Morgunblaðið - 26.04.2013, Síða 24

24 FRÉTTIRErlent
MORGUNBLAÐIÐ FÖSTUDAGUR 26. APRÍL 2013
Efnavopnum líklega beitt
Hólmfríður Gísladóttir
holmfridur@mbl.is
Bandarísk stjórnvöld telja líklegt að herir Bashar
al-Assad, forseta Sýrlands, hafi notað efnavopn
gegn uppreisnarmönnum í landinu. Talsmaður
bandaríska þjóðaröryggisráðsins sagði í gær að
lífeðlisfræðileg sýnishorn bentu til þess að sarín
hefði hugsanlega verið notað af hernum en það
virkar á taugakerfi líkamans og getur m.a. valdið
krampa, öndunarerfiðleikum og dauða.
Stjórnvöld í Washington höfðu áður lýst því yfir
að með notkun efnavopna væri farið yfir „rauða
línu“ og að það myndi hugsan-
lega kalla á hernaðarleg við-
brögð. Talsmaður þjóðarör-
yggisráðsins ítrekaði hins
vegar að hernaðarinngrip væri
ekki yfirvofandi.
Chuck Hagel, varnarmála-
ráðherra Bandaríkjanna, var-
aði hins vegar við því í gær að
notkun efnavopna bryti gegn
öllum sáttmálum um hernað.
Spurður að því hvort stjórnvöld í Sýrlandi hefðu
farið yfir „rauðu línuna“ sagði hann það spurningu
um stefnumótun en það væri hans hlutverk að
bjóða forsetanum valkosti í stöðunni.
Utanríkisráðuneyti Bretlands hefur einnig
sagst hafa „takmörkuð en sannfærandi“ sönnun-
argögn um notkun efnavopna í Sýrlandi. Í bréfi frá
Hvíta húsinu til bandarískra þingmanna segir að
notkun slíkra vopna mætti líklega rekja til Assad,
þar sem allt benti til þess að hann hefði efnavopnin
enn undir höndum og hefði sýnt vilja til að nota
þau gegn sýrlensku þjóðinni.
Pentagon hefur þegar sent hermenn til Jórd-
aníu til að taka þátt í hugsanlegum sameiginlegum
aðgerðum til að tryggja efnavopn.
Chuck Hagel
 Bandarísk stjórnvöld gruna Assad um notkun efnavopna gegn uppreisnar-
mönnum  Hafa fundið leifar af saríni  Hernaðarinngrip ekki yfirvofandi
Fjöldi hryðjuverkaárása í Evrópu og
handtaka í tengslum við þær jókst
umtalsvert árið 2012 frá því sem var
árin þar á undan, samkvæmt nýút-
kominni skýrslu Europol. Sam-
kvæmt skýrslunni hefur orðið
áframhald á þeirri þróun að hryðju-
verkaógnin stafar í auknum mæli af
minni hópum innan Evrópu og stök-
um hryðjuverkamönnum fremur en
stærri samtökum.
„Hryðjuverka-sprengjuárásin á
Burgas-flugvellinum í Búlgaríu og
skotárás einsamals byssumanns í
Frakklandi drógu fjórtán til dauða
2012 og undirstrika þá alvarlegu ógn
sem Evrópusambandinu og borgur-
um þess stafar af hryðjuverkum.
Þrír aðrir borgarar týndu lífi vegna
hryðjuverka árið 2012, í aðskildum
árásum í Belgíu, Frakklandi og á Ír-
landi,“ segir í tilkynningu frá Euro-
pol.
Þar segir einnig að íbúum Evrópu-
sambandsins sem ferðuðust til
átakasvæða í tengslum við hryðju-
verkastarfsemi í kjölfar þess að hafa
snúist til róttækrar hugmyndafræði
hafi fjölgað. Rob Wainwrigth, for-
stjóri Europol, segir þetta mikið
áhyggjuefni, vegna möguleikans á
því að þessir einstaklingar snúi aftur
til Evrópu til að fremja hryðjuverk.
Hryðjuverkaárásir í aðildarlönd-
um Evrópusambandsins voru alls
219 í fyrra samanborið við 174 árið
2011 en 537 voru handteknir í
tengslum við hryðjuverkaárásir árið
2012 samanborið við 484 árið 2011.
Í tilkynningunni kemur einnig
fram að netið sé mikilvægur sam-
skiptamiðill fyrir hryðjuverkasam-
tök og stuðningsmenn þeirra. „Hröð
þróun samfélagsmiðla á netinu hefur
leitt til nýrra tækifæra fyrir hryðju-
verkahópa til tafarlauss og persónu-
miðaðs aðgangs að stuðningsmönn-
um sem og mögulegum nýliðum.“
Hryðjuverkum
fjölgaði í Evrópu
 Stakir hryðjuverkamenn vaxandi ógn
AFP
Net Nýliðun hryðjuverkahópa fer í
auknum mæli fram á internetinu.
Ísraelski flug-
herinn skaut í
gær niður
ómannað loftfar
frá Líbanon und-
an norðaust-
urströnd Ísrael.
Staðgengill
varnarmálaráð-
herra landsins
sagði Hezbolla-
hreyfinguna í
Líbanon standa að baki árásinni
en aðeins sjö mánuðir eru liðnir
síðan ísraelskar herþotur skutu
niður annað ómannað loftfar innan
flughelgi landsins.
„Ég lít þessa tilraun til að rjúfa
landhelgi okkar afar alvarlegum
augum,“ sagði Benjamin Net-
anyahu, forsætisráðherra Ísraels, í
gær. „Við munum halda áfram að
gera hvaðeina sem við getum til
að tryggja öryggi borgara Ísr-
aels.“
Skutu niður
ómannað loftfar
frá Líbanon
Benjamin
Netanyahu
ÍSRAEL
Ríkisstjórn Dan-
merkur hefur
ákveðið að grípa
til lagasetningar
til að binda enda
á verkbann um
60.000 kennara,
sem staðið hefur
yfir í nærri mán-
uð. „Við erum
komin að þeim
tímapunkti þar
sem ríkisstjórnin telur nauðsyn-
legt að grípa inn í,“ sagði for-
sætisráðherrann Helle Thorning-
Schmidt á blaðamannafundi í gær.
Deilurnar má rekja til breytinga
á skólastarfi sem eiga að taka
gildi haustið 2014 en í þeim felst
m.a. að skóladagurinn verður
lengdur. Thorning-Schmidt sagði
enga lausn á deilunni í sjónmáli en
gert er ráð fyrir að um 900 þús-
und börn, sem setið hafa heima í
fjórar vikur, mæti aftur í skólann
á mánudag.
Stjórnvöld grípa
inn í kennaradeilu
Helle Thorning-
Schmidt
DANMÖRK
Tugþúsundir eru heimilislausar og hafast við í
heimatilbúnum tjöldum eftir að jarðskjálfti reið
yfir í Sichuan-héraði í Kína síðastliðinn laug-
ardag. A.m.k. 196 létu lífið en fjölmiðlar sögðu frá
því í gær að 78 ára gömlum manni hefði verið
bjargað í Baoxing-sýslu, fimm dögum eftir skjálft-
ann. Á myndinni má sjá stúlkur standa heið-
ursvörð fyrir björgunarmenn við götu í Lushan-
sýslu en á skiltunum stendur „Þakka ykkur fyrir.“
Björgunarmenn fá hlýlegar móttökur
AFP