Morgunblaðið - 18.05.2013, Blaðsíða 23

FRÉTTIR 23Innlent
MORGUNBLAÐIÐ LAUGARDAGUR 18. MAÍ 2013
Þú getur verið afslappaður og öruggur við
grillið með AGA gas. Öruggur um að þú
ert að nota gæðavöru og að þú fáir góða
þjónustu þegar þú þarft áfyllingu
á gashylkið, hvort sem þú nýtir
þér heimsendingarþjónustu á
höfuðborgarsvæðinu eða þegar þú
heimsækir söluaðila AGA.
Farðu á www.gas.is og finndu
nálægan sölustað eða sæktu
öryggisleiðbeiningar og fáðu
upplýsingar um AGA gas.
ÍSAGA ehf. • www.gas.is
Breiðhöfða 11 • 110 Reykjavík • Sími 5773000
www.GAS.is
VIÐ ERUM
SÉRFRÆÐINGAR
Í GASI
Umboðsmenn ÍSAGA ehf:
Selfoss: Vélaverkstæði Þóris, s. 482 3548. Vestmannaeyjar: Bíla- og vélaverkstæðið Nethamar, s. 481 3226.
Sauðárkrókur: Byggingarvörudeild Kaupfélags Skagfirðinga, s. 455 4626. Ísafjörður: Þröstur Marsellíusson hf, s. 456 3349.
Akureyri: Sandblástur og málmhúðun hf, s. 460 1515. Reyðarfjörður: Verslun BYKO, s. 470 4200.
ÚR BÆJARLÍFINU
Líney Sigurðardóttir
Þórshöfn
Kuldatíð hefur ríkt hér á norðausturhorn-
inu og fólk er orðið langeygt eftir betri tíð
með blómum í haga. Vorverkin eru þó víða
hafin og eitt af þeim er eggjatekja á Langa-
nesi. Svartfuglinn er sestur upp og fyrir
nokkrum dögum fóru sigmenn af stað í
Læknisstaða- og Skoruvíkurbjarg. Eggja-
tekja fer mjög rólega af stað, segja sigmenn
því kuldinn er mikill og björgin eru svaðblaut
og ekki ákjósanlegur varpstaður fyrr en
þornar til. Eggjatekjan núna er aðeins fjórð-
ungur af því sem er eðlilegt í venjulegu ár-
ferði, sögðu sigmenn en með hlýnandi veðri
má búast við aukningu. Svartfuglseggin
þykja mesta ljúfmeti og er eftirspurn mikil
eftir þeim á vorin. Fuglalífið er fjölskrúðugt
úti á Langanesi og kunnugir menn segja að
lundabyggðin þar hafi farið vaxandi síðustu
árin.
  
Grásleppuvertíð fer nú senn að ljúka en
þrír bátar eru enn að. Vertíðin hófst með
ágætu tíðarfari og mikilli veiði en aflahæsti
grásleppubáturinn í apríl skv. aflafréttum er
Þórshafnarbáturinn Garðar. Seinni hluta ver-
tíðar voru mikil frátök vegna veðurs og langur
kvikukafli. Grásleppan er gengin mjög grunnt
nú þegar liðið er á hrygningartímann og lítið
má hreyfa sjó svo netin verði ekki full af þara.
Veiðin hefur ekki verið betri í áratugi en verð-
ið er lágt eða nær helmingi lægra en það var
fyrir tveimur árum.
  
Húsnæðisskortur hefur verið viðvarandi
á Þórshöfn og lítil breyting þar á. Fyrir tveim-
ur árum var hafist handa við byggingu þriggja
parhúsa eða sex íbúða í Miðholtinu en þá hafði
ekki verið byggt íbúðarhúsnæði hér í fimmtán
ár. Þessar íbúðir eru allar í leigu núna. Tölu-
vert er um fyrirspurnir frá fólki í húsnæðisleit
enda hefur atvinnuástand hér verið nokkuð
gott.
  
Löghæðin er ný viðbót við Gistiheimilið
Lyngholt en hún er staðsett á hæðinni fyrir of-
an lögreglustöðina í hjarta bæjarins og ber því
nafn með rentu. Þar eru sex herbergi og segja
eigendur Lyngholts að full þörf hafi verið fyrir
aukið gistirými en níu herbergi eru í Lyng-
holti. Ferðafólk leggur í auknum mæli leið sína
á Langanes og nú í vorkuldanum eru ferða-
menn strax komnir á stjá.
  
Í Grunnskólanum hefur margt verið að
gerast og styttist nú í skólalok. Nordplús
verkefni hefur verið í gangi og á vordögum
komu í heimsókn nemendur frá Eistlandi og
Lettlandi ásamt kennurum og voru í tæpa
viku. Nemendur á unglingastigi voru í gest-
gjafahlutverki og bjuggu erlendu nemend-
urnir á heimilum þeirra. Heimsóknin heppn-
aðist vel sem við var að búast því vandað var
til dagskrár og skipulagningar til að gera dvöl
erlendu gestanna sem eftirminnilegasta.
Stuttmyndasýning var haldin í félagsheimil-
inu Þórsveri í vikunni en sýningin er afrakstur af
áhugasviðsverkefni á unglingastigi í grunnskól-
anum. Alls voru þetta tólf myndir af ýmsum toga
og sýndu greinilega að hugmyndaauðgi ung-
menna er mikil og sköpunargleðin í algleymingi.
Tónlistarskólanum er lokið þetta skóla-
árið og fjölmennir tónleikar voru haldnir í
Þórshafnarkirkju undir stjórn tónlistarkenn-
arans Kadri Laube sem hér hefur unnið gott
starf í skólanum.
Morgunblaðið/ Líney Sigurðardóttir
Reynslubolti Einn reyndasti sigmaðurinn á Þórshöfn, Óli Þorsteinsson, er nýhættur að síga í björgin en er þó áfram á bjarginu með bílinn og festi.
Fólk er orðið langeygt eftir betri tíð