Morgunblaðið - 31.10.2013, Blaðsíða 2
2 FRÉTTIRInnlent
MORGUNBLAÐIÐ FIMMTUDAGUR 31. OKTÓBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
LÉTTOG
LAKTÓSAFRÍ
SÚRMJÓLK
H
V
ÍT
A
H
Ú
S
IÐ
/
S
ÍA
Þyrla Landhelgisgæslunnar bjarg-
aði ellefu manna áhöfn flutninga-
skipsins Fernöndu eftir að eldur
kom upp í skipinu suður af Vest-
mannaeyjum um miðjan dag í gær.
Ekkert amaði að mönnunum en sum-
ir þeirra höfðu ekki komist í björg-
unargalla vegna eldsins. Áhöfnin
komst heldur ekki að björgunarbát-
um skipsins.
Slæmt veður var á svæðinu, með-
alvindhraði var 27 metrar á sekúndu
á Stórhöfða og ölduhæð rúmir fjórir
metrar við Surtsey.
Eldurinn kom upp í vélarrúmi
flutningaskipsins og tókst skipverj-
um ekki að ráða niðurlögum hans.
Því óskaði skipstjórinn eftir aðstoð
við að koma áhöfninni frá borði.
Hífðir um borð í þyrluna
Í kjölfarið voru þyrlur Landhelg-
isgæslunnar kallaðar út en áður
höfðu Þór, björgunarskip Slysa-
varnafélagsins Landsbjargar í Vest-
mannaeyjum, og hafnsögubátur
haldið til móts við skipið.
Brú skipsins var orðin alelda þeg-
ar þyrlurnar komu á vettvang en
áhöfnin hafði leitað skjóls á þilfarinu.
Skipið var vélarvana og rak þvert á
öldu og vind. Að sögn Guðmundar
Ragnars Magnússonar, stýri- og sig-
manns Gæslunnar, sem seig niður í
skipið, voru skipverjarnir aðeins
með handtalstöð og komust ekki að
björgunarbátum vegna eldsins.
Flestir voru í björgunargalla og vesti
en nokkrir höfðu þó ekki komist í
galla. Um tuttugu mínútur tók að
hífa mennina, sótuga af baráttu við
eldinn, um borð í þyrluna.
Meirihluti skipverjanna er Rússar
en auk þeirra voru Eistar og að
minnsta kosti einn Úkraínumaður í
áhöfninni. Flogið var með þá til
Reykjavíkur en ekkert reyndist ama
að þeim.
Strandaði við Sandgerði í fyrra
Að svo búnu fengu mennirnir að-
hlynningu og hressingu hjá Rauða
krossi Íslands. Þar voru þeim útveg-
uð föt, skór og hreinlætisvörur enda
gátu þeir ekki bjargað neinu frá
borði og fatnaður þeirra var illa far-
inn og sótugur eftir hremmingarnar.
Umboðsaðili Fernöndu hér á landi
er Eimskip og útvegaði fyrirtækið
mönnunum gistingu á hóteli. Sam-
kvæmt upplýsingum Eimskips var
Fernanda á leið hingað til að sækja
dýrafóður fyrir danskan loðdýra-
ræktanda. Enginn farmur var um
borð í skipinu. Það er skráð í Dóm-
iníska lýðveldinu og var smíðað árið
1981. Það strandaði við Sandgerði í
maí í fyrra.
Varðskipið Þór kom að skipinu á
tíunda tímanum í gærkvöldi og log-
aði þá enn í því. Taka átti ákvörðun
nú í morgun um frekari björgunar-
aðgerðir.
Sluppu óhultir úr eldinum
Brú flutningaskipsins Fernöndu var alelda þegar þyrlur Gæslunnar komu á
vettvang Skipverjar flúðu á þilfarið og komust ekki í björgunarbátana
Björgunin
13:14 Eimskip, umboðsaðili
skipsins hérlendis, hafði sam-
band við vaktstöð siglinga og
lét vita af því að það væri í
vandræðum. Lóðs og björg-
unarskip Landsbjargar kölluð
út.
13:30 Báðar þyrlur Landhelgis-
gæslunnar voru kallaðar út.
13:51 Þyrlurnar fara í loftið og
halda á vettvang.
14:35 TF-GNA kemur að skip-
inu og sigmaður sígur um
borð.
15:40 Þyrlan lendir með áhöfn-
ina á Reykjavíkurflugvelli.
Ljósmynd/Landhelgisgæslan
Öldurót Þyrla Landhelgisgæslunnar athafnar sig við Fernöndu. Brúin var alelda þegar þyrluna bar að garði og voru veðuraðstæður erfiðar.
Morgunblaðið/RAX
Áhöfnin Skipverjar Fernöndu í flugskýli Gæslunnar. Þeim var skiljanlega
brugðið eftir hrakfarirnar en eldurinn breiddist hratt út og veður var slæmt.
Morgunblaðið/RAX
Björgun Áhöfn TF-GNA sem bjarg-
aði skipverjum flutningaskipsins.
„Það breytist í
sjálfu sér ekkert.
Það verður áfram
í gildi kerfið sem
verið hefur við
lýði, að íslensk
fyrirtæki sem
vilja flytja inn
kjöt þurfa að
sækja um leyfi.
Umsóknir fara í
ákveðinn farveg
og ef öll vottorð standast fá þau
heimild til innflutnings,“ segir Hall-
dór Runólfsson, skrifstofustjóri á
skrifstofu matvæla, landbúnaðar og
byggðamála hjá atvinnuvega- og
nýsköpunarráðuneytinu, aðspurður
um áhrif formlegs áminningarbréfs
frá Eftirlitsstofnun EFTA, ESA.
Varðar bréfið takmarkanir á inn-
flutningi á kjöti til Íslands en það er
mat ESA að þær brjóti í bága við
EES-samninginn. Þær feli þannig í
sér óréttmætar viðskiptahindranir.
„Það verða engar laga- eða reglu-
gerðarbreytingar. Hins vegar þarf
að svara þessu bréfi. Til þess hefur
ráðuneytið tvo mánuði. Það hefur
reyndar möguleika á að sækja um
framlengingu. Þegar er hafin vinna
við að framkvæma áhættumat á
frjálsu flæði fersks kjöts frá ríkjum
ESB,“ segir Halldór en ætlunin er
að ljúka matinu í ársbyrjun 2014.
Það verði notað til að sýna fram á
málstað Íslands. baldura@mbl.is
Draga fram
málstað
Íslands
Viðbrögð við
áminningu ESA
Halldór
Runólfsson
Stuðningur við ríkisstjórnina mælist
44,8% í nýrri könnun MMR en
mældist 44,0% í síðustu könnun.
Fylgi Sjálfstæðisflokksins mælist
28,6% en var 26,5% í síðustu mæl-
ingu um miðjan október. Fylgi Sam-
fylkingar mældist 15,5%, en 17,3%
síðast. Vinstri-græn mældust með
14,8% fylgi, en 12,6% síðast. Fylgi
Framsóknarflokksins mældist
13,2%, en 15,4% í síðustu mælingu.
Björt framtíð mældist nú með 12,1%
fylgi, en 12,2% síðast, og Pírata-
flokkurinn með 8,4% fylgi, en 7,7%
síðast.
Könnunin var gerð dagana 25.-29.
október og tóku 1.034 einstaklingar
þátt í henni. 83,3% gáfu upp afstöðu
til flokka og 86,4% gáfu upp afstöðu
sína varðandi stuðning við stjórnina.
Fylgi Fram-
sóknar dalar
Skannaðu kóðann
til að sjá mynd-
skeið af vettvangi.
Snjó kyngdi víða niður norðanlands í
gær og hvessti jafnframt eftir því
sem leið á kvöldið. Þannig var nokk-
urra sentimetra jafnfallinn snjór á
Akureyri. Skafrenningur var á fjall-
vegum í gærkvöldi og víða snjókoma
norðaustanlands.
Veðurstofan spáir í dag allhvassri
eða hvassri norðaustanátt á Vest-
fjörðum, með slyddu eða rigningu.
Mun hægari vindur og stöku skúrir
eða él verða annars staðar. Hiti
verður á bilinu 0 til 6 stig, en vægt
frost fyrir norðan.
Á morgun og um helgina er spáð
áfram norðlægum áttum og köldu
veðri. Hvassast verður norðan- og
austanlands, allt að 18 m/sek. Létt-
skýjað og bjart verður syðra.
Snjóaði norðanlands
Morgunblaðið/Skapti Hallgrímsson
Akureyri Hallur, sex ára, fór í fót-
bolta í gær þrátt fyrir snjóinn.
Kuldalegt verð-
ur um helgina
Héraðsdómur
Reykjaness hefur
fallist á kröfu lög-
reglunnar á Suð-
urnesjum um
tveggja vikna
gæsluvarðhald
yfir karlmanni
frá Litháen sem
handtekinn var í
Leifsstöð á þriðjudag vegna smygls
á amfetamínbasa til landsins.
Maðurinn kom til landsins um há-
degisbil á þriðjudag og var stöðv-
aður í tollinum þegar grunsemdir
vöknuðu um vínflösku sem hann
hafði meðferðis. Þegar hann var
beðinn að stíga inn í leitarklefa
grýtti hann flöskunni í gólfið þannig
að hún brotnaði og amfetamínbasi
sem í henni var slettist upp um alla
veggi. Verjandi mannsins hefur
kært gæsluvarðhaldsúrskurðinn.
Tvær vikur í
varðhaldi