Morgunblaðið - 23.08.2013, Blaðsíða 20

VESTURLAND
DAGA
HRINGFERÐ
AKRANES
MORGUNBLAÐIÐ FÖSTUDAGUR 23. ÁGÚST 2013
Anna Lilja Þórisdóttir
annalilja@mbl.is
Það hlýtur að vera gott að vera
prestur á Akranesi sé tekið mið af
því hversu lengi þeir eru í embætti,
en einungis fimm sóknarprestar
hafa þjónað Akurnesingum undan-
farin 127 ár, eða frá árinu 1886. Nú-
verandi sóknarprestur er Eðvarð
Ingólfsson sem segist una sér einkar
vel í starfi. Gott sé að búa og starfa á
Akranesi og hann nefnir til marks
um það að svæðið í kringum kirkj-
una og prestsbústaðinn sé stundum
nefnt Torg hins himneska friðar.
Einn af forverum Eðvarðs var
Þorsteinn Briem, sem var þingmað-
ur og ráðherra samhliða prests-
störfum og þeir tveir sem gegndu
starfinu á undan honum voru
tengdafeðgar og voru þeir sam-
anlagt í 51 ár. Eðvarð hefur verið
prestur við kirkjuna frá árinu 1997.
„Forverar mínir enduðu allir
sinn embættisferil hérna. Það hlýtur
að þýða að þeim hafi líkað vel að
vera hér.“
Eftir að Eðvarð lauk embættis-
prófi í guðfræði réðst hann sem
prestur á Skinnastað í Öxarfirði og
segir mikinn mun á störfum þar og á
Akranesi, þar sem sóknarbörn eru
talsvert fleiri.
„Það er mikið um að vera í
stórri sókn, þetta er 6.500 manna
prestakall og hér er hærra hlutfall af
íbúunum í Þjóðkirkjunni en víða
annars staðar. Starfið er líflegt og
Morgunblaðið/Eggert
Líflegt og annasamt Eðvarð Ingólfsson, sóknarprestur í Akraneskirkju, segir í mörg horn að líta í stórri sókn.
Eðvarð er fimmti
presturinn í 127 ár
 Prestar Skagamanna una sér við Torg hins himneska friðar
 Á Safnasvæðinu á Akranesi kennir ýmissa merkra grasa, en eitt helsta stolt
svæðisins er Kútter Sigurfari, 86 smálesta eikarseglskip sem var smíðað árið
1885 á Englandi og var notað við handfæraveiðar við Íslandsstrendur til ársins
1919. Skipið var selt til Færeyja árið 1919 og var þar í notkun til ársins 1970.
Sigurfari var í mörg ár meðal aflahæstu þilskipa á Faxaflóasvæðinu. Skipið
hefur nú verið fært í upprunalegt horf og er eini kútterinn sem hefur verið
varðveittur úr þilskipastóli Íslendinga fyrri tíma. Ástand Kútters Sigurfara er
nú orðið mjög bágborið, en unnið er að útfærslum á varðveislu skipsins
Morgunblaðið/Ásdís Haraldsd
Kútter Sigurfari Var í notkun í 85 ár, síðast í Færeyjum.
Kútter Sigurfari er einstakur
 Langisandur er baðströnd Skagamanna og liggur frá Sementsverksmiðj-
unni, meðfram íþróttavellinum á Jaðarsbakka og að dvalarheimilinu Höfða.
Ströndin er af mörgum talin vera ein besta baðströnd landsins og nýtist til úti-
vistar og afþreyingar allan ársins hring. Vinsælt er meðal sjósundskappa að
stinga sér þar til sunds, á góðviðrisdögum er þar iðandi strandlíf og þar er
stunduð útivist af ýmsu tagi.
Við bakhlið áhorfendastúkunnar á Akranesvelli er Aggapallur þar sem gestir
og gangandi geta notið veitinga og horft yfir Langasand.
Morgunblaðið/RAX
Strandlíf Svalir krakkar í sjó og sturtu á góðviðrisdegi á Langasandi.
Strandlífið á Skaganum
Anna Lilja Þórisdóttir
annalilja@mbl.is
„Konur koma víðs vegar að til að
fæða börnin sín hjá okkur, sumar
koma af Suðurnesjunum, aðrar af
höfuðborgarsvæðinu. Svo fæða auð-
vitað líka konur hérna af svæðinu
hjá okkur og konur víða af Vest-
urlandi,“ segir Ásthildur Gestsdóttir
ljósmóðir á fæðingardeild Heilbrigð-
isstofnunar Vesturlands, HVE, á
Akranesi.
Í fyrra fæddist 281 barn þar.
Um þriðjungur þeirra átti heimili í
Borgarfirði eða á Akranesi, en 72
börn eða 26% voru frá höfuðborg-
arsvæðinu. Spurð að því hver gæti
verið ástæðan fyrir því að svo marg-
ar konur kjósi að leggja land undir
fót til að fæða börnin sín á Akranesi
segir Ásthildur að rólegheit og nota-
leg stemning á deildinni skipti senni-
lega talsverðu máli í þessu sam-
bandi. „Þetta er minni eining en í
Reykjavík og sængurlegan er
lengri,“ segir Jóhanna Ólafsdóttir
ljósmóðir á HVE, sem segir að þar
gefist konum kostur á að liggja 36
tíma sængurlegu. Það sé talsvert
lengri lega en á fæðingardeild Land-
spítalans, þar sé sængurlega 12-24
tímar. „Margar konur vilja fá lengri
sængurlegu og þurfa meiri stuðn-
ing.“
Hvers vegna er hægt að bjóða
konum upp á lengri sængurlegu á
HVE en á öðrum fæðingardeildum á
landinu? „Það er líklega fyrst og
fremst vegna þess að fæðingardeild
Landspítalans þarf að sinna miklu
fleiri konum en við. Það hefur auð-
vitað áhrif á þjónustuna,“ segir
Ásthildur.
Þær Jóhanna og Ásthildur eru
sammála um nauðsyn þess að verð-
Mikilvægt fyrir verðandi
mæður að hafa val
 Konur koma víða
að til að fæða börn-
in sín á Akranesi
Morgunblaðið/Eggert
Stoltar af starfinu Ljósmæðurnar Ásthildur og Jóhanna á einni fæðing-
arstofunni á Akranesi. Þær segja ljósmæðrastarfið lifandi og fjölbreytt.
 Mikill fjöldi sjó- og vaðfugla
laðast að ströndum og grunn-
sævi Vesturlands, en 60 af 75
íslenskum fuglategundum
verpa þar árlega. Að auki fara
fimm tegundir svokallaðra far-
gesta um svæðið á vorin og
haustin á leið sinni til varp-
stöðva á Grænlandi og í Kan-
ada.
Neðsti hluti Akraness nefnist
Breið og í fjörum og á sjávar-
börðum klettum eru þar kjör-
aðstæður fugla. Þar er líka ein-
stakt útsýni yfir Faxaflóann og
þaðan má sjá allflest fjöll frá
Reykjanesi að Snæfellsnesi.
Samkvæmt upplýsingasíðu
Akraness ber þar mest á æðar-
fugli, en þar sést líka toppönd
árið um kring og straumöndin að vetrarlagi.
Algengasti vaðfuglinn er sendlingur og tjaldur sést þar annað veifið. Þá eru
fýlar og mávar algengir sjófuglar á þessum slóðum og sjá má margar tegundir
máva. Fleiri fugla má reikna með að sjá á þessum slóðum og landselir liggja
stundum á skerjum fyrir utan Breiðina.
Fjölskrúðugt og fagurt fuglalíf
Fuglar Sendlingur og tjaldur eru á Breiðinni.