Morgunblaðið - 18.05.2013, Blaðsíða 4
4 FRÉTTIRInnlent
MORGUNBLAÐIÐ LAUGARDAGUR 18. MAÍ 2013
Snjór huldi enn austurhluta landsins að miklu
leyti og eins Vestfjarðakjálkann þegar gervi-
hnöttur NASA fór hér yfir í gær og tók með-
fylgjandi mynd.
Hlýindi eru í kortunum fyrir hvítasunnuhelg-
ina og gæti snjóinn því farið að leysa. Í dag var
spáð 7-16 stiga hita á landinu og mestum hlýind-
um á Norður- og Austurlandi. Á hvítasunnudag
var spáð suðaustan 5-13 m/s vindi með rigningu
vestanlands, en hægari og þurru veðri fyrir aust-
an. Þá á að vera 5-15 stiga hiti, hlýjast á Norð-
austurlandi.
Á annan í hvítasunnu er spáð suðvestan 8-13
m/s með skúrum, en hægari vindi og björtu
veðri á austanverðu landinu. Heldur fer þá kóln-
andi og er því spáð að á miðvikudag verði frem-
ur kalt í veðri.
Vetur konungur ætlar því að þráast við að
sleppa klónum en sem kunnugt er hefur veturinn
verið óvenju strembinn og snjóþungur víða á
Norður- og Austurlandi. gudni@mbl.is
Vetur konungur þráast við að sleppa takinu
Gervihnattamynd/NASA
Spáð er hlýindum um hvítasunnuhelgina en svo kólnandi veðri um miðja næstu viku
Una Sighvatsdóttir
Kjartan Kjartansson
„Þetta var bara úti á götu fyrir allra
augum. Það stóðu allir úti á svölum í
sjokki,“ segir íbúi í Ystaseli í Selja-
hverfi í Breiðholti sem varð vitni að
því þegar að minnsta kosti tveir karl-
menn gengu í skrokk á öðrum í göt-
unni síðdegis í gær.
Íbúarnir telja að um handrukkun
hafi verið að ræða enda var hafna-
boltakylfu meðal annars beitt við
barsmíðarnar.
„Aðkoman var skelfileg. Ég hef
aldrei séð neitt þessu líkt nema
kannski í bíómyndum,“ segir sjón-
arvotturinn.
Mikið af blóði var á götunni og á
nálægum bíl eftir átökin en maður-
inn sem ráðist var á var fluttur al-
blóðugur í andlitinu á sjúkrahús.
Árásarmennirnir skildu hafnabolta-
kylfuna eftir á vettvangnum.
Sáu þekktan handrukkara
Árásarmennirnir komust undan á
silfurlituðum Landcruiser-jeppa áð-
ur en lögregla kom á vettvang. Sjón-
arvottur segir að þeirra á meðal hafi
verið landsþekktur handrukkari.
Tveir menn sem taldir eru gerend-
ur í málinu voru handteknir í gær-
kvöldi og eru þekktir af lögreglu.
Ekki er þó útilokað að fleiri hafi tek-
ið þátt í árásinni en haft var eftir
vitnum að allt að tíu manns hefðu
verið á vettvangi. Samkvæmt upp-
lýsingum lögreglu er ekki vitað um
tilefni árásarinnar.
Blóðug árás um miðjan dag
Sjónarvottur telur að um handrukkun hafi verið að ræða Árás fyrir augum
íbúa í íbúðahverfi um hábjartan dag Tveir gerendur handteknir í gærkvöldi
Hrottaleg árás Blóð var á götunni og á nálægum bíl eftir árásina eins og sjá
má á myndinni. Árásin átti sér stað síðdegis fyrir allra augum.
Íslensk skip mega í sumar veiða makríl í grænlenskri lög-
sögu, að uppfylltum tilteknum skilyrðum. Grænlendingar
hafa sett sér 15 þúsund tonna kvóta og úthlutað honum til
fjögurra fyrirtækja, sem hafa heimild til að leigja hann
frá sér. Veiðar íslenskra skipa á makríl, ef hann gengur í
grænlenska lögsögu, byggjast því á samstarfi við fyr-
irtæki þar í landi.
Í frétt á heimasíðu Fiskistofu segir að atvinnuvega- og
nýsköpunarráðherra heimili þessar veiðar á grundvelli
samkomulags milli Íslands og Grænlands. Útgerðir skulu
sækja skriflega til Fiskistofu um heimild til veiðanna,
samkvæmt reglugerð um takmarkanir á veiðum ís-
lenskra skipa úr deilistofnum í lögsögu annarra ríkja.
Meðfylgjandi beiðni skal vera afrit af leyfi til veiða í
grænlenskri lögsögu og staðfest samkomulag við græn-
lenska útgerð um nýtingu aflaheimilda.
Makrílafli í grænlenskri lögsögu telst ekki til þeirra
heimilda sem reglugerð um stjórn makrílveiða íslenskra
fiskiskipa árið 2013 kveður á um. aij@mbl.is
Mega veiða makríl í græn-
lenskri lögsögu í sumar
Makríll Grænlendingar hafa sett sér 15 þús. tonna kvóta.
Veiðarnar byggjast á sam-
starfi við grænlensk fyrirtæki
Meðallengd legu
á Landspít-
alanum í dögum
talið hefur auk-
ist um 5% á
fyrstu fjórum
mánuðum þessa
árs. Það er af-
leiðing af fjölda
sjúklinga sem
hafa lokið með-
ferð á sjúkrahúsinu og bíða aðeins
eftir því að komast á viðeigandi
hjúkrunarheimili. Þetta kemur
fram í föstudagspistli Björns
Zoëga, forstjóra Landspítalans,
sem birtist á vefsíðu spítalans í
gær.
Þar segir hann að þetta sé mál
sem stjórnvöld þurfi að glíma við á
næstu mánuðum ef ekki eigi að
fara illa í heilbrigðiskerfinu.
Von er á tölfræði yfir fyrstu
fjóra mánuði ársins á Landspít-
alanum. Björn segir að enn sé
mikið annríki á spítalanum en ekki
sé að merkja á tölunum að það sé
meira en í fyrra. Álagið hafi verið
mest á tvö stærstu svið spítalans;
lyflækningasvið og skurðlækn-
ingasvið. Á fyrrnefnda sviðinu sé
rúmanýtingin 100% en 92% á því
síðarnefnda. Það sé hins vegar of
mikið.
„Leiðir út úr því eru ekki mjög
margar í bili en helst ef hægt væri
að ná jafnvægi innan spítalans með
því að létta álagi á legudeildunum,
þ.e. koma þeim sjúklingum sem
lokið hafa meðferð á spítalanum í
viðeigandi meðferðarúrræði sem
væri þá ódýrara fyrir samfélagið,“
skrifar Björn í pistli sínum.
Sjúkra-
húslegur
lengjast
Björn Zoëga
Bið eftir að komast
á hjúkrunarheimili
„Það er góð spá fyrir helgina og við
vonum það besta. Þetta mun ekki
taka upp á tveim dögum en það
hjálpar allt til. Það er búið að
kaupa mikið hey inn í sveitina, ekki
aðeins hjá okkur heldur heilt yfir í
sveitinni,“ segir Ingibjörg R. Krist-
insdóttir, bóndi á Hnjúki í Skíðadal,
um 18 km frá Dalvík, um væntingar
um að snjórinn fari að bráðna.
Útlit var fyrir að aðfaranótt
laugardags yrði frostlaus eftir
margar frostnætur. Öðru hvoru
naut sólar sem hefur haft lítið að
segja vegna næturfrosts. Bændur í
dalnum keyptu hundruð heyrúllna
vegna tíðarfarsins og vonar Ingi-
björg að nú muni það duga.
Snjórinn farinn að
bráðna í Skíðadal