Morgunblaðið - 31.10.2013, Blaðsíða 27

UMRÆÐAN 27Bréf til blaðsins
MORGUNBLAÐIÐ FIMMTUDAGUR 31. OKTÓBER 2013
Maður lést. Hann
fór til himna og hitti
Lykla-Pétur sem gaf
honum tvo kosti. Að
búa efra eða neðra til
eilífðar. Maðurinn sá
að í efra var allt í ró-
legheitum, menn svifu
á skýjum og spiluðu á
hljóðfæri. Í neðra var
hinsvegar blússandi
partí, veigar, stuð og
flottheit. Manninum
leist vel á, fór og tilkynnti Lykla-
Pétri að hann hygðist setjast að
neðra því það leit svo vel út.
Daginn eftir mætti maðurinn
neðra með búslóð sína og hugðist
flytja inn. Mætir hann þá kölska á
klaufum, allt leit verr út en deg-
inum áður, eldar loga, menn í
hlekkjum og engin gleði. Maðurinn
spyr kölska hvað sé eiginlega í
gangi, þetta leit ekkert út eins og
lofað hafði verið. Kölski grípur í öxl
mannsins, glottir við og sagði: „í
gær vorum við í kosningum“.
Á komandi misserum ganga sjálf-
stæðismenn nær og fjær að próf-
kjörsborðum og stilla upp fram-
boðslistum fyrir komandi sveitar-
stjórnarkosningar. Á því verður
engin undantekning hér á Seltjarn-
arnesinu. Í prófkjörum geta flokks-
menn komið sínum áherslum áleiðis
og valið sér það fólk sem það
treystir best til verksins. Vart er til
önnur lýðræðislegri leið.
Sjálfstæðismenn hafa áratugum
saman stýrt sveitarfélaginu Sel-
tjarnarnesi af mikilli festu og ör-
yggi.
Hver er árangurinn af þessu öllu
saman? Er bærinn ekki nánast
skuldlaus? Eru skattálögur hér
ekki með lægsta móti?
Er árangurinn í skóla-
starfi hér ekki með því
besta sem gerist í öll-
um samanburði? Er
ekki hér allt til alls í
íþrótta-, tómstunda og
æskulýðsmálum? Eru
hér einhver sérstök
vandamál?
Einhver mistök hafa
verið gerð. Hver er nú
svo fullkominn að hafa
aldrei gert mistök? Við
vitum það í dag að
bærinn átti aldrei að
ráðast í smíði lækningaminjasafns á
eigin ábyrgð. Enda hafa for-
ystumenn bæjarins hætt öllum
framkvæmdum. Er húsið nú fokhelt
og upphitað og liggur því ekki und-
ir skemmdum, málið allt er í bið-
stöðu þar til annað verður ákveðið.
Útsvar var hækkað árið 2011
enda stefndi í hallarekstur á sveit-
arfélaginu ef ekki hefði verið gripið
til þess ráðs. Útsvarið var síðan
lækkað aftur í desember 2012 eftir
að búið var að fara í gegnum rekst-
ur bæjarins, skera niður og draga
úr framkvæmdum. Útsvarið er nú
13,66%, lægst allra sveitarfélaga á
höfuðborgarsvæðinu ásamt Garða-
bæ.
Það er á ábyrgð kjörinna fulltrúa
að veita grunnþjónustu lögum sam-
kvæmt og innheimta skattfé til að
standa undir þeim rekstri. Reiptog-
ið stendur alltaf milli þess hversu
vel á að veita umrædda þjónustu og
hversu mikið skattfé skal innheimt.
Einhverjir vilja innheimta mikið
skattfé til þess að standa vel að
málum. Aðrir vilja innheimta minna
skattfé og veita kannski minni
þjónustu. Sjálfstæðismönnum á
Nesinu hefur hinsvegar tekist hið
ætlaða ómögulega, að veita bæði
frábæra þjónustu og haldið álögum
í lágmarki.
Það er hin fína lína sem
bæjarfulltrúar þurfa að feta. Sumir
vilja meiri framkvæmdir og meira
fé í hina ýmsu málaflokka meðan
aðrir vilja lægri skatta. Að mínu
mati hefur núverandi meirihluti
sjálfstæðismanna undir forystu Ás-
gerðar Halldórsdóttur bæjarstjóra
staðið sig frábærlega.
Ég held að allflestir Nesbúar geti
verið sammála um að gott sé að búa
á Seltjarnarnesi. Ef staðið er við
bæjarmörkin og horft yfir til ná-
grannasveitarfélaganna virðist
grasið ekki grænna. Hér er staðið
vel að flestum málum en það er al-
veg örugglega víða hægt að bæta.
Hitt er líka öruggt að það má
sennilega innheimta minna skattfé.
Fyrir komandi prófkjör sjálf-
stæðismanna hér á Nesinu þarf
ekki að lofa sífelldu partíi og öllu
fyrir alla. Við vitum nákvæmlega að
hverju við göngum í forystufólki
sjálfstæðismanna á Nesinu. Það
ríkir mikill stöðugleiki á Seltjarn-
arnesi í öllu öldurótinu umhverfis
okkur. Gárungar segja að það sé
alltaf rok á Nesinu, ég lít hinsvegar
sem svo á að við séum bara með
ferskasta loftið.
Stöðugleiki á Seltjarnarnesi
Eftir Jón Gunnstein
Hjálmarsson » Í prófkjörum geta
flokksmenn komið
sínum áherslum áleiðis
og valið sér það fólk sem
það treystir best til
verksins. Vart er til
önnur lýðræðislegri
leið.
Jón Gunnsteinn
Hjálmarsson
Höfundur er löggiltur endurskoðandi.
Undanfarið hefur verið mikil um-
ræða um stöðu Landspítala háskóla-
sjúkrahúss. Í þeim umræðum hefur
komið fram að LSH nýtur verulegs
velvilja hjá stórum hópi þjóðarinnar.
Í allmörg ár
lagði Lionsklúbb-
urinn Fjörgyn
Barnaspítala
Hringsins lið með
margvíslegum
tækjagjöfum en
síðastliðin 11 ár
hefur Fjörgyn
lagt Barna- og
unglingageðdeild
LSH lið.
Sú aðstoð hef-
ur m.a. verið fólgin í kaupum og
rekstri 2ja bifreiða undanfarin sex
ár. Önnur bifreiðin er m.a. nýtt til að
fara með skjólstæðinga BUGL í
ýmsar ferðir og hin til að sérfræð-
ingar vettvangsteymis geti sinnt sín-
um störfum. Nýverið hefur Fjörgyn
tryggt áframhaldandi rekstur þess-
ara bifreiða í góðu samstarfi við
Sjóvá og N1. Eins hefur klúbburinn
fjármagnað innréttingu á sérstöku
viðtalsherbergi göngudeildar þar
sem sérfræðingar BUGL geta lagt
mat á aðstæður sinna skjólstæðinga.
Framundan er að innrétta sérstakt
viðtalsherbergi í fjölskylduíbúð sem
legudeild BUGL nýtir fyrir sína
starfsemi.
BUGL sinnir í dag bráðaþjónustu,
göngu-, dag- og legudeildarþjónustu
auk þess sem rannsóknir, hand-
leiðsla og kennsla er mikilvægur
þáttur starfseminnar.
Meginverkefni deildarinnar hvað
varðar þjónustu við fjölskyldur
barna með geðraskanir er að geta
mætt þeim með þverfaglegri teym-
isvinnu þeirra starfshópa sem á
henni starfa. Ef vandinn er þess eðlis
að aðkoma eins sérfræðings með
samvinnu við aðra aðila í nær-
umhverfi barnsins er fullnægjandi,
fer sú þjónusta að öllu jöfnu fram ut-
an BUGL en þegar þörf er fyrir sam-
eiginlegt inngrip fleiri fagaðila sam-
tímis og á sama stað er BUGL sá
vettvangur. Þannig er BUGL eins
konar endastöð geðheilbrigðisþjón-
ustu fyrir börn og unglinga hér á
landi, að öllu jöfnu sérhæfðasta úr-
ræðið sem völ er á.
BUGL er mikilvægur samstarfs-
vettvangur margra faghópa sem
samtímis geta unnið markvisst að
bata barns með þeim fjölbreyttu úr-
ræðum sem deildin hefur yfir að
ráða. Stuðningur samfélagsins við
starfsemina hefur alla tíð verið ómet-
anleg stoð fyrir hana og á síðustu ár-
um hafa árleg framlög Fjörgynjar
gert deildinni kleift að bæta aðstöðu
hennar með margvíslegum hætti
bæði hvað varðar afþreyingarmögu-
leika fyrir skjólstæðinga BUGL og
bættrar starfsaðstöðu starfsfólks.
Lionsklúbburinn Fjörgyn leggur
metnað sinn í að halda áfram
stuðningi við BUGL.
ÞÓR STEINARSSON,
félagi í Lionsklúbbnum Fjörgyn.
Fjörgyn leggur Barna- og
unglingageðdeild LSH lið
Frá Þór Steinarssyni
Þór
Steinarsson
- með morgunkaffinu