Morgunblaðið - Sunnudagur - 10.11.2013, Blaðsíða 53

10.11. 2013 MORGUNBLAÐIÐ SUNNUDAGUR 53
Listakonan Garún, Guðrún
Þórisdóttir, opnar á laugar-
dag klukkan 14 sýninguna
„Lykkjuföll og skuggadans“ í
Mjólkurbúðinni í Listagilinu á Ak-
ureyri. Í verkunum notar hún vír í
stað bleks í skissugerð.
2
Hjartaspaðar, hin rómaða
leiksýning Gaflaraleikhúss-
ins sem tekin hefur verið til
sýningar að nýju, er sýnd
bæði á laugardags- og sunnudags-
kvöld. Verkið fékk afar góðar við-
tökur áhorfenda sem gagnrýnenda í
fyrravetur og tvær tilnefningar til
Grímunnar.
4
Fatahönnunarfélagið heldur
uppskeruhátíð í Iðn-
aðarmannasalnum á laug-
ardagskvöldið. Fam koma ís-
lenskir og erlendir fyrirlesarar, m.a.
þeir Michael H. Berkowitz og Ingvar
Helgason hjá Ostwald Helgason.
5
Á laugardag klukkan 15 mun
Hanna Christel Sigurkarls-
dóttir, fræðslufulltrúi menn-
ingarmiðstöðvarinnar
Skaftfells á Seyðisfirði, bjóða upp á
fjölskylduleiðsögn um sýninguna
„Hnallþóra í sólinni“ og listsmiðju í
kjölfarið. Allir eru velkomnir.
3
Hinn fjölfróði arkitekt Pétur
Ármannsson heldur á
sunnudag kl. 15 erindi í Hafn-
arborg um Guðjón Sam-
úelsson, arkitekt og húsameistara rík-
isins til langs tíma. Pétur gerir
sérstaklega skil byggingum sem Guð-
jón teiknaði og finna má í Hafnarfirði.
MÆLT MEÐ
1
Fetta bretta er dansverk fyrir yngstu börnin. Við hugsum þaðfyrir börn á aldrinum eins til fjögurra ára,“ segir Tinna Grét-arsdóttir danshöfundur um nýja sýningu hópsins Bíbí og blaka.
Hún verður frumsýnd í Kúlunni í Þjóðleikhúsinu í dag, laugardag.
Hópurinn gerði í fyrra verðlaunasýninguna Skýjaborg, sem glatt
hefur mörg börn síðan. Núna kemur einnig út geisladiskur er nefnist
Skýjaflétta en á honum eru lög úr báðum sýningunum, Skýjaborg og
Fetta bretta.
Fetta bretta verkið fjallar um systurnar Fettu Flækju og Fléttu
Brettu. Það er erfitt að sjá hvar ein byrjar og hin endar. Þær eru
flæktar saman, föt, hár og líkamar. Smám saman ná þær að vinna
sig frá hvor annarri og þá sjáum við þær, ólíkustu tvíbura í heimi:
systurnar Fetta Flækja og Flétta Bretta.
„Markhópurinn okkar eru þessi litlu börn. Skýjaborg hefur gengið
mjög vel og er enn í sýningum, við erum að ferðast með það hér inn-
anlands og erlendis,“ segir Tinna. „Við erum nú að fylgja þeirri vel-
gengni eftir, enda er svo sannarlega markaður fyrir danssýningar
fyrir þennan aldurshóp.“ Í sýningunni eru engin orð heldur byggist
hún á hreyfingum. „Börnin þurfa ekki að geta fylgt eftir sögu heldur
er þetta meiri upplifun,“ segir hún.
Þegar spurt er hvort börnin haldi athygli á sýningum, segir Tinna
að fullorðnum hætti til að vanmeta einbeitingu þessara ungu barna.
„Við höfum sýnt Skýjaborg um fimmtíu sinnum og allt niður í sex
mánaða börn sitja í hálftíma og fylgjast með. Á æfingatímabilinu
fáum við heimsóknir frá leikskólum og börnum okkar og vina, til að
sjá hvað heldur athyglinni. Ef sýningin heldur ekki eru börnin farin!“
efi@mbl.is
BÍBÍ OG BLAKA-HÓPURINN FRUMSÝNIR BARNADANSSÝNINGU
Dansverk fyrir yngstu börnin
„BÖRNIN ÞURFA EKKI AÐ GETA FYLGT EFTIR SÖGU
HELDUR ER ÞETTA MEIRI UPPLIFUN,“ SEGIR TINNA
GRÉTARSDÓTTIR DANSHÖFUNDUR.
Dansararnir leika með stóra kubba í sýningunni Fetta bretta.
Ljósmynd/Steve Lorenz
„Maður gerir ekki svona að gamni sínu því þar er margt sem þarf að fórna; maður fórnar afkomunni og sleppir því sem var öruggt,“ segir Kristín.
Morgunblaðið/Einar Falur
Samhliða opnun sýningarinnar með verk-
um Kristínar Gunnlaugsdóttur, hefst í söl-
unum á efri hæð Listasafns Íslands sýningin
Gersemar – Dýr í búri.
Sýningin skiptist í tvennt. Í öðrum salnum
heldur safnið áfram að sýna valin nútíma-
og samtímaverk úr safneigninni, byggð
kringum nokkur öndvegisverk eftir helstu
frumkvöðla íslenskrar samtímalistar – Jó-
hann Eyfells (1923); Magnús Pálsson (1929)
og Dieter Roth (1930-1998) – auk listar
þeirrar kynslóðar sem með einum eða
öðrum hætti fetaði í fótspor þeirra. Mörg
verkanna eru eftir listamenn sem hafa verið
fulltrúar Íslands á Tvíæringnum í Feneyjum.
Þá er sérstöku ljósi beint að bókverkum
eftir íslenska og erlenda listamenn sem
hófu þessa listgrein til vegs og virðingar.
Bókverkin má skoða á spjaldtölvum.
Hinn hluti sýningarinnar er helgaður
norska jöfrinum Edvard Munch, í tilefni af
því að í ár eru 150 ár frá fæðingu hans.
Sýnd er röð grafíkmynda hans sem safnið á.
Verkum Munchs fylgja verk eftir hátt í 15
samtímalistamenn sem lýsa með einum eða
öðrum hætti svipaðri einangrunar- og inni-
lokunarkennd og birtist í svo mörgum
verkum Munchs.
SÝNA KUNN GRAFÍKVERK MUNCHS OG SAMTÍMALIST
Ein grafíkmynda Munchs á sýningunni, „Á
öldum ástarinnar,“ frá árinu 1896.