Morgunblaðið - Sunnudagur - 10.11.2013, Blaðsíða 23

10.11. 2013 MORGUNBLAÐIÐ SUNNUDAGUR 23
Margir standa í þeirri trú að eina leiðin til að grennast sé aðhlaupa á hlaupabretti á sama hraða í 40-60 mínútur. Ég ætlamér ekkert að gera lítið úr slíkum æfingum og með því að
stunda 40-60 mínútna langar brennsluæfingar þrisvar til fjórum sinnum
í viku er líklegt að þú náir fljótlega árangri. Hins vegar verða slíkar æf-
ingar oftast leiðinlegar og einhæfar til lengdar fyrir flest fólk og þá er
hætt við því að fólk hætti að mæta í líkams-
ræktina.
Aðlögunarhæfni líkamans er ótrúleg og ef þú
gerir ávallt sömu æfinguna þá hættirðu að
koma líkamanum á óvart. Líkaminn venst æf-
ingunni og tekur henni sem hverri annarri dag-
legri hreyfingu Með öðrum orðum þá verðurðu
sérfræðingur í að framkvæma þessa einu æf-
ingu en ávinningurinn af æfingunni minnkar.
Af þessum sökum er mikilvægt að breyta til við
og við til að koma líkamanum á óvart. Slík til-
breyting er einnig góð fyrir andlegu hliðina.
Við þjálfun barna og ungmenna er talað um að
fjölbreytni íþróttaæfinga sé eitt af lykilatriðum
til að viðhalda áhuga þeirra og ég held að full-
orðið fólk sé í flestum tilvikum eins. Flest venjulegt fólk missir fljótt
áhugann ef ekki er gætt að fjölbreytni og því er gott að notast við aðrar
aðferðir í bland.
Brennsluæfingar geta verið af ýmsum toga og síendurtekin einhæf
þolþjálfun er ekki eina leiðin sem stendur til boða og jafnvel ekki sú
besta. Til að brjóta upp einhæfar brennsluæfingar getur verið gott að
tileinka sér einföld æfingakerfi á borð við t.d. Tabata og HIIT við og
við. Slík æfingakerfi einkennast af miklum ákafa í stuttan tíma. Með
þessum hætti nær líkaminn aldrei að venjast aðstæðum og verður því
brennslan í hámarki á æfingunni og jafnvel í marga tíma á eftir.
Margir eldri iðkendur kvíða því að taka slíkar æfingar en slíkur ótti
er ekki á rökum reistur. Lykilatriðið er einfaldlega að miða álagið við
eigin getu.
Morgunblaðið/Styrmir Kári
FJÖLBREYTTAR
ÆFINGAR
Heilbrigt líf
JÓN HEIÐAR
GUNNARSSON
K
örfuknattleiksmaðurinn Hlynur Bæringsson er
fyrirliði íslenska landsliðsins og leikmaður
sænska úrvalsdeildarliðsins Sundsvall Dragons.
Hann var stigahæstur í sigri liðsins á Uppsala
Basket í vikunni og er tilbúinn til að veita okkur góð ráð.
Hversu oft æfir þú á viku?
Sirka 10 sinnum, fer þó eftir hvar ég er staddur á
tímabilinu, æfi meira á sumrin og haustin en á vorin t.d.
Hvernig æfir þú?
Það er í raun þrískipt, liðsæfingar á hverjum degi
seinni part dags, svo er annaðhvort lyftingar eða skot-
æfing á morgnana.
Henta slíkar æfingar fyrir alla?
Ætli það, þær henta mér því þetta er það sem
mér þykir gaman. Hið augljósa er að það hentar
öllum að æfa það sem þeim þykir skemmtilegt.
Hvernig er best fyrir nýliða að koma sér af
stað?
Fyrir þá sem stunda ekki líkamsrækt er
nauðsynlegt að finna það sem gefur ánægju og
er skemmtilegt. Erfitt að ná langtímaárangri
bara með harkinu einu.
Hver er lykillinn að góðum árangri?
Lykillinn er heilbrigð skynsemi, borða holl-
an mat að mestu leyti og hreyfa sig reglulega.
Bara þetta tvennt hjálpar í átt að líkamlegri
og andlegri vellíðan og þarf ekki 200 bls. bók
til.
Hvað ráðleggurðu fólki sem vill hreyfa sig
meira?
Aftur, að finna það sem því þykir
skemmtilegt, það er endalaust af val-
möguleikum, margt annað til en hlaupa-
bretti og lóð sem er góð hreyfing.
Líður þér illa ef þú færð ekki reglu-
lega útrás fyrir hreyfiþörfina?
Já, fljótlega eftir nauðsynlega hvíld
finn ég þörf til að hreyfa mig og fá út-
rás.
Hvernig væri líf án æfinga?
Mitt líf yrði a.m.k. ekki eins
ánægjulegt. Held að flestum líði bet-
ur ef þeir hreyfa sig eitthvað.
Hvað er það lengsta sem
hefur liðið á milli æfinga hjá
þér?
Veit það hreinlega ekki,
yfirleitt tek ég tveggja vikna
pásu eftir tímabilið til að
hvíla skrokkinn.
Hvað borðarðu til að halda
þér í formi?
Ég reyni að nota heilbrigða
skynsemi í mataræði, það dugar
ansi langt. Einu fæðubótarefnin
sem ég nota eru vörurnar frá Hafkalki, kalk, magnesíum
og omega 3 ásamt gamla góða lýsinu.
Hvaða óhollustu ertu veikur fyrir?
Súkkulaði enda er það með því betra sem hefur verið
sett á þessa jörð.
Hvað ráðleggurðu fólki sem vill bæta mataræðið?
Ég ráðlegg því að borða sem mest af því sem náttúran
gaf okkur og minna af öllu öðru.
Hvaða gildi hefur hreyfing og líkamsrækt fyrir þig?
Mér líður betur með sjálfan mig ef ég hreyfi mig.
Hver eru erfiðustu meiðsli sem þú hefur
orðið fyrir?
Bakmeiðsli sem ég glími enn við, ákaf-
lega hvimleið við að eiga.
Hversu lengi varstu að ná þér aftur á
strik?
Ég þurfti að hvíla í nokkrar vikur en
get þó spilað með þessu í dag. Þetta mun
víst fylgja mér í töluverðan tíma.
Hvað eru algeng
mistök hjá fólki við
æfingar?
Tæknileg mis-
tök er auðvelt að
laga, ég er ekki sér-
fræðingur í þeim,
helstu mistökin eru að
fara af stað til að þókn-
ast öðrum en sjálfum sér.
Aðalatriðið er að ná þeim
markmiðum sem auka þína
vellíðan.
Hver er erfiðasti mótherjinn á
ferlinum?
Nikola Pekovic Svartfellingur. Ákaf-
lega hraustur maður.
Hver er besti samherjinn?
Margir, t.d. Jakob Sigurðarson sem ég
spila með í Svíþjóð og allir þeir vinir mínir
sem ég spilaði með í Stykkishólmi, ég átti
með þeim frábær ár.
Hver er fyrirmynd þín?
Enginn sérstakur íþróttamaður í dag. Ég lít
upp til margra í kringum mig og reyni að tileinka
mér það góða í fari þeirra, það þarf oft ekki að
horfa mjög langt til að finna góða fyrirmynd.
Hver er besti íþróttamaður allra tíma?
Charles Barkley.
Skilaboð að lokum?
Ekki einblína um of á lokatakmarkið,
leiðin að því er oft löng og því um að
gera að njóta hennar líka.
ÍÞRÓTTAKEMPA DAGSINS
Lykillinn er heilbrigð skynsemi
Morgunblaðið/Golli
Hlynur
Bæringsson
Framsetning matar skiptir miklu máli og þá sérstaklega fyrir yngstu
kynslóðina. Ein frábær leið til að fá börn til að gæða sér á kokteil-
tómötum er að skera þá í tvennt og leggja síðan hliðar tveggja tóm-
ata saman. Með þeim hætti er hægt að mynda girnileg hjörtu.
Hjörtu úr tómötum* „Það er ekkert göfugt við að verafremri öðru fólki. Það sem er sann-arlega göfugt er að vera æðri en maður
var sjálfur í gær.“ Tim Twietmeyer