Morgunblaðið - 18.05.2013, Blaðsíða 14

SVIÐSLJÓS
Björn Jóhann Björnsson
bjb@mbl.is
„Við stefnum að því að opna 1. júlí og
mér sýnist allar tímaáætlanir ætla
að standast. Þær verða eiginlega að
gera það því við erum þegar farin að
bóka þessi nýju herbergi. Við ætlum
að gera Hamar að paradís íslenskra
kylfinga og eina alvöru dvalarstað
þeirra hér á landi. Það er lang-
tímamarkmiðið,“ segir Sigurður
Ólafsson, hótelstjóri Hótels Hamars
í Borgarnesi, en framkvæmdir hóf-
ust í byrjun síðasta mánaðar við
stækkun hótelsins. Um er að ræða
fjárfestingu upp á 120 milljónir
króna.
Bæta á við álmu með 14 her-
bergjum og byggja við 100 fermetra
fundaaðstöðu. Fyrir eru 30 herbergi
á hótelinu, sem er hluti af keðju Ice-
landair hótela og stendur við golfvöll
þeirra Borgnesinga á Hamri. Sam-
starf við Golfklúbb Borgarness hef-
ur verið aukið og hefur hótelið tekið
að sér rekstur á veitinga- og gistiað-
stöðu í golfskálanum að Hamri, sem
hefur farið í gegnum miklar end-
urbætur eins og kemur hér fram til
hliðar.
Frestuðu vegna óvissu
Síðasta haust var Sigurður klár
með fjármögnun og undirbúning
fyrir stækkun hótelsins en ákvað þá
að slá framkvæmdum á frest vegna
óvissu um skattlagningu á hótelgist-
ingu. Þá stóð til að hækka virð-
isaukaskattinn úr 7% í 25,5% en
lendingin varð hækkun í 14% frá og
með 1. september nk. Bindur Sig-
urður vonir við að ný ríkisstjórn
vindi ofan af þessari skattahækkun.
Spurður hvort þessi óvissa hafi
haft áhrif á bókanir fyrir tímabilið
segir Sigurður engan vafa leika á
því. „Við misstum örugglega tölu-
vert af bókunum því við gátum um
tíma ekki staðfest að við ættum
pláss. Við hefðum viljað bóka meira
en staðan núna er samt sem áður
mjög góð. Það er vel bókað í þessi 14
herbergi sem við bætum við,“ segir
Sigurður og vonast til að meira svig-
rúm verði til að taka á móti íslensk-
um kylfingum, en erlendir ferða-
menn hafi jafnan verið fjölmargir
yfir sumartímann. „Við ætlum að
gera vel við kylfinga í sumar, í góðu
samstarfi við golfklúbbinn.“
Unnið af heimamönnum
Aðalverktaki við stækkunina er
Loftorka og segir Sigurður allan
mannskap við verkið, nokkra tugi
manna, koma úr heimabyggð. Er
hótelið stækkað með forsteyptum
einingum frá Loftorku og Sigurður
segir það sannarlega flýta fyrir.
„Markmið okkar er síðan að bæta
10 herbergjum við, og þá útfrá hin-
um enda hótelsins,“ segir hann en þá
verður hótelið komið með 54 her-
bergi.
Einnig verður nýtt útisvæði við
hótelið tekið í gagnið í sumar með
nýjum heitum pottum, saunabaði og
púttvelli. Ný fundaaðstaða verður til
hliðar við núverandi matsal hótelsins
og mun geta tekið við allt að 70
manns, með möguleika á stækkun
og tengingu við matsalinn.
Morgunblaðið/Theodór Kr. Þórðarson
Hótel Hamar Sigurður Ólafsson, hótelstjóri á Hamri, vonast til að svæðið verði sannkölluð golfparadís íslenskra kylfinga. Framboð á gistingu verður aukið
og einnig samstarf við nágrannana í Golfklúbbi Borgarness. Framkvæmdir hófust í apríl en um er að ræða fjárfestingu upp á 120 milljónir króna.
Hamar gerður að golfparadís
 Eigendur Hótels Hamars í Borgarnesi skelltu sér í stækkun  Bæta við fundaaðstöðu  Stefnt að
opnun 1. júlí í sumar  Óvissa í skattamálum hafði áhrif á bókanir  Auka tengingu við golfklúbbinn
14 FRÉTTIRInnlent
MORGUNBLAÐIÐ LAUGARDAGUR 18. MAÍ 2013
Hugmyndir um
orkuframleiðslu á Íslandi
Draumsýn eða alvara?
Afmælisráðstefna ÍSOR 2013
Fimmtudaginn 23. maí kl. 13–16
Grand Hótel Reykjavík
Fundarstjóri: Ingibjörg Kaldal, deildarstjóri jarðfræði og umhverfismála hjá ÍSOR
Dagskrá:
13.00 Setning – Sigrún Traustadóttir, stjórnarformaður ÍSOR
13.15 Hagkerfi hreinnar orku – Ólafur Ragnar Grímsson, forseti Íslands
13.35 Ávinningur þjóðarinnar af nýtingu orkulindanna – Hörður Arnarson, forstjóri Landsvirkjunar
13.55 Starfsemi og hlutverk ÍSOR í orku- og umhverfisrannsóknum – Ólafur G. Flóvenz, forstjóri ÍSOR
14.15 Kaffihlé
14.35 The role of geothermal energy in the future global energy budget
Professor Jefferson W. Tester, Director Cornell Energy Institute, Cornell University
14.55 Jarðhitaauðlind Íslands – Hve stór er hún og hversu vel þekkjum við hana?
Sæunn Halldórsdóttir, jarðeðlisfræðingur hjá ÍSOR
15.15 Nýting jarðhita – tækifæri og takmarkanir
Árni Ragnarsson, verkfræðingur hjá ÍSOR
16.00 Fundarslit
Vinsamlega tilkynnið þátttöku á netfangið isor@isor.is eða í síma 528 1500
Mikið stendur til hjá Golfklúbbi
Borgarness í sumar en 40 ár eru
liðin frá stofnun hans. Töluverðar
endurbætur hafa farið fram á golf-
skálanum á Hamri, í samráði við
Icelandair Hótel Hamar, sem hefur
tekið að sér rekstur veitinga- og
gistiaðstöðu í skálanum og einnig
hefur golfvöllurinn verið end-
urbættur. Búið er að gera 18 nýjar
sandgryfjur og flytja í því skyni
um 200 tonn af hvítum sandi úr
Löngufjörum á völlinn.
„Aðsóknin til okkar hefur aukist
mikið og við urðum að bæta að-
stöðuna í skálanum og lagfæra
völlinn,“ segir Jóhannes Ármanns-
son, framkvæmdastjóri Golfklúbbs
Borgarness (GB), en í fyrra komu
um 12 þúsund manns á Hamars-
völl, fyrir utan klúbbfélaga. Hefur
aðsóknin margfaldast síðan völl-
urinn var stækkaður í 18 holur ár-
ið 2007. Að hótelinu meðtöldu
komu um 23 þúsund manns á
svæðið í fyrra.
Að sögn Jóhannesar er ætlunin
að hafa opinn dag fyrir almenning
í júlímánuði, þar sem kynna á
starfsemina og þá þjónustu sem
kylfingum og ferðamönnum stend-
ur til boða á Hamri.
„Með samstarfinu við hótelið
náum við betri markaðssetningu
og meiri samlegð. Helgar verða
teknar frá á hótelinu, ætlaðar ís-
lenskum kylfingum, sem geta kom-
ið og spilað og gist í þægilegu um-
hverfi. Við viljum að fólk finni að
það sé velkomið og fylgt alla leið,
þannig að það njóti þess að koma
og spila golf, setjast niður í betri
stofuna í skálanum og dvelja síðan
á hótelinu og njóta góðra veit-
inga,“ segir Jóhannes, og hvetur
alla kylfinga til að koma við á
Hamri í sumar. Nýr vallarstjóri er
Haraldur Már Stefánsson og vildi
Jóhannes koma á framfæri þökk-
um til Hauks Jónssonar, fráfarandi
vallarstjóra, fyrir vel unnin störf
gegnum tíðina. bjb@mbl.is
Golfvöllur Jóhannes Ármannsson, framkvæmdastjóri Golfklúbbs Borgar-
ness við Hamarsvöll. Þangað komu 12 þúsund manns á síðasta ári.
Miklar endurbætur á
vellinum og golfskálanum
Golfklúbbur Borgarness í samstarf við Hótel Hamar