Morgunblaðið - 18.05.2013, Blaðsíða 17

FRÉTTIR 17Innlent
MORGUNBLAÐIÐ LAUGARDAGUR 18. MAÍ 2013
ÍS
L
E
N
S
K
A
S
IA
.I
S
IC
E
63
77
1
04
/1
3
+ Bókaðu þína ferð á icelandair.is
SÉRFERÐIR
FLJÚGÐU Á VIT
SPENNANDI ÆVINTÝRA
Spennandi ferðir fyrir alla
Sérferðir Icelandair bjóða upp á áfangastaði af
öllum stærðum og gerðum fyrir ferðalanga sem
þyrstir í ævintýri. Leyfðu okkur að láta gamla
drauma rætast.
Sérferðir
Frábærar ferðir með fararstjóra, til Parísar að
hausti, Sankti Pétursborgar og Ítalíu í sumar.
Sjáðu Fleetwood Mac í Glasgow eða jólaljósin
í París. Upplifðu Bjórfest í Denver, Old Car
sýninguna í Daytona og matarmenningu í Seattle.
Sendinefnd frá Íslandi fer í dag til
Kulusuk á vegum Kalak, vinafélags
Íslands og Grænlands, Skákfélagsins
Hróksins, Flugfélags Íslands og fleiri
velunnara Grænlendinga. Við þetta
tækifæri verða afhent hljóðfæri,
tæknibúnaður og fleiri gjafir, en tón-
listarhúsið í Kulusuk brann til grunna
í fárviðri í byrjun mars.
Í kjölfar brunans efndu vinir
Grænlands til söfnunar á hljóðfærum
og fjárframlögum. Söfnunin náði há-
marki með styrktartónleikum í Eld-
borg í Hörpu og samhliða var efnt til
símasöfnunar og lögðu þúsundir Ís-
lendinga sitt af mörkum. Þá voru
haldnir viðburðir víða um land og rík-
isstjórn Íslands lagði söfnuninni lið
með 5 milljóna króna framlagi. Hafa
safnast hátt í 10 milljónir króna.
Hugað að nýju húsi
Fram kemur í tilkynningu að búið
sé að finna bráðabirgðaaðstöðu fyrir
tónlistina í Kulusuk og þar verði
hljóðfærin og tæknibúnaðurinn frá
Íslandi settur upp. Í framhaldinu
hefjist viðræður við grænlensk
stjórnvöld um uppbyggingu á nýju
húsi.
Í Kulusuk, sem er á austurströnd
Grænlands, búa um 400 manns. Bær-
inn er hluti af sveitarfélaginu Ser-
mersooq sem er eitt hið stærsta í
heimi, nær yfir um 531.000 ferkíló-
metra, sem jafngildir fimmfaldri
stærð Íslands. Nuuk, höfuðborg
Grænlands, er hluti af Sermersooq og
mun borgarstjórinn í Nuuk taka á
móti íslensku sendinefndinni, ásamt
fulltrúum frá Kulusuk og Tasiilaq.
Flugfélag Íslands leggur til flugvél
til leiðangursins og áhöfnin gefur
vinnu sína. Þá leggur Skeljungur til
eldsneyti.
Færa íbúum Kulusuk gjafir
 Hátt í 10 milljónum safnað hér eftir að tónlistarhús brann
Grænlensk börn Mjög góð aðstaða til tónlistarkennslu og æfinga fyrir unga
sem eldri var í tónlistarhúsinu í Kulusuk sem brann í mars.
María Rut Krist-
insdóttir var
kjörin nýr for-
maður Stúd-
entaráðs Háskóla
Íslands á skipta-
fundi ráðsins á
fimmtudag og
hefur nú tekið
við störfum af
fráfarandi for-
manni, Söru Sig-
urðardóttur. María Rut er oddviti
Vöku, félags lýðræðissinnaðra stúd-
enta, sem vann meirihluta í kosn-
ingum til Stúdentaráðs hinn 6. og
7. febrúar síðastliðinn. María Rut
er Flateyringur og er að ljúka
grunnnámi í sálfræði við Háskóla
Íslands. Á síðastliðnu starfsári
Stúdentaráðs sat María Rut í
stjórn Stúdentaráðs auk þess situr
hún í Háskólaráði og Jafnréttis-
nefnd Háskóla Íslands.
Í tilkynningu segir að María telji
mikilvægt að á starfsárinu muni
Stúdentaráð halda áfram að berjast
fyrir samþykkt á frumvarpi um
Lánasjóð íslenskra námsmanna
sem meðal annars feli í sér styrk til
námsmanna. „Einnig leggur María
áherslu á að nýkjörin Sviðsráð
fræðasviðanna fimm fari af stað
með krafti og vinni að því að bæta
það sem bæta þarf á hverju fræða-
sviði fyrir sig. Stúdentaráð mun
halda áfram að berjast fyrir auknu
fjárframlagi til háskólans svo
tryggt verði að greitt sé með öllum
nemendum háskólans,“ segir í til-
kynningunni.
Stýrir
Stúdenta-
ráði HÍ
María Rut
Kristinsdóttir
Laugalækjarskóli bar sigurorð af
Hagaskóla í úrslitum MORGRON,
ræðukeppni grunnskólanna, sem
fóru fram í vikunni.
Fram kemur í tilkynningu, að úr-
slitaviðureignin hafi verið æsispenn-
andi og hnífjöfn. Elín María Jóns-
dóttir, úr ræðuliði Hagaskóla,
hreppti nafnbótina Ræðumaður
Reykjavíkur 2013.
Stelpur voru í miklum meirihluta
eða 6 talsins af 8 keppendum í heild-
ina. Þrjár stelpur voru í hvoru liði
fyrir sig.
Laugalækjar-
skóli vann
ræðukeppni
grunnskóla
mbl.is
alltaf - allstaðar