Morgunblaðið - 31.10.2013, Blaðsíða 40

40
MORGUNBLAÐIÐ FIMMTUDAGUR 31. OKTÓBER 2013
María Margrét Jóhannsdóttir
mariamargret@mbl.is
Ragna Kjartansdóttir er íslenskur rappari
sem gengur undir nafninu Cell7. Margir
muna eflaust eftir henni úr hljómsveitinni
Subterranean sem naut mikilla vinsælda á
tíunda áratug síðustu
aldar. Nú er öldin
önnur og eftir langt
hlé frá tónlistinni hef-
ur Ragna ákveðið að
helga sig aftur tónlist-
inni og gefur út sína
fyrstu sólóplötu næst-
komandi mánudag
sem heitir CELLF.
Aftur fyrir framan hljóðnemann
„Ég tók mér hlé frá tónlistinni og fór til
New York og menntaði mig í hljóð-
upptökum. Eftir námið var ég að feta mig á
atvinnumarkaðinum sem hljóðmaður og
festist svolítið í því. Ég fann það þó að mig
langaði líka að vera fyrir framan hljóðnem-
ann en ekki bara bak við takkana og það
var alltaf ætlunin að snúa aftur að tónlist-
inni og gefa út plötu,“ segir Ragna. „Það
sem gerði svo útslagið var að ég fékk í byrj-
un árs styrki meðal annars frá mennta-
málaráðuneytinu en þeir gerðu mér kleift
að vinna að þessari plötu. Þá er skemmti-
legt að geta þess að ég veit ekki betur en að
þetta sé í fyrsta skiptið sem mennta-
málaráðuneytið styrkir rapp með ein-
hverjum hætti og er það mjög gleðilegt,“
segir Ragna.
Kveður við nýjan tón
Ragna segir að það kveði við nýjan tón á
plötunni hennar en fólk eigi að venjast frá
Subterranean-dögunum hennar. „Án þess
að ég vilji flokka tónlistina í einhver hólf þá
held ég að þessi lög höfði til mun breiðari
hóps heldur en bara hipphopp aðdáenda. Ég
er náttúrlega rappari og grunnur þessarar
plötu liggur því í hipphopp stefnunni en nú
er árið 2013 og ég reyni að taka mið af nýj-
um tímum og öðrum tónlistarstefnum.“
Ragna spilaði síðast á Airwaves árið
2005. „Þá var ég að spila lög frá ýmsum
tímabilum en nú er ég í fyrsta skipti með al-
veg nýtt og heilsteypt efni. Það er ólýsanleg
tilfinning að vera að fara aftur upp á svið
með eigið efni eftir langt hlé en þetta var
eitthvað sem mér fannst ég þurfa að gera,“
segir Ragna. Hún heldur tónleika á Gamla
Gauknum í kvöld kl. 20
Endurkoma Ragna snýr aftur sem Cell7.
Ragna snýr aftur
 Fyrsta sólóplata rapparans Rögnu Kjartans-
dóttur, CELLF, kemur út á mánudaginn
Helgi Snær Sigurðsson
helgisnaer@mbl.is
Yo La Tengo var stofnuð í New Jer-
sey árið 1984 af hjónunum Ira Kapl-
an og Georgia Hubley. Árið 1991
bættist bassaleikarinn James
McNew í hópinn og hefur leikið með
hljómsveitinni allar götur síðan. Yo
La Tengo heldur tónleika á Iceland
Airwaves, í Silfurbergi Hörpu í
kvöld kl. 23.30. Þykir mörgum það
merkisviðburður enda hljómsveitin
„táknmynd hins algera neðanjarð-
arbands; sveit sem hefur frá degi
eitt gert allt á sínum forsendum og
uppskorið mikla virðingu og vin-
sældir fyrir“, svo vísað sé í orð Arn-
ars Eggerts Thoroddsen úr síðasta
tónlistarpistli hans í Morgunblaðinu.
Blaðamaður ræddi við McNew í
fyrradag.
– Tónlist ykkar í gegnum tíðina
virðist illskilgreinanleg, erfitt að
flokka hana og ýmsir merkimiðar
hafa verið settir á hana, m.a. indí-
rokk, hávaðapopp, tilraunarokk,
skógláp og draumapopp. Myndirðu
segja að þetta ætti allt við um hana
eða eitthvað annað kannski?
„Ég veit það ekki, ég hef aldrei
hugsað út í það. Ég held að við höf-
um aldrei viljað tilheyra einhverjum
tilteknum flokki eða skilgreiningu,
a.m.k. ekki neinni takmarkandi skil-
greiningu. Allir þessir flokkar hafa
verið nefndir þegar verið er að lýsa
tónlist okkar. Ég er afar stoltur af
því að ekki sé hægt að skilgreina
tónlistina með auðveldum hætti, það
er góður árangur að mínu mati þó að
það geri útgáfufyrirtækinu okkar
erfitt fyrir. En listrænt séð er það
góður árangur,“ segir McNew.
– Þið eruð tilraunaglaðir tónlist-
armenn?
„Já, ætli það ekki. Við höfum gam-
an af áskorunum, breytingum og
vexti þannig að ég býst við því. Að
vera tilraunaglaður er afstætt en við
höfum vissulega gaman af tilrauna-
starfsemi.“
Gott samstarf
– Hvernig hefur tónlist ykkar
þróast á liðnum árin? Nú er hljóm-
sveitin nærri því 30 ára gömul.
„Hún hefur þróast með marg-
víslegum hætti. Við þrjú höfum leik-
ið saman frá árinu 1991 og ég held
að við séum orðin mjög sjálfsörugg
og eigum auðvelt með að vinna sam-
an. Það hefur gert okkur kleift að
prófa nýjar hugmyndir, nýjan hljóm
og vera óhrædd við að gera mistök.
Þau skipta engu máli og margt stór-
kostlegt getur sprottið út frá mis-
tökum,“ segir McNew.
– Af nokkrum plötutitlum ykkar
að dæma, t.d. safnplötunni Prisoners
of Love: A Smattering of Scintillat-
ing Senescent Songs, 1985-2003
(Fangar ástarinnar, smáræði af
leiftrandi aldurhnignum lögum,
1985-2003) og I am not afraid of you
and i will beat your ass (Ég er ekki
hræddur við þig og ég ætla að lemja
þig í klessu) virðist þið ekki taka
ykkur of alvarlega. Er það rétt
ályktað?
„Tja, ég held að við tökum okkur
býsna alvarlega en við erum mann-
eskjur með skopskyn sem ég held að
það sé mjög mikilvægt að hafa. Tón-
listin okkar á sér mjög alvarlega hlið
líkt og við sjálf en við eigum okkur
líka mjög kjánalegar hliðar. Við höf-
um gaman af gríni, það er stór hluti
af okkar lífi þó við viljum ekki bein-
línis gera grínplötu. Ég held að okk-
ur líði best þegar stemningin á plötu
eða tónleikum einkennist af fleiri en
einni tilfinningu,“ segir McNew og
bætir við að nauðsynlegt sé að leyfa
áheyrendum og tónleikagestum að
anda, bjóða bæði upp á léttmeti og
eitthvað þyngra, blöndu gamans og
alvöru.
Gaman að spila á Airwaves
– Verður 30 ára afmælinu á næsta
ári fagnað sérstaklega, stendur eitt-
hvað til?
„Við höfum ekkert skipulagt hvað
það varðar. Við eigum eftir að gera
svo margt á 29. aldursárinu, það er
heilmikil vinna framundan en ég er
viss um að við gerum eitthvað. Ég
veit ekki ennþá hvað það verður,
kannski fáum við okkur bara ljúf-
fenga köku,“ segir McNew og hlær.
Yo La Tengo hefur ekki spilað á
Íslandi áður og segist McNew fullur
tilhlökkunar. „Ég get ekki beðið, við
erum virkilega spennt, okkur hefur
alltaf langað til Íslands,“ segir hann
en þegar samtalið fór fram var hann
ennþá í Bandaríkjunum.
– Hvað verður á efnisskránni?
„Ég veit það ekki, við reynum að
breyta efnisskránni milli tónleika.
Við höfum aldrei leikið á Íslandi
þannig að við spilum vonandi eins
mörg lög og hægt er eða þar til raf-
magnið verður tekið af okkur,“ segir
McNew að lokum og hlær.
Óhrædd við að gera mistök
 Bandaríska indísveitin Yo La Tengo leikur í Silfurbergi  „Ég er afar stoltur af því að ekki sé
hægt að skilgreina tónlistina með auðveldum hætti,“ segir bassaleikarinn James McNew
Ljósmynd/Jesper Eklow
Afslöppuð Georgia Hubley, Ira Kaplan og James McNew í Yo La Tengo.
María Margrét Jóhannsdóttir
mariamargret@mbl.is
Valdimar er ein þeirra íslensku hljómsveita
sem unnið hafa hug og hjörtu landsmanna.
Hún er ein þeirra fjölmargra hljómsveita sem
sýna listir sínar á Airwaves-tónlistarhátíðinni
sem nú stendur yfir.
Valdimar Guðmundsson, forsprakki sveit-
arinnar, útilokar ekki að þeir spili ef til vill
einhver ný lög á tónleikum þeirra en á næsta
ári kemur út ný plata frá sveitinni. „Á Airwa-
ves ætlum við að spila okkar tónlist af fyrstu
tveimur plötunum okkar. Það gæti verið að
við spilum eitt eða tvö ný lög en ég er þó ekki
viss um að við náum því. Þau eru ekki alveg
fullbúin en það kemur í ljós,“ segir Valdimar
sem segir stemninguna alltaf vera góða á
Airwaves en þetta er þriðja skiptið sem
hljómsveitin spilar á hátíðinni.
Alltaf gaman á Airwaves
„Það eru tveir í hljómsveitinni sem stunda
nám í útlöndum og þeir koma sérstaklega
heim fyrir þessa hátíð. Það er sérstaklega
ánægjulegt en það er alltaf gaman á Airwa-
ves og allir í góðum fíling. Ég var einmitt að
gera stöðuuppfærslu á Facebook þar sem ég
bað um tillögur að áhugaverðum hljóm-
sveitum til að sjá á Airwaves og á bara eftir
að fara í gegnum allar þær ábendingar. Ég
veit þó fyrir víst að mig langar að sjá hljóm-
sveitina Yo la tengo og auðvitað Kraftverk,“
segir Valdimar en þess má geta að hljóm-
sveitin Valdimar spilar meðal annars í Hörpu
á föstudag klukkan 20.50.
Forsprakkinn Valdimar Guðmundsson, söngvari og básúnuleikari.
Valdimar um Valdimar
 Valdimar útilokar ekki að ný lög fái að hljóma
á Airwaves  Plata væntanleg á næsta ári