Morgunblaðið - 23.08.2013, Blaðsíða 22

AKRANES
DAGA
HRINGFERÐ
22
MORGUNBLAÐIÐ FÖSTUDAGUR 23. ÁGÚST 2013
FOCUS
Nýi orkudrykkurinn...
þessi öflugi án sykurs!
Aðeins 2 hitaeiningar og
0,5 g kolvetni í 100 ml.
Koffín, guarana og ginseng... virkar strax!
15 kraftmiklar freyðitöflur í einum stauk. Skellt út í
vatn nákvæmlega þegar þér hentar – heima, í vinnunni,
skólanum, í ræktinni, í golfinu...
Handhægt, bragðgott og frábært verð
Vertu alltaf með orkuna við höndina og gríptu einn
stauk af FOCUS í næsta apóteki .
Fæst í helstu apótekum
brokkoli.is
Anna Lilja Þórisdóttir
annalilja@mbl.is
Á hverjum degi fer úr fiskiðjuveri
HB Granda á Akranesi það magn af
þorskhnökkum sem samsvarar
30.000-40.000 máltíðum. Þeir eru
fluttir ferskir og kældir til megin-
lands Evrópu, megnið fer í kæliborð
franskra sælkeraverslana og endar
að lokum á diskum neytenda sem
tilbúnir eru til að greiða fyrir gæði
og ferskleika. Markaðurinn er
kröfuharður og samspil veiða,
vinnslu og markaðar þarf að vera
hnökralaust. Hér er byggt á ára-
tuga langri reynslu í veiðum og
vinnslu verðmætrar gæðavöru.
Fiskiðjuverið er sérhæft í
þorskvinnslu, en að auki rekur HB
Grandi fiskimjölsverksmiðju og
loðnuhrognaverkun á Akranesi.
Verið er að breyta Helgu Maríu
AK, einum frystitogara fyrirtæk-
isins, í ísfisktogara og að þeim
breytingum loknum verður vinnsla
á þorski, ufsa og karfa í landi aukin
bæði á Akranesi og í Reykjavík.
Samfara þessum breytingum verður
starfsfólki í fiskvinnslu fjölgað. Nú
starfa um 50 manns að jafnaði við
fiskvinnsluna á Akranesi, en þeir
verða líklega 65 eftir nokkra
mánuði.
Hreiðar man tímana tvenna
Margir starfsmenn HB Granda
á Akranesi hafa starfað þar í ára-
tugi. Hreiðar Áskelsson er einn
þeirra, en hann hefur starfað hjá
HB Granda og forverum fyrirtæk-
isins í 33 ár og þekkir því sögu þess
mörgum betur. Hann er nú gæða-
stjóri á Akranesi. „HB Grandi varð
til við samruna nokkurra fyrir-
tækja. Ég byrjaði að vinna á lyftara
hjá einu þeirra, Heimaskaga, árið
1980. Síðan þá hafa orðið miklar
breytingar, ekki síst í tækninni, en
við tókum t.d. inn fyrstu skurðarvél-
ina frá Marel sem var í rauninni
fundin upp hér á gólfinu,“ segir
Hreiðar.
Stundum er því verið haldið
fram að Íslendingar vilji helst vinna
öll önnur störf en í fiski. Spurður að
því hvernig gangi að fá fólk til
starfa segir Hreiðar það ganga vel,
en engu að síður hafi margir úrelta
mynd af starfsemi og umhverfi
frystihúsa.
„Margir hafa aldrei komið inn í
frystihús eða hafa ekki komið inn í
slíkt hús í áratugi. Þeim bregður því
í brún þegar þeir koma hingað til
okkar.“
Annað sem hefur breyst á und-
anförnum árum og áratugum er að
nú fá nýir starfsmenn ítarlega þjálf-
un og fræðslu, bæði hvað varðar
meðferð hráefnisins og öryggi á
vinnustað.
Miklar kröfur og eftirlit
Hjá HB Granda fer fram há-
þróuð matvælaframleiðsla úr fersku
og viðkvæmu hráefni og kröfurnar
eru samkvæmt því.
Áður en gengið er inn í vinnslu-
salinn þarf að klæðast hlífðarfatnaði
frá toppi til táar, sérstökum skóm
og hárneti. Fjarlægja þarf hringi,
skartgripi og úr, þvo og spritta
hendur og setja upp hanska. Þeir
sem skarta skeggi þurfa að hylja
það með til þess gerðu skeggneti.
Að þessu loknu er gengið til starfa.
Um 20 tonn af þorski eru unnin
á dag hjá HB Granda á Akranesi og
er honum landað í Reykjavík. Hann
kemur ísaður inn í hús á Akranesi,
fyrsta skrefið er að afísa, síðan er
hann hausaður og svo flokkaður eft-
ir stærð. Síðan er hann flakaður og í
vélarsalnum eru þrjár vélar sem
flaka eftir stærð fisksins. Þá er
komið að svokallaðri flæðilínu.
Verkefnin þar hafa breyst með til-
komu nýs vélarkosts, þar voru flök-
in áður snyrt og beinhreinsuð og
skorin í hnakka, blokk og sporð, en
nú eru þau eingöngu grófsnyrt þar
áður en þorskflakið rennur inn í
nýja vélasamstæðu frá íslenska
fyrirtækinu Völku.
Skorið með vatni
Þar er tekin mynd af flakinu og
að því búnu er það skorið niður með
tölvustýrðum vatnsskurði, beina-
garðurinn fjarlægður og hnakka-
stykkið og sporðurinn skorin frá.
Hnakki og sporður renna síðan
áfram eftir færibandinu, en blokkin
og beinagarðurinn fara aðra leið.
„Hér nýtum
við bókstaf-
lega allt“
 HB Grandi á Akranesi framleiðir
úrvalsvöru fyrir kröfuharðan markað
Morgunblaðið/Eggert
Á flæðilínunni hjá HB Granda á Akranesi Þar er fiskurinn snyrtur, en verkefnin hafa breyst með nýjum vélum.
 Þegar spurt var í könnun á vegum
Háskólans á Bifröst fyrir nokkrum ár-
um hvað fólki dytti í hug þegar Akra-
nes bæri á góma, var knattspyrna
það svar sem oftast var gefið. Enda
stendur knattspyrnuiðkun þar á
gömlum merg og margt af besta
knattspyrnufólki landsins kemur frá
Akranesi.
ÍA, Íþróttabandalag Akraness, var
stofnað árið 1946 og fimm árum síð-
ar, árið 1951, urðu Skagamenn Ís-
landsmeistarar í meistaraflokki,
fyrstir liða utan Reykjavíkur. Þeir
hafa orðið Íslandsmeistarar 18 sinn-
um og bikarmeistarar níu sinnum.
Nafn Ríkharðs Jónssonar er samofið
knattspyrnusögu Akraness. Rík-
harður fæddist árið 1929 og var í
fyrsta meistaraflokksliði ÍA árið
1946, aðeins 16 ára gamall. Hann lék
með liðinu og þjálfaði það á hinu svo-
kallaða gullaldartímabili Skaga-
manna á 6. og 7. áratugnum.
Hann var valinn í fyrsta lands-
liðshóp Íslands í knattspyrnu árið
1946, lék alls 33 landsleiki og var að
auki þjálfari landsliðsins um skeið.
Hann skoraði alls 17 mörk í lands-
leikjum og var í áratugi markahæstur
landsliðsmanna, allt til ársins 2007.
Í umfjöllun Morgunblaðsins daginn
eftir landsleik Íslands og Svíþjóðar
29. júní 1951 segir að Ríkharður hafi
verið besti maður leiksins, en hann
skoraði öll mörk íslenska liðsins sem
vann 4-3. Ríkharður var gerður að
heiðursborgara Akraness árið 2008.
Morgunblaðið/Ólafur K. Magnússon
Einstakur íþróttamaður Ríkharður Jónsson var borinn á gullstól af leikvelli af
félögum sínum eftir sigur íslenska landsliðsins á því sænska árið 1951.
Skagamenn skoruðu mörkin
og Ríkharður setti markamet
Þessa dagana er verið að taka nýj-
an vélakost í notkun hjá HB
Granda á Akranesi. Um er að ræða
vél, sem tekur beingarðinn úr for-
snyrtum þorskflökum og sker flak-
ið síðan niður með vatnsskurði í
þrjá hluta. Vélin tekur bæði rönt-
gen- og þrívíddarmynd af flakinu
og á grundvelli myndanna er flakið
skorið niður með kröftugri vatns-
bunu. Vélin er alíslensk hönnun og
smíði, en hátæknifyrirtækið Valka
í Kópavogi á veg og vanda af
henni. Hannes Gunnarsson, vöruþróunarstjóri hjá Völku, segir að
með þessu fáist betri nýting á fiskinum. Áður hafði samskonar vél
verið þróuð fyrir karfa og er hún einnig í notkun hjá HB Granda.
„Framtíðin er að vélin skeri fiskinn niður í bita eftir óskum kaupand-
ans,“ segir Hannes.
NÝ VÉL TEKUR MYNDIR OG SKER ÞORSK MEÐ VATNSBUNU
Hannes Gunnarsson við nýju vélina.
Ný tækni – nýir möguleikar