Morgunblaðið - 26.04.2013, Qupperneq 30

30 UMRÆÐANKosningar 2013
MORGUNBLAÐIÐ FÖSTUDAGUR 26. APRÍL 2013
Við sérhæfum okkur í
vatnskössum og bensíntönkum.
Gerum við og eigum nýja til á lager.
Frestur til að skila inn greinum er tengjast alþingiskosningunum til
birtingar í blaðinu rann út miðvikudaginn 24. apríl sl. Morgunblaðið
áskilur sér rétt til þess að stytta greinar sem berast eftir þann tíma
og vísa í lengri útgáfu á vefnum, www.mbl.is/kosningar
Alþingiskosningar
Sárgrætilegt hefur verið að fylgjast með
framgöngu stjórnvalda undanfarin ár. Sam-
fylkingin og Sjálfstæðisflokkur slitu stjórn-
arsamstarfi snemma árs 2009, ekki löngu eft-
ir bankahrunið í október 2008. Í framhaldinu,
eftir kosningar, gengu Vinstri grænir og
Samfylkingin svo í eina sæng og tóku við
stjórnartaumunum.
Þegar litið er yfir stjórnarferil þessara
tveggja flokka, rifjuð upp kosningaloforð
þeirra og efndir, framkoma þeirra og bruðl þá
blasir við margt sem kallar fram reiði – og
tár.
Kosningaloforð beggja flokkanna voru um gegnsæja
stjórnsýslu, bein áhrif almennings svo og að „slá skjald-
borg um heimilin og tryggja snúning hjóla atvinnulífs-
ins“. Þá voru uppi stór orð um að standa vörð um velferð-
arkerfið og tryggja eignarhald þjóðarinnar á
auðlindunum.
Við vitum öll hvernig þessi fögru loforð hafa verið
efnd: Heilbrigðiskerfið er við dauðans dyr, þúsundir
fólks hafa misst heimili sín og þurft að standa í biðröðum
eftir matvælum hjá líknarstofnunum. Aðrir flýðu þegar
ljóst varð að enga vinnu yrði að fá. Þúsundir hafa flutt úr
landi – það er mikil blóðtaka. Stjórnvöld, hinsvegar, hæla
sér af lágum atvinnuleysistölum!
Seilst hefur verið í vasa almennings og atvinnulausir,
aldraðir og öryrkjar ekki farið varhluta af því. Verð-
tryggð lán hafa hækkað skuldir landsmanna um tugi pró-
senta og nauðþurftir og aðrar vörur stór-hækkað. Inn-
heimtuaðgerðir oft miskunnarlausar.
Á meðan almenningur og fyrirtæki hafa sætt vaxandi
skattheimtu og verðhækkunum hefur ekki skort fé fyrir
ríkisstjórn og ráðherra að ráðstafa að eigin geðþótta.
Milljarðatugir hafa farið, eða verið lofað, í
handahófskenndan „stuðning“. Nægir að
nefna kaupin á Sjóvá, einkafyrirtæki sem
óprúttnir eigendur höfðu rænt innanfrá. Einn-
ig nutu Byr og Sparisjóður Keflavíkur vel-
vildar stjórnvalda sem voru örlát á fé almenn-
ings. Þá má nefna Vaðlaheiðargöng sem
Steingrímur J. beitti á öngul sinn þegar hann
var á atkvæðaveiðum í Norðausturkjördæmi.
Þar fara nokkrir milljarðar úr vösum almenn-
ings með óeðlilegum hætti. Það verður íbúum
kjördæmisins til sérstaks sóma ef þeir sleppa
því að kjósa Steingrím og VG um helgina.
Raunar er það forgangsmál allsstaðar að
losna við „tvíflokkinn“ og fylgiflokk hans – Bjarta fram-
tíð.
Öll framkoma ráðherra og margra stjórnarþingmanna
hefur einkennst af hroka, yfirgangi og óheilindum. Einna
mest varð það þegar ríkisstjórnin reyndi þrisvar sinnum
að gera samning við Hollendinga og Breta um rík-
isábyrgð Íslands á Icesave-kröfunum. Allir vita hvernig
málið fór fyrir tilstilli yfirgnæfandi meirihluta kjósenda,
forseta Íslands, og stjórnarskrárinnar. Framganga rík-
isstjórnarinnar og stjórnarflokkanna var hinsvegar for-
kastanleg eins og menn muna.
Aldrei áður hefur mér fundist við hafa ríkisstjórn sem
blygðunarlaust vinnur gegn þjóð sinni til að koma eigin
áhugamálum fram. Það leiðir aftur hugann að því hvort
ríkisstjórn getur orðið vanhæf, líkt og t.d. dómari vegna
hagsmunaárekstra – og borið að segja af sér. Og ekki síð-
ur – hversu langt stjórnvöld og einstaklingar geta gengið
án þess að vera sekir um landráð eða föðurlandssvik.
Meira: www.landsmenn.is
baldur@landsmenn.is
Kosningauppgjör
Eftir Baldur Ágústsson
Baldur Ágústsson
Höfundur er fv. forstjóri og forsetaframbjóðandi 2004.
Það hefur verið
ánægjulegt að taka
þátt í jákvæðri kosn-
ingabaráttu Framsókn-
arflokksins und-
anfarnar vikur. Við
frambjóðendur höfum
hitt fjöldann allan af
kjósendum, rætt við
fólk og hlustað á fólk.
Það hefur verið sér-
staklega gott að geta
útskýrt fyrir þessu góða fólki
markmið okkar framsóknarmanna
varðandi niðurfærslu stökk-
breyttra lána, afnám verðtrygg-
ingar, nýtt húsnæðiskerfi og upp-
byggingu atvinnulífsins.
Samtöl okkar við þennan stóra
hóp kjósenda hafa þó ekki öll ver-
ið ánægjuleg. Það sker í hjartað
að heyra hversu margir sem berj-
ast hetjulegri baráttu við að
standa í skilum með lán heimilis-
ins eru komnir að niðurlotum.
Þetta heiðarlega og duglega fólk
er við það að gefast upp. Til að
bæta gráu ofan á svart hefur þessi
sami hópur orðið hvað harkalegast
fyrir skattpíningu núverandi
stjórnarflokka undanfarin fjögur
ár.
Andstæðingar okkar framsókn-
armanna hafa keppst við að reyna
að gera tillögur okkar um skulda-
niðurfærslu tortryggilegar. Ekki
verður betur heyrt á málflutningi
þeirra sumra en að þeir hafi tekið
sér stöðu með erlendum vogunar-
sjóðum gegn íslenskum heimilum.
Ég verð að viðurkenna að sú af-
staða andstæðinga okkar er mér
með öllu óskiljanleg. Um leið hef-
ur hópur manna nýtt fjölmiðla og
netið til að tala niður til þeirra
fjölmörgu kjósenda sem lýst hafa
yfir stuðningi við Framsókn-
arflokkinn. Kjósendur okkar hafa
af þessum hópi m.a. verið kallaðir
fávís fórnarlömb með fiskaminni
sem séu ginnkeypt fyrir gylliboð-
um.
Ég get fært öllum þessum úr-
tölumönnum skýr skilaboð: Kjós-
endur eru ekki viljalaus hópur
sem lætur teyma sig í villur. Ís-
lenskt alþýðufólk er ekki hópur
fórnarlamba sem flýtur
sofandi að feigðarósi.
Þvert á móti er þessi
hópur samsafn af harð-
duglegu fólki sem á sér
þann draum stærstan að
geta rétt úr sér eftir erf-
iði undanfarandi ára, að
þurfa ekki lengur að
vinna tvöfalda vinnu og
færa endalausar fórnir til
að koma í veg fyrir að
þurfa að missa húsnæði
sitt.
Framsókn er eini raunhæfi
kosturinn
Nú þegar kosningar nálgast óð-
um eru valkostir kjósenda skýrari
en áður. Framsókn er eini flokk-
urinn sem hefur lýst skýrum vilja
til þess að lækka stökkbreyttar
skuldir heimilanna og afnema
verðtryggingu. Flokkurinn hefur
bent á leiðir sem færar eru til
þess að ná þessu markmiði.
Verkefnið er ekki auðvelt, það
er ekki einfalt, en það verður að
vinna. Heimilin í landinu þola ekki
bið!
Til þess að hámarksárangur ná-
ist þarf Framsókn að fá skýrt um-
boð til góðra verka. Góð kosning
Framsóknar næsta laugardag er
eina tryggingin fyrir því að tekið
verði til hendi við endurreisn ís-
lenskra heimila. Aðrir flokkar
annað hvort draga lappirnar eða
þora ekki að ganga hreint til
verks fyrir heimilin í landinu.
Fyrir þá kjósendur sem eitthvað
eiga undir því að húsnæðislán
lækki, að verðtrygging verði af-
lögð, að nýtt og betra húsnæð-
iskerfi sjái dagsins ljós, er Fram-
sókn eini raunhæfi kosturinn.
Sterk Framsókn er lykillinn að ár-
angri við nauðsynlegar breytingar
til handa heimilum í landinu.
Frambjóðendur Framsóknar
þakka öllum þeim sem við höfum
hitt á leiðum okkar fyrir gott
spjall, góð ráð og góðan hug í okk-
ar garð. Sunnudagsmorguninn 28.
apríl verður sigurinn ykkar!
Heimilin þola
ekki bið
Eftir Þorstein
Sæmundsson
Þorsteinn
Sæmundsson
Höfundur skipar 3. sæti á lista Fram-
sóknar í Suðvesturkjördæmi.
Brýnasta verkefni næsta kjörtímabils er
að bæta lífskjör í landinu. Framsóknarmenn
leggja mikla áherslu á að taka á skulda-
vanda heimilanna og efla atvinnulífið. Allt
snýst þetta um að bæta lífskjör fólks og
skapa skilyrði fyrir aukinni velferð. Þeim
viðfangsefnum sem snúa að fjárhagsvanda
heimilanna má í grófum dráttum skipta í
þrennt. Í fyrsta lagi uppsafnaða vandann
sem felst í stökkbreyttum lánum. Í öðru lagi
er hætta á að stökkbreytingarferlið end-
urtaki sig verði ekkert að gert. Í þriðja lagi
skortir fleiri og betri atvinnutækifæri svo fólk geti sjálft
bætt lífskjör sín.
Það er forgangsverkefni að fjölga störfum. Talið er að
á næstu árum þurfi 10 þúsund ný störf. Með aukinni
framleiðslu og fjölgun starfa stækka skattstofnarnir.
Reiknað hefur verið út að ávinningur ríkisins af 10 þús-
und nýjum störfum nemi 40 milljörðum króna árlega.
Fjárþörf ríkisins er brýn. Árlegar vaxtagreiðslur rík-
issjóðs nema um 90 milljörðum króna. Ástandið á Land-
spítalanum er alvarlegt. Aldraðir og öryrkjar hafa sætt
verulegum kjaraskerðingum, sérstaklega eftir að vísi-
tölutenging lífeyris var numin úr gildi um mitt ár 2009.
Þetta þarf allt að lagfæra. Framleiða þarf aukin verð-
mæti til að standa undir þeim brýnu verkefnum sem
bíða. Atvinna er undirstaða vaxtar og velferðar.
Fjárfesting í atvinnulífinu hefur verið í sögulegu lág-
marki. Þar kemur ýmislegt til. Fjármagnshöftin spila
vitaskuld stóra rullu. Þau þarf að afnema sam-
kvæmt heildstæðri áætlun. Miklu skiptir að
hagsmunir þjóðarinnar verði hafðir í öndvegi í
samningum við kröfuhafa hinna föllnu banka
og aðra eigendur aflandskróna. Það eru þó
ekki bara höftin sem letja fjárfesta. Í alþjóð-
legum samanburðarrannsóknum hefur komið
fram að pólitískur óstöðugleiki gerir það líka.
Má í því sambandi nefna tíðar skattkerf-
isbreytingar. Ríkið þarf að skapa betri skilyrði
til uppbyggingar með einföldun regluverks og
skattkerfis. Einnig með því að liðka til fyrir
fjárfestingum eftir því sem við á og lækka þá
skatta sem sérstaklega eru hamlandi.
Við uppbyggingu atvinnulífs munu lítil og
meðalstór fyrirtæki gegna lykilhlutverki. Þar skapast
flest störf. Vert er að hlúa sérstaklega að gjaldeyrisskap-
andi og gjaldeyrissparandi greinum, svo sem innlendri
matvælaframleiðslu. Má í því sambandi sérstaklega
nefna hina svonefndu „grænu stóriðju“, þ.e. grænmet-
isframleiðslu, en rétt er að veita þeirri grein hagstætt
verð á raforku. Matvælaverð í heiminum fer nú hækk-
andi og mun fyrirsjáanlega halda áfram að hækka. Í
þeim geira eru tækifærin mörg hérlendis með endurnýj-
anlegri orku, hreinu vatni, miklu ræktarlandi, fengsælum
miðum og sérhæfðri þekkingu. Einnig mætti nefna
ferðaþjónustu, þar sem tækifærin eru fjölmörg með ein-
stakri náttúru, sögu og menningu. Færin til framsóknar
eru mörg og þau ber að nýta.
Framsókn fyrir framtíðina
Eftir Þorstein
Magnússon
Þorsteinn
Magnússon
Höfundur er lögfræðingur og skipar 3. sæti á framboðslista
Framsóknar í Reykjavík norður.
Móttaka
aðsendra greina
Morgunblaðið er vettvangur lif-
andi umræðu í landinu og birtir
aðsendar greinar alla útgáfu-
daga.
Þeir sem vilja senda Morg-
unblaðinu greinar eru vinsam-
lega beðnir að nota inn-
sendikerfi blaðsins. Kerfið er
auðvelt í notkun og tryggir ör-
yggi í samskiptum milli starfs-
fólks Morgunblaðsins og höf-
unda. Morgunblaðið birtir ekki
greinar sem einnig eru sendar
eru á aðra miðla.
Að senda grein
Kerfið er aðgengilegt undir
Morgunblaðslógóinu efst í
hægra horni forsíðu mbl.is. Þeg-
ar smellt er á lógóið birtist felli-
gluggi þar sem liðurinn "Senda
inn grein" er valinn.
Í fyrsta skipti sem inn-
sendikerfið er notað þarf not-
andinn að nýskrá sig inn í kerf-
ið. Ítarlegar leiðbeiningar fylgja
hverju þrepi í skráningarferlinu.