Morgunblaðið - Sunnudagur - 23.02.2014, Blaðsíða 34

34 MORGUNBLAÐIÐ SUNNUDAGUR 23.2. 2014
Matur og drykkir
E
ftir að ég kom heim úr framhaldsnámi í Bandaríkjunum árið
2010 var ekki mikið um vinnu í fyrstu. Þannig að ég var bara
mikið að dunda mér við að elda og vera húsmóðir heima hjá
mér,“ segir Katrín, spurð um tilurð bloggsíðunnar Modern
Wifestyle. Danskur eiginmaður hennar stakk upp á að hún tæki
myndir af því sem hún eldaði og bakaði, og bloggaði um það, en sjálf
hafði hún ekkert hugsað út í slíkt. Bloggið var hins vegar fljótt að
spyrjast út og ýmis tækifæri fylgdu. „Þetta var bara áhugamál, og
átti aldrei að vera neitt annað – en einhvern veginn breyttist það í
vinnuna mína,“ segir hún hógvær.
Ekkert neikvætt við að vera húsmóðir
Í dag segir Katrín bloggið í raun sinn tengilið við ljósmyndaheiminn
en fjölmörg verkefni hafa komið til í gegnum síðuna, bæði myndatök-
ur tengdar mat og ekki.
„ÞAÐ ER ENGIN SKÖMM AÐ ÞVÍ AÐ VILJA STRAUJA JÓLARÚMFÖTIN“
Framtíðarplanið var allt annað
UM TÆPLEGA 12 ÁRA SKEIÐ HEFUR LJÓSMYNDARINN OG MATARBLOGGARINN KATRÍN BJÖRK ALIÐ MANNINN Í KAUPMANNAHÖFN. TILVILJUM RÉÐ ÞVÍ
AÐ HÚN HLEYPTI AF STOKKUNUM BLOGGSÍÐUNNI WWW.MODERNWIFESTYLE.COM, SEM HEFUR HELDUR BETUR REYNST HENNI NOTADRJÚG.
Gunnhildur Ásta Guðmundsdóttir gunnhildur@mbl.is
Ljósmyndarinn og bloggarinn Katrín
segir bloggið hafa haft óvænt áhrif.
Profiteroles eru gómsætar fylltar,
franskar vatnsdeigsbollur, fullkomnar
fyrir bolludaginn framundan. Vel er
hægt að geyma þær óbakaðar í frysti
eða í loftþéttum umbúðum ef bak-
aðar. Geymið þær þá „tómar, svo
þær linist ekki of mikið. Ef ykkur
finnast þær hafa linast eftir geymsl-
una skellið þeim í ofninn í 5 mín. áð-
ur þær eru fylltar, svona til að hressa
þær við. Ef maður er ekki fyrir lakkr-
ís má líka nota 1 msk. Cognac eða
Grand Mariner í staðinn fyrir lakkr-
íssírópið hér.
PROFITEROLES – FRANSKAR
VATNSDEIGSBOLLUR
2,5 dl vatn
125 g smjör
½ tsk. salt
140 g hveiti
4 egg
1. Hitið ofninn í 200°C
2. Setjið vatn, smjör og salt í pott og
bræðið saman yfir vægum hita.
Hrærið í á meðan. Passið að hafa hit-
ann vægan svo vatnið gufi ekki upp
áður en smjörið bráðnar. Þegar
smjörið er bráðið, hækkið hitann og
láttu suðuna koma upp.
3. Takið pottinn af hitanum og bland-
ið hveiti saman við. Hrærið vel. Setj-
ið pottinn aftur yfir miðlungshita og
hrærið kröftuglega í 2 mínútur eða
þar til deigið er glansandi og helst
saman sem bolti.
4. Setjið deigið í hrærivél og látið
ganga hægt í ca 30 sek. til að hleypa
gufunni úr því.
5. Bætið næst eggjum við, einu í einu
og hrærið vel á milli.
6. Setjið deigið í sprautupoka og
sprautið ca 2 cm dúllur á bök-
unarpappír.
7. Úðið smávatni yfir bollurnar rétt
áður en þær eru bakaðar.
8. Þegar bollurnar eru komnar í
ofninn, lækkið hitann í 180°C og
bakið í 20 mínútur
9. Takið þá bollurnar út og skerið
örlítið gat á þær með beittum hníf.
Setjið þær síðan aftur inn í ofninn í
5 mínútur til viðbótar
LAKKRÍSFYLLING
3 dl nýmjólk
3 eggjarauður
0,5 dl sykur
1 msk. hveiti
2,5 msk. maíssterkja
2 msk. lakkríssíróp eða lakkr-
ísduft
2 dl rjómi
1. Hitið mjólk að suðumarki – ekki
láta hana sjóða. Ef nota á lakkr-
ísduft, leysið það næst upp í mjólk-
inni.
2. Þeytið eggjarauður, sykur, hveiti
og maíssterkju þar til kekkjalaust og
mjúkt.
3. Hellið helmingnum af mjólkinni í
örmjórri bunu í eggin á meðan
þeytið. Gætið þess að hella ekki of
miklu í einu svo að þið fáið ekki
eggjahræru.
4. Hellið eggjamjólkinni til baka í
pottinn (með afganginum af mjólk-
inni) og hitið yfir miðlungshita þar
til hnausþykkt. Hrærið allan tímann.
5. Takið af hitanum. Ef þið notið sír-
ópið eða áfengi skal hræra því sam-
an við núna
6. Kælið kremið
7. Þeytið rjómann og blandið saman
við kalt kremið
8. Setjið kremið í sprautupoka með
0,5 cm oddi og sprautið varlega inn
í bollurnar.
Profiteroles með lakkrískremi
„Ég stend auðvitað sterk fyrir sem ljósmyndari. Ég get t.d. unnið
allar myndirnar mínar, myndbönd og alla grafík sjálf,“ segir hún.
En hvernig kom nafnið á síðunni til?
„Þegar ég var atvinnulaus heima fór ég mikið að velta fyrir mér
hvers vegna svo oft er talað um það að vera „húsmóðir“ sem eitt-
hvað neikvætt,“ svarar hún snöggt. „Við nútímakonur virðumst oft
svolítið uppteknar af því að verða ekki eins og ömmur okkar eða
mæður, sem voru heima. Eins og við viljum líta þannig á að einhver
hafi þvingað þær til þess,“ bætir hún við. Segir hún sína skoðun að
þetta viðhorf þurfi alls ekki vera ráðandi, konum megi alveg þykja
gaman að eiga fallegt heimili og elda. „Það er heldur engin skömm
að því að strauja jólarúmfötin,“ bætir hún kankvís við í lokin og gef-
ur hér uppskrift að frönskum „profiteroles“. Segist hún afar hrifin af
franskri matargerð og menningu, eftir að hafa dvalið langdvölum þar
syðra á táningsárunum.