Morgunblaðið - 04.12.2013, Blaðsíða 16
16 FRÉTTIRInnlent
MORGUNBLAÐIÐ MIÐVIKUDAGUR 4. DESEMBER 2013
Á málstofu Hafrannsóknastofn-
unar fimmtudaginn 5. desember
flytur Bjarki Þór Elvarsson erindi
sem nefnist: Tilgátur um stofn-
samsetningu langreyðar á fæðu-
slóð bornar saman með upplýs-
ingum um erfðafræðilega skylda
einstaklinga. Erindið verður flutt
kl. 12.30 í fundarsal á fyrstu hæð
að Skúlagötu 4.
Í kynningu segir að suma þætti
í stofnþróun sé erfitt að mæla og
sjá fyrir og sérstaklega eigi það
við þegar skil á milli stofna eru
óljós. Skíðishvalir séu dæmi um
slíka stofna þar sem dreifing
þeirra er árstíðabundin og út-
breiðslusvæði þeirra stórt. Einnig
séu æxlunarstöðvar skíðishvala,
þrátt fyrir mikla leit, í flestum til-
fellum óþekktar. Óvissa um sam-
setningu þessara stofna sé því
mikil og geti haft umtalsverð áhrif
á veiðiráðgjöf.
Morgunblaðið/Kristinn
Stofnsamsetning
langreyðar rædd
Katla held-
ur sína ár-
lega pipar-
kökuhúsa-
keppni í
Smáralind í
desember.
Mörg hús
hafa skilað
sér inn í
keppnina. Enn er tími til þess að
taka þátt en frestur til að skila hús-
um rennur út í dag, 4. desember, á
milli kl. 16 og 19. Húsin verða til
sýnis fram til 21. desember en þá
verður tilkynnt um sigurvegara.
Keppt er í tveimur flokkum, full-
orðinsflokki og barna- og unglinga-
flokki. Vegleg verðlaun verða í boði
fyrir sigurvegarana.
Piparkökuhúsa-
keppni í Smáralind
Hinn árlegi Jólamarkaður Vinnu-
stofu Skálatúns í Mosfellsbæ verður
haldinn fimmtudaginn 5. desember.
„Við bjóðum ykkur að líta við hjá
okkur og versla einstakar hand-
verksvörur s.s. glerverk, púða,
skart, lyklahús, prjónahulstur,
slæður, vefnað, kort o.fl.,“ segir í
tilkynningu.
Markaðurinn verður í gróð-
urhúsinu á staðnum og er boðið upp
á heitt súkkulaði og piparkökur.
Opið er frá kl. 11:00 – 17:30.
Jólamarkaður
haldinn í Skálatúni
STUTT
FRÉTTASKÝRING
Ágúst Ingi Jónsson
aij@mbl.is
Ekki hefur verið ákveðið hvenær
næst verður sest að samningaborði
til að ræða stjórnun makrílveiða á
næsta ári. Ýmis mál á eftir að leysa
og meðal annars á milli Norðmanna
og Evrópusambandsins, sem hafa á
liðnum árum tekið sér 90% af ráðgjöf
fiskifræðinga. Meðan aðilar hafa ekki
nálgast lausn á vettvangi stjórnmál-
anna er ekki talin ástæða til að kalla
saman fjölmennan fund fulltrúa
margra ríkja. Í næstu viku verður
hins vegar fundað um síld og kol-
munna á fundum í London.
Hætta á hrossakaupum
Í Noregi hafa komið fram hug-
myndir um að semja saman um
stjórnun veiða og kvóta á makríl í N-
Atlantshafi, norsk-íslenskri síld og
kolmunna. Elisabeth Aspaker,
sjávarútvegsráðherra Noregs, mun
hafa rætt slíkt pakkasamkomulag á
fundi með Mariu Damanaki, sjávar-
útvegsstjóra Evrópusambandsins, í
síðustu viku án þess að fá sérstakar
undirtektir, aðrar en þær að hug-
myndina mætti skoða.
Audun Maråk, framkvæmda-
stjóri samtaka norskra útvegs-
manna, er ekki hlynntur slíku fyrir-
komulagi og hefur sagt að slíkt
myndi kalla á pólitísk hrossakaup.
Nær sé að leggja vísindaleg gögn til
grundvallar í hverri tegund og notar
hann Ísland sem dæmi um hvers
vegna ekki eigi að semja saman um
veiðar úr fyrrnefndum stofnum. Í
viðræðum um síld byggi Íslendingar
afstöðu sína á réttindum út frá sögu-
legu samhengi, en í makríl bendi Ís-
lendingar á útbreiðslusvæði
tegundarinnar og að makríll fari í
fæðugöngur inn í íslenska lögsögu.
Pólitískur tafaleikur?
Í gær var makríldeilan rædd á
fundi Jose Manuel Barroso, forseta
framkvæmdastjórnar Evrópusam-
bandsins, og Ernu Solberg, forsætis-
ráðherra Noregs. Í fréttatilkynningu
frá Barroso að fundinum loknum
kemur fram að hann hafi hvatt Norð-
menn til að samþykkja nýtt fyr-
irkomulag makrílveiða. Tækifæri
væri til þess til loka ársins og þann
glugga ætti að nýta. Efnislega kom
ekkert fram hjá Solberg um stöðu
makríldeilunnar.
Hvort sem hugmynd Aspaker
nú um samhliða samning um þrjá
stofna er raunveruleg eða aðeins
pólitískur tafaleikur þá hafa slíkar
hugmyndir áður komið fram. Stofn-
arnir eru að hluta til á sama hafsvæði
og keppa að einhverju leyti um sömu
fæðuna. Hins vegar er talið að áður
en að af slíku yrði þyrftu að fara fram
viðamiklar rannsóknir á göngum
þeirra og samspili þessara þriggja
tegunda.
Norðmenn ekki sáttir
Norðmenn eru taldir eiga erfitt
með að sætta sig við að hlutur Íslend-
inga í veiðum á makríl fari yfir 10%,
ef þeir „þurfa að taka þátt í kostnaði
við þá hlutdeild“, eins og það var orð-
að við blaðamann í gær. Rætt mun
hafa verið um að Íslendingar fái um
12% af þeim 900 þúsund tonnum sem
leyft verður að veiða á næsta ári, en
um mikla aukningu er að ræða í
heildarkvóta makríls. Í samningi
ESB og Noregs um skiptingu mak-
rílkvótans áttu um 62% að fara til
ESB, um 28% til Noregs og aðrir
áttu að skipta um 10% á milli sín.
Í sumar gekk makríll grimmt
norður og vestur á bóginn og mest
aukning varð í norskri lögsögu.
Norðmenn virðast ekki vera sáttir
við að gefa eftir hlutdeild og ljóst
þykir að kengur sé í samskiptum
Noregs og Evrópusambandsins hvað
varðar makrílinn.
Síld og kolmunni
Fundur verður haldinn í London
á þriðjudag um veiðar úr norsk-
íslenska síldarstofninum 2014. Á mið-
vikudag og fimmtudag verður fundað
um kolmunna.
Færeyingar juku síldarkvóta
sína stórlega á síðasta ári og síðsum-
ars gengu í gildi viðskiptaþvinganir
ESB gegn Færeyingum vegna þess.
Trúlega verður reynt að finna lausn á
þeirri deilu samhliða lausn á makríl-
deilunni.
Enn ekki tilefni til
fundar í makríldeilu
EPA
Í Brussel Makríldeiluna bar á góma á fundi Ernu Solberg, forsætisráð-
herra Noregs, og Jose Manuel Barroso, forseta framkvæmdastjórnar ESB.
Norðmenn viðra
hugmyndir um að
semja um þrjá
stofna samhliða
Humarhúsið
101 Reykjavík · humarhusid@humarhusid.is
Amtmannsstíg 1 sími: 561·3303
Þegar njóta á
kvöldsins...
DREIFARAR • SNJÓTENNUR • SNJÓBLÁSARAR • SLITBLÖÐ
A. Wendel ehf | Tangarhöfða 1 | 110 Reykjavík | Sími 551 5464 | wendel.is
Tæki til
vetrarþjónustu
Stofnað 1957