Morgunblaðið - 04.12.2013, Blaðsíða 44
MIÐVIKUDAGUR 4. DESEMBER 338. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Lögreglan lét fjölmiðla ekki vita
2. Íbúð byssumannsins
3. „Reiður og bitur út í allt og alla“
4. Hjón með 694.000 kr. laun fullnýta …
»MEST LESIÐ Á mbl.is
FÓLK Í FRÉTTUM
Allra síðasta sýningin í Hörpu á
einleik Ladda, Laddi lengir lífið, fer
fram á morgun. Laddi heldur þó
áfram að lengja líf sýningargesta því
fyrirhuguð er leikferð til Akureyrar
og Norðurlanda. Laddi verður í menn-
ingarhúsinu Hofi á Akureyri í febrúar
og heldur að því loknu til Danmerkur
og Noregs með sýninguna. Fleiri lönd
munu hugsanlega bætast við. Í sýn-
ingunni fer Laddi yfir ævi sína í
gamni og alvöru og mörgum þekktum
persónum sem hann hefur skapað á
ferli sínum bregður fyrir.
Morgunblaðið/RAX
Laddi lengir lífið
á Norðurlöndum
Brúðumeistarinn Bernd Ogrodnik
sýnir í Sólheimasafni á morgun kl. 17
brúðuleikritið Pönnukakan hennar
Grýlu. Í því er sögð jólasaga sem unn-
in er upp úr evrópskri þjóðsögu og
segir af hugvitssamri pönnuköku
sem nær að flýja steikarpönnu Grýlu.
Pönnukakan leggur í langferð til Jesú
litla og foreldra hans sem dvelja
svöng og köld í fjárhúsi í Betlehem.
Pönnukakan mætir ýmsum hættum á
ferðum sínum því margir vilja fá af
henni bita.
Pönnukaka heldur til
fundar við Jesú litla
Á fimmtudag Norðvestan 8-15 m/s, hvassast við austurströnd-
ina, en lægir vestantil á landinu. Léttskýjað á sunnanverðu landinu,
annars él. Frost 6 til 18 stig, kaldast í innsveitum.
VEÐUR
Guðbjörg Gunnarsdóttir,
landsliðsmarkvörður í fót-
bolta, æfir með þýska stór-
liðinu Turbine Potsdam sem
hefur haft mikinn áhuga á
að fá hana í sínar raðir und-
anfarna mánuði. Það vildi fá
hana í september en náði
ekki samkomulagi við lið
hennar, Avaldsnes. Guð-
björg segir að það yrði
draumur að spila með liði á
borð við Potsdam sem er
eitt stærsta lið heims. »1
Guðbjörg býst við
samningstilboði
Hannes Þór Halldórsson, landsliðs-
markvörður í knattspyrnu, segir að
það sé góður tími fyrir sig núna til að
taka næsta skref og gerast atvinnu-
maður í íþróttinni. Hann skrifaði í
gær undir tveggja ára samning við
norska úrvalsdeildarliðið Sandnes Ulf
og hlakkar til að geta einbeitt sér að
fótboltanum
og átt meiri
tíma með fjöl-
skyldunni. »3
Góður tími til að taka
næsta skref
Níu leikir fara fram í ensku úrvals-
deildinni í fótbolta í kvöld en á Old
Trafford tekur David Moyes og Man-
chester United á móti gömlu læri-
sveinum Skotans í Everton í fyrsta
skipti frá því að hann gerðist stjóri
Englandsmeistaranna. United þarf
svo sannarlega á sigri að halda en í
liði meistaranna er einnig Marouane
Fellaini sem spilaði með Everton. »4
Moyes fær gömlu læri-
sveinana í heimsókn
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Yfirleitt æfa menn íþróttir í sinni
heimabyggð en þrír strákar í Borg-
arfirði láta sér það ekki nægja og
sækja fótboltaæfingar hjá Fram í
Reykjavík tvisvar til þrisvar í viku
fyrir utan leiki.
Helgi Guðjónsson er 14 ára og á
heima í Reykholti þar sem foreldrar
hans starfa. Hann er nýgenginn upp í
3. flokk og hefur æft og leikið með
Fram undanfarin tvö ár, en spilaði
einnig fyrir félagið sumarið 2008 og
2009. Tilviljun réð því að leið hans lá í
Safamýrina.
„Vinur minn, sonur vinkonu
mömmu, æfði með Fram þegar við
vorum mjög litlir,“ rifjar Helgi upp.
„Einu sinni var ég hjá þeim í viku og
fór á æfingar með honum og á N1-
mótið í kjölfarið. Þegar ég var á fyrra
árinu í 4. flokki fór ég til Reykjavíkur
og pabbi hringdi og spurði hvort það
væri æfing hjá Fram. Svo var ekki en
það var leikur þann dag og þeir báðu
mig um að koma og ég spilaði leikinn
alveg upp úr þurru. Síðan hef ég
haldið áfram.“
Fjölhæfur íþróttamaður
Um 110 km eru úr Reykholti í bæ-
inn og heldur lengra frá Húsafelli,
þar sem Rúnar Bergþórsson, 13 ára,
býr en hann byrjaði að æfa með
Fram á þessu ári. Fyrir skömmu
bættist Ragnar Magni Sigurjónsson,
14 ára, á Hvanneyri í hópinn, en for-
eldrarnir skiptast á að keyra þá.
„Helgi er mjög ánægður hjá Fram
enda öll umgjörð til fyrirmyndar
og þjálfararnir, þeir Lárus
Grétarsson og Vilhjálmur Þór
Vilhjálmsson, einstaklega góðir
og hvetjandi,“ segir Guðjón Guð-
mundsson, faðir Helga.
Helgi er fjölhæfur íþróttamað-
ur, spilar körfubolta með Skalla-
grími og Reykdælum, hefur farið á
aldursflokkameistaramót Íslands í
sundi þar sem hann er sterkastur í
100 og 200 m bringusundi auk þess
sem hann hefur látið til sín taka á
hlaupabrautinni, einkum í 600 og 800
m hlaupi. „Ég held að fótboltinn sé
skemmtilegastur,“ segir hann. „Í
nokkur ár hef ég farið suður á
íþróttamót flestar helgar, hvort sem
það er í frjálsum, sundi eða körfu.
Það er því komið upp í vana að fara í
bæinn og það venst vel. Eftir að
strákarnir bættust í hópinn hefur
álagið líka dreifst á fleiri.“
Þó að nóg sé að gera í íþróttunum
stundar Helgi námið af kappi og
stendur sig vel en hann er í 9. bekk.
„Ætli ég fari ekki í framhaldsskóla í
bænum til þess að geta æft fótbolta,“
segir hann um framhaldið.
Helgi heldur með Manchester
United í ensku knattspyrnunni en á
sér ekki sérstakar fyrirmyndir í bolt-
anum. „Mér finnst Robin van Persie
mjög skemmtilegur og hann er
kannski helsta fyrirmyndin.“
Aka yfir 100 km á æfingar
Þrír strákar í
Borgarfirði með
Fram í Reykjavík
Morgunblaðið/Kristinn
Keppnismenn Ragnar Magni Sigurjónsson (t.v.), Helgi Guðjónsson og Rúnar Bergþórsson fyrir æfingu í gærkvöldi.
Helgi Guðjónsson setti boltann
73 sinnum í net mótherja Fram í
opinberum mótum í 4. flokki á
liðnu sumri og sló þar með
markamet Hauks Snæs
Haukssonar í fé-
laginu sem var
46 mörk. Auk
þess skoraði
hann fyrra
markið, þegar
strákarnir í U15
ára landsliðinu
lögðu Finna að
velli með tveim-
ur mörkum gegn
engu í undankeppni fyrir Ólymp-
íuleika æskunnar, en leikurinn
fór fram í Sviss í október sem
leið. „Það var mjög mikil upp-
lifun og rosalega gaman,“ segir
Helgi um fyrstu keppnisferðina
til útlanda. Bætir við að hann
hafi heyrt af markameti Fram í
vor og haft það á bak við eyrað
án þess að hugsa sérstaklega um
að slá það. „Minnisstæðasta
markið er þegar við unnum
Hauka 3:1 og ég skoraði þriðja
markið, en þar með tryggðum við
okkur inn í úrslitakeppnina í
Íslandsmótinu í sumar.“
Miðherjinn sló markamet Fram
HELGI GUÐJÓNSSON Í REYKHOLTI Í BORGARFIRÐI
SPÁ KL. 12.00 Í DAG Norðvestan 8-15 m/s nyrðra, en hægari
suðvestan- og vestanlands. Léttir heldur til syðra, annars él, eink-
um norðaustantil. Kólnandi veður, frost 3 til 14 stig síðdegis.