verða,“ segir Árni.
Árni bendir jafnframt á að vel sé
hægt að fara örugglega yfir torgið
um brú sem fer yfir umrædda vatns-
rennu. Þá sé hægt að fara um gagn-
stétt meðfram Sæbraut fjarri torginu
ef fólk vilji komast leiðar sinnar til og
frá miðbænum. „En taka verður með
í reikninginn að margir útlendingar
taka hjól á leigu og vita ekki að þarna
er varhugavert að hjóla um,“ segir
Árni.
Lúmskar slysagildrur á torgi Hörpu
 Tveir hafa beinbrotnað við að detta á torginu framan við Hörpu  Misfellur á sléttu torginu  Lands-
samtök hjólreiðamanna funduðu í fyrra með borgaryfirvöldum og forstjóra Hörpu vegna málsins
Morgunblaðið/Kristinn
Torsýnilegt Hjólamenn taka ekki allir eftir flottu vatnslínunum við Hörpu
og stýra hjólunum ofan í þær. Við það geta menn hlotið slæmar byltur.
Torgið framan við Hörpu er
hannað af Þráni Haukssyni,
landslagsarkitekt hjá Landslagi
ehf. Í júní í fyrra fór Árni Dav-
íðsson á fund með fulltrúa frá
umhverfis- og skipulagssviði
Reykjavíkurborgar og Halldóri
Guðmundssyni, forstjóra Hörpu.
Þar fór Árni yfir sjónarmið hjól-
reiðafólks. „Það þarf að bæta
merkingar þarna en það verður
ekki gert nema í samráði við
hönnuði torgsins. Við erum með
þetta á verklista og okkur finnst
þetta vera réttmætar ábend-
ingar frá hjólreiðafólki,“ segir
Halldór Guðmundsson.
Réttmætar
ábendingar
SAMRÁÐ UM BREYTINGAR
SVIÐSLJÓS
Guðni Einarsson
gudni@mbl.is
Embætti umboðsmanns skuldara
höfðu hinn 23. apríl borist 24 um-
sóknir um greiðsluaðlögun, 60 erindi
og 89 umsóknir um ráðgjöf í þessum
mánuði. Þessar tölur eru ekki end-
anlegar því berist ekki nauðsynleg
fylgigögn falla umsóknir niður.
Hinn 1. mars síðastliðinn voru 388
umsóknir um greiðsluaðlögun í
vinnslu hjá embættinu þar sem tekin
var afstaða til þess hvort samþykkja
ætti umsóknina eða ekki. Að jafnaði
hafa um 77% umsókna hlotið sam-
þykki, um 14% umsókna hefur verið
hafnað og umsækjendur hafa aftur-
kallað um 9% umsókna. Þetta kemur
fram í minnisblaði um stöðu mála hjá
umboðsmanni skuldara 1. apríl 2013.
Búið er að taka afstöðu til 4.273
greiðsluaðlögunarmála og af þeim
eru 1.204 í vinnslu hjá umsjónar-
mönnum. Í málum hjá umsjónar-
mönnum er reynt að ná samningum
við kröfuhafa fyrir hönd skuldara.
Af 1.204 málum hjá umsjónar-
mönnum eru 225 mál í vinnslu hjá
umboðsmanni skuldara vegna
ábendinga um að eitthvað hafi komið
í ljós sem hindri greiðsluaðlögun. Tíu
mál eru í vinnslu hjá dómstólum
vegna beiðni um nauðasamninga.
Samningar náðust í 76% tilfella í
þeim málum sem er lokið hjá um-
sjónarmönnum. Heimild til umleit-
ana um greiðsluaðlögun hefur verið
afturkölluð í tæplega 13% tilfella og
færist það í vöxt.
Vinnslu 3.069 umsókna um
greiðsluaðlögun telst vera lokið. Þar
af lauk 1.587 umsóknum með frjáls-
um samningum og 29 með nauða-
samningum. Hins vegar hefur 457
málum lokið hjá umsjónarmanni án
samnings. Vinnslu 625 mála hefur
lokið hjá umboðsmanni skuldara
með synjun og 367 umsóknir voru
afturkallaðar að frumkvæði umsækj-
enda áður en mál fóru til umsjón-
armanns.
Eitt af hlutverkum umboðsmanns
skuldara er að gæta hagsmuna
skuldara þegar við á. Tekið er við
ábendingum skuldara um ágalla á
lánastarfsemi og eru slík mál send
áfram til viðeigandi eftirlitsstjórn-
valds. Þá var umboðsmanni skuldara
falið að hafa eftirlit með endur-
útreikningum fjármálafyrirtækja á
lánum einstaklinga sem höfðu ólög-
mæta gengistryggingu. Frá 1. ágúst
2010 hafa embættinu borist 2.567
slík erindi. Þar af eru um 700 vegna
lána með gengistryggingu.
Eins bárust 1.018 erindi vegna
ábyrgðarskuldbindinga. Flest þeirra
snúa að ábyrgðarmönnum umsækj-
enda um greiðsluaðlögun eða um
ráðgjöf. Einnig hafa aðrir ábyrgðar-
menn leitað til embættisins. Nú er
lokið athugun á 998 ábyrgðum og
100 eru í athugun. Þar af hafa um
30% ábyrgðanna reynst vera ógild-
ar, flestar vegna skuldabréfa en
einnig vegna yfirdráttarheimilda,
lánsveða og tryggingabréfa.
Flestir hafa fengið lausn
 77% umsókna um greiðsluaðlögun samþykkt  Vinnslu 3.069 umsókna um
greiðsluaðlögun telst vera lokið  Um 30% ábyrgða reyndust vera ógildar
Umboðsmaður skuldara
» Embætti umboðsmanns
skuldara tók til starfa 1. ágúst
2010. Hjá embættinu eru nú
64 stöðugildi.
» Meginmarkmiðið er að bæta
stöðu einstaklinga sem eiga í
skulda- og greiðsluerfiðleikum
í kjölfar hrunsins haustið 2008
og auðvelda þeim að koma
greiðslubyrði og skuldastöðu í
ásættanlegt horf.
Morgunblaðið/Eggert
Umboðsmaður skuldara Margar þúsundir einstaklinga hafa leitað til embættisins og fengið greiðsluaðlögun eða ráðgjöf vegna fjárhagserfiðleika.
Fjöldi umsókna hjá umboðsmanni skuldara
Heimild: Umboðsmaður skuldara - www.ums.is
Greiðsluaðlögun Tvær fasteignir Ráðgjöf Erindi
100 200 300 400 500 600 700 8000
mars
febrúar
janúar 2013
desember
nóvember
október
september
ágúst
júlí
júní
maí
apríl
mars
febrúar
janúar 2012
desember
nóvember
október
september
ágúst
júlí
júní
maí
apríl
mars
febrúar
janúar 2011
desember
nóvember
október
september
ágúst
f. ágúst 2010
Sérstakar aðstæður vegna greiðslu-
skjóls skýra tæplega 800 umsóknir
sem bárust umboðsmanni skuldara
um greiðsluaðlögun í júní 2011. Þá
bárust álíka
margar umsóknir
og allt árið 2012.
Ástæðan var
bráðabirgða-
ákvæði í lögum
sem olli því að
fólk sem lagði inn
umsókn um
greiðsluaðlögun
fór beint í
greiðslufrestun.
Umsóknarfresti
um 110% leiðina lauk á sama tíma
sem ýtti undir fleiri umsóknir.
Ásta S. Helgadóttir, umboðsmaður
skuldara, sagði að sífellt stærri hópur
þeirra sem legðu inn umsóknir hjá
embættinu væru að leita eftir ráð-
gjöf. Ráðgjöfin er vægara úrræði en
greiðsluaðlögun. Í henni leitar fólk
samninga við kröfuhafa án þess að
fara í greiðsluaðlögun.
Embætti umboðsmanns skuldara
verður þriggja ára 1. ágúst nk. Þungi
vinnunnar hjá embættinu er nú við að
ljúka greiðsluaðlögunarsamningum.
„Það er farið að reyna á lagaákvæði
um að afmá veðskuldir og hvernig
málalok greiðsluaðlögunar verða.
Þar er mesti þunginn núna og við
breytingu samninga,“ sagði Ásta.
Þegar veðréttindi eru afmáð er
tekið mið af greiðslugetu skuldara og
matsverði eignar hans. Þær veð-
skuldir sem eru umfram matsverð
eignar og greiðslugetu skuldarans
eru máðar af fasteigninni. Einnig er
tekið tillit til óveðbundinna skulda.
Þetta er lokastig endurskipulagn-
ingar fjármála skuldarans. Eftir
greiðsluaðlögunina á að vera búið að
laga greiðslubyrðina að greiðslugetu
hans. Eftir það á hann að geta staðið
við sínar skuldbindingar til fram-
búðar.
Ásta minnti á að fyrir hrun hefði
Ráðgjafarstofa um fjármál heim-
ilanna verið til og alltaf haft nóg að
gera. Þar voru þá ekki nema sjö
starfsmenn en hjá umboðsmanni
skuldara eru nú 64 stöðugildi. Hún
sagði fulla þörf fyrir þessa þjónustu.
gudni@mbl.is
Æ fleiri
vilja fá
ráðgjöf
 Mörg mál eru
komin á lokastig
Ásta S.
Helgadóttir