Morgunblaðið - 18.05.2013, Qupperneq 6

SVIÐSLJÓS
Lára Halla Sigurðardóttir
larahalla@mbl.is
„Við tókum þetta upp í haust og
erum búin að selja í allan vetur,“
segir Ásdís Bjarnadóttir, græn-
metis- og kúabóndi að Auðsholti í
Hrunamannahreppi. Þar ræktar
hún gulrætur ásamt eiginmanni
sínum, Vigni Jónssyni, og fjöl-
skyldu. Uppskera síðasta árs hefur
enst óvenju lengi, en Ásdís gerir
ráð fyrir að gengið verði frá pökk-
un á síðasta hluta hennar í næstu
viku. Hún segist ekki muna eftir
endingu sem þessari. „Venjulega
eru gulræturnar búnar rétt eftir
áramót,“ segir Ásdís. „Við höfum
sennilega fundið gott afbrigði.“
Alúð lögð í ræktunina
Uppskera síðasta sumars var um
100 tonn. Gulræturnar eru geymd-
ar í kæli við eina gráðu yfir frost-
marki yfir veturinn, en fjölskyldan
tekur þær svo fram jafnóðum. Því
næst þarf að þvo, flokka og pakka
gulrótunum áður en þær fara í
sölu. „Við reynum að lengja tím-
ann þannig að þetta sé meiri at-
vinna fyrir fjölskylduna,“ segir Ás-
dís.
Mikil alúð er lögð í ræktunina og
er hver einasta gulrót skoðuð og
snyrt. Aðeins handafl er notað við
pökkunina.
Gulrótunum er sáð einu sinni á
ári og nú stendur sáningartíminn
sem hæst. „Í þessum töluðu orðum
er ég að setja dúkinn yfir landið
sem búið er að sá í,“ segir Ásdís.
Sáð er í sendinn jarðveg á bökkum
Hvítár sem er hitaður upp með
heitu vatni frá borholu.
Neytendur velja íslenskt
Ásdís kveðst vera ánægð með
sölu síðastliðins árs og segist finna
fyrir aukningu frá fyrri árum Hún
telur aukninguna meðal annars
koma til vegna þess að fólk kjósi
innlendu framleiðsluna fremur en
þá erlendu. „Neytandinn er mjög
meðvitaður um að velja íslenska
vöru,“ segir hún.
Hún segir að fjölskyldan að
Auðsholti gæti selt meira af gul-
rótum en hafi farið út í aukna
framleiðslu vegna aukins launa-
kostnaðar sem fylgi í kjölfarið
Í dag sér fjölskyldan alfarið um
framleiðsluna. „Við viljum hafa
þetta vinnu fyrir fjölskylduna.“
Þau hjónin búast við næstu upp-
skeru í kringum verslunarmanna-
helgina. „Við tökum þetta jafn-
óðum upp fram í september og þá
fer þetta inn í geymslur,“ segir Ás-
dís.
Aukning í sölu
Guðjón Birgisson, garðyrkjubóndi
að Melum á Flúðum, tekur undir
orð Ásdísar hvað varðar aukna sölu
á íslensku grænmeti. „Salan og
framleiðslan hefur gengið mjög vel
að undanförnu,“ segir hann.
Guðjón og kona hans, Sigríður
Helga Karlsdóttir, eru stærstu
tómataframleiðendur á Íslandi.
Þau rækta einnig gúrkur og
nokkrar tegundir af káli. Að Mel-
um er grænmetið bæði ræktað í
gróðurhúsum með lýsingu og ut-
andyra. Ræktunin fer fram allt
árið.
„Ég finn fyrir aukningu í sölu
miðað við fyrri ár,“ segir Guðjón. Í
gær hófst starfsfólkið handa við að
planta kálinu og má búast við upp-
skeru eftir um tvo mánuði.
Uppskeran entist óvenju lengi
 Grænmetisbændur á Suðurlandi finna fyrir aukinni sölu  Framleiðsla gengur að óskum
 Sífellt fleiri neytendur kjósa íslenskt grænmeti  Sá gulrótum og planta káli þessa dagana
Morgunblaðið/Sigurður Sigmundsson
Unnið af alúð Bjarney og Harpa Vignisdætur aðstoða foreldra sína við gulrótaframleiðsluna. Móðir þeirra, Ásdís
Bjarnadóttir, man ekki eftir því að uppskera hafi geymst fram í maí. Hún segir neytendur kjósa íslenskt grænmeti.
6 FRÉTTIRInnlent
MORGUNBLAÐIÐ LAUGARDAGUR 18. MAÍ 2013
Glerverksmiðjan Samverk ehf
Eyjasandi 2, 850 Hella
Víkurhvarfi 6, 203 Kópavogi
sími: 488 - 9000
www.samverk.is
samverk@samverk.is
Söluskrifstofa og fagleg ráðgjöf
Víkurhvarfi 6, 230 Kópavogi
„Ég hef aldrei séð svona
mikla sölu eins og núna í
maí,“ segir Gunnlaugur Karls-
son, framkvæmdastjóri Sölu-
félags garðyrkjumanna.
Hann segir söluna almennt
hafa verið í stöðugri aukningu
undanfarin ár. „Fólk horfir
meira á íslenskt en áður,“
segir Gunnlaugur. „Það er
einnig orðið meðvitaðra um
mismunandi gæði og uppruna
vörunnar.“
Hann segir upplýsingarnar
um uppruna vörunnar nánast
vera orðna kröfu á íslenskum
markaði í dag. „Neytendur
vilja vita hvaðan varan kem-
ur,“ segir Gunnlaugur. Vörurn-
ar sem koma í gegnum Sölu-
félag garðyrkjumanna eru
merktar með íslensku fánalit-
unum og á merkingunni má
einnig sjá hvaðan grænmetið
kemur.
Grænmetisræktun á ís-
lenskum býlum vekur athygli
erlendra ferðamanna. Að sögn
Gunnlaugs hefur verið opnuð
sérstök móttaka á býlinu Frið-
heimum þar sem gestir geti
komið og kynnt sér ræktun-
ina. „Þau eiga von á 40.000
manns í sumar,“ segir hann.
„Jarðvarminn og umhverfis-
væna orkan sem nýtt er til
framleiðslu vekur mikla
lukku.“ Gunnlaugur segir tóm-
atana seljast einna mest og
gúrkurnar fylgi fast á eftir.
Aldrei jafn
mikil sala
GRÆNMETIÐ VEKUR LUKKU
Gunnar Dofri Ólafsson
gunnardofri@mbl.is
„Með samkomulagi innanríkisráðu-
neytisins og Reykjavíkurborgar sem
undirritað var í apríl var gefið leyfi
til að hefja uppbyggingu á nýrri að-
stöðu fyrir farþega við Reykjavíkur-
flugvöll,“ sagði Árni Gunnarsson,
framkvæmdastjóri Flugfélags Ís-
lands. Á mynd með fréttinni má sjá
fyrstu hugmyndir um útlit nýrrar
flugstöðvarbyggingar.
„Það er verið að vinna að þessum
fyrstu drögum og innra skipulagi
byggingarinnar, en hún mun von-
andi rísa vorið 2015, að því gefnu að
byggingarleyfi verði gefið út í lok
þessa árs eða byrjun þess næsta.“
2.500 fermetra flugstöð
„Við gerum ráð fyrir að fleiri flug-
félög en Flugfélag Íslands komi að
rekstri og starfsemi í byggingunni
þannig að það verði ein flugstöð
hérna við flugvöllinn,“ segir Árni.
Flustöðin verður um það bil 2.500
fermetrar að stærð, en núverandi
húsnæði Reykjavíkurflugvallar er
1.200 fermetrar. „Þetta verður tölu-
verð breyting fyrir okkur og mikil
bylting fyrir bæði farþega og sér í
lagi starfsfólk, sem hefur þurft að at-
hafna sig í byggingu sem heldur ekki
alltaf vatni og vindum,“ sagði Árni.
Aðspurður sagði Árni byggingu
nýrrar flugstöðvar ekki til þess
fallna að festa flugvöllinn í sessi í
Vatnsmýrinni.
„Þetta blasir ekki þannig við okk-
ur, nei. Meðan það er flugvöllur í
Vatnsmýrinni þarf flugstöðin að vera
í góðu ástandi. Borgaryfirvöld tóku
alveg undir það sjónarmið okkar,“
sagði Árni.
Flugstöð Fyrstu drög að nýrri flugstöð við Reykjavíkurflugvöll í Vatnsmýrinni sem ráðgert er að rísi vorið 2015.
Nýja flugstöðin skipulögð
 Ný flugstöðvarbygging á að rísa við Reykjavíkurflugvöll
vorið 2015  Ekki til þess fallin að festa flugvöllinn í sessi