Morgunblaðið - 04.12.2013, Síða 15
FRÉTTIR 15Innlent
MORGUNBLAÐIÐ MIÐVIKUDAGUR 4. DESEMBER 2013
SVIÐSLJÓS
Ingveldur Geirsdóttir
ingveldur@mbl.is
„Í mínum huga er það fyrirkomulag sem nú er
á laganáminu mjög óheppilegt og nauðsynlegt
að stokka það upp. Það gengur ekki að lítið land
á borð við Ísland sé með fjórar starfandi laga-
deildir sem telja sig geta boðið upp á fullburða
laganám sem er meðal annars forsenda rétt-
inda til að stunda lögmennsku og hljóta opinber
embætti.“ Svo mælir Róbert Spanó, dómari við
Mannréttindadómstól Evrópu og fyrrverandi
forseti lagadeildar Háskóla Íslands, í viðtali
sem birtist við hann í Lögmannablaðinu, sem
kom út nýverið.
Framtíðin ekki allt of björt
Hann segir tilkomu lagadeildar Háskólans í
Reykjavík hafa verið jákvæða fyrir íslenskt
laganám á sínum tíma og hafi sú samkeppni
gefið starfsmönnum Háskóla Íslands aukinn
kraft. „Mín skoðun er sú að til framtíðar eigi
hér að starfa aðeins tvær lagadeildir, þ.e. laga-
deild HÍ, ríkisháskólans, og lagadeild HR,“ er
ennfremur haft eftir Róberti í viðtalinu. Spurð-
ur út í atvinnuframboð fyrir lögfræðinga segir
Róbert að framboð á hefðbundnum lög-
fræðistörfum sé að minnka. „Ég er hræddur
um að verði ekkert að gert, fyrirkomulagi laga-
náms ekki breytt og látið hjá líða að taka upp
inntökupróf í lagadeild HÍ, eins og stefnt er að
næsta sumar, sé framtíðin ekki allt of björt fyr-
ir nýútskrifaða lögfræðinga.“
Gamaldags viðhorf
Lögfræði er nú kennd í fjórum skólum á
landinu; Háskóla Íslands, Háskólanum í
Reykjavík, Háskólanum á Akureyri og Háskól-
anum á Bifröst. Helga Kristín Auðunsdóttir er
sviðsstjóri lögfræðisviðs Háskólans á Bifröst.
„Mér finnst þetta gamaldags viðhorf, að það
þurfi að handstýra fjölda lögmanna sem út-
skrifast á Íslandi. Mér finnst að viðbrögð há-
skólasamfélagsins eigi að vera að breyta lög-
fræðimenntun, efla nýsköpun og gefa
lögfræðingum færi á að skapa sín tækifæri
sjálfir. En ekki að segja að rétt viðbrögð sé að
fækka lögmönnum eða auka einsleitni í stétt-
inni,“ segir Helga Kristín spurð út í orð Ró-
berts.
Í Háskólanum á Bifröst er kennd við-
skiptalögfræði og segir Helga Kristín að þaðan
útskrifist ekki samskonar lögfræðingar og frá
HÍ og HR.
„Háskólinn á Bifröst miðar að því að auka
sérstöðu okkar lögfræðinga enn meira með því
að leggja aukna áherslu á nýsköpun og við-
skiptaþekkingu. Þekking viðskiptalögfræðinga
er á breiðara sviði og við erum ekki aðeins að
mennta lögfræðinga til hefðbundinna lögfræði-
starfa eins og HÍ og HR. Mér sýnist skoðanir
Róberts mótast frekar af fortíðinni, hvernig
lögmenn hafa starfað í áranna rás. Við viljum
hugsa þetta í víðara samhengi og huga að fram-
tíðinni. Starfsvettvangur lögmanna er breiðari í
dag en var og það er aukin eftirspurn eftir lög-
fræðiþekkingu í samfélaginu. Það er hlutverk
háskólanna að bregðast við ástandinu á vinnu-
markaðinum og auka þá enn frekar sérstöðuna
og breyta menntun í takt við það sem er að ger-
ast þar,“ segir Helga Kristín.
Vill stokka upp í laganáminu
Róbert Spanó segir að ekki gangi að lítið land á borð við Ísland sé með fjórar lagadeildir Vill aðeins
sjá lögfræði í HÍ og HR „Gamaldags viðhorf,“ segir sviðsstjóri lögfræðisviðs Háskólans á Bifröst
Morgunblaðið/Ómar
Elstur Lögfræði hefur verið kennd við Háskóla Íslands frá 1911 eða frá upphafi skólans.
„Það er ekki að sjá að þessum fullyrð-
ingum og vangaveltum sé fylgt úr hlaði
með efnislegum rökum. Þetta eru þess
vegna bara „spekúlasjónir“ eða eldhús-
hugmyndir,“ segir Ágúst Þór Árnason,
deildarformaður lögfræðisviðs Háskólans
á Akureyri, um orð Róberts. „Ég ætla ekki
að tjá mig um lagadeildir annarra skóla en
það liggur í hlutarins eðli að hver deild
hlýtur að þurfa að marka sér sérstöðu.“
segir Ágúst Þór. Hjá HA sé boðið upp á
lögfræði með áherslu á heimskautarétt
auk kennslu í kjarnagreinum íslenskrar
lögfræði. Lagadeild HA er tíu ára.
Bara eldhús-
hugmyndir
HÁSKÓLINN Á AKUREYRI
Ágúst Þór
Árnason
Róbert
Spanó
Helga Kristín
Auðunsdóttir
Sigrún Sigurðardóttir fæddist 1929 á Möðruvöllum í Hörgárdal.
Foreldrar hennar voru þau Sigurður Stefánsson, prestur og
síðar vígslubiskup, og María Ágústsdóttir cand. phil.
Vestfirska forlagið hefur gefið út bækur eftir marga höfunda
sem aldrei áður hafa fengist við bókaskrif. Sigrún er í þeim
hópi. Frásögnin, byggð á dagbókum hennar, er öfgalaus og hlý
þó að greint sé hispurslaust frá erfiðu ölduróti á lífsleiðinni.
Fæst í bókaverslunum um land allt
Ný bók að vestan
Verð 3.900 kr.
Ég veit ekki hvort ég hef nokkurn tíma orðið virkilega fullorðin kona, ég hef
alla tíð þurft mikla athygli og aðdáun og hef að sama skapi verið dugleg að
ná mér í hana. Það hefur verið mér meira virði en flest annað. Er ekki magnað
hvað karlmaður getur framkallað hjá konu með því einu að horfa á hana
með aðdáun? Það framkallar á augabragði að konan verður fallegri, fær allt í
einu nokkurs konar æskuútlit, roða í kinnar og ástleitna ásjónu. Það er þetta
sem ég meina, þetta er eins konar næring sem gerir konur aldurslausar. Þær
halda bara áfram að geta beitt töfrabrögðum sínum, halda áfram að vera
þess umkomnar að geta heillað menn fram eftir öllum aldri. Ég tala af sérlegri
reynslu eins og við er að búast.