Morgunblaðið - Sunnudagur - 23.02.2014, Qupperneq 38

Þrívíddarprentarar geta prentað þrívíða hluti, eins
og heitið ber með sér, með því að byggja hlutinn
upp smám saman, lag fyrir lag. Tæknin er dýr, enn
sem komið er, en til eru prentarar á skaplegu verði.
Prentarinn bræðir plastþráð í þunnt lag og leggur
síðan hvert lagið ofan á annað. Einnig eru til prent-
arar sem blanda málmsalla við lím sem
síðan er bakað við háan hita, aðrir
nota plastsalla og enn aðrir bræða
efnið saman jafnharðan með öfl-
ugum leysigeislum. Með slíkum
prentara er hægt að prenta flest
það sem manni dettur í hug og
með mikilli nákvæmni.
Nú er væntanlegur á mark-
aðinn matarprentarinn The
ChefJet og The ChefJet Pro
sem spáð er velgengni um
heim allan. Eins og lesendur geta getið sér til um þá
er Pro serían aðeins betri og dýrari. Í staðinn fyrir
plast og málm er notast við vatn og sykur sem
grunn. Prentarinn getur notast við súkkulaði, vanilu,
mintu, epli, kirsuber og vatnsmelónubragð nú. Trú-
lega bættist við bragð frá því þetta var skrifað og
þangað til að blaðið barst inn um lúguna. Það bæt-
ast reglulega við ný bragðefni. Stærðin er ennþá
svolítið lítil, 10X14X8 sentimetrar sem er þó
hæfileg stærð fyrir fallegan eftirrétt.
Allt er hægt að prenta og borða.
Hugmyndaflugið er það eina sem
stoppar viðkomandi. Frá því tækið
var prófað er vinsælasti rétturinn
eftirprent af brúðguma og brúði.
Stefnt er að því að prentarinn
komi á almennan markað í lok
árs 2014.
SÆLGÆTI GERT ÚR ENGU
Þrívíddarprentun með bragði
Hver vill ekki fá að smakka sælgæti sem er búið til úr engu?
ÞEGAR ÞRÍVÍDDARPRENTUN ER ANNARS VEGAR ER ÓHÆTT AÐ TALA UM BYLTINGU OG
ÞVÍ SPÁÐ AÐ ÞRÍVÍDDARPRENTARAR EIGI EFTIR AÐ HAFA MIKIL ÁHRIF Á LÍF OKKAR Á
NÆSTU ÁRUM OG ÁRATUGUM, EKKI SÍST EFTIR AÐ ÞEIR KOMAST Í ALMENNINGSEIGU.
Benedikt Bóas benedikt@mbl.is
The ChefJet Pro kemur til með að kosta 10 þúsund dali rúmlega 1,1 milljón.
AFP
38 MORGUNBLAÐIÐ SUNNUDAGUR 23.2. 2014
Græjur og tækni
G
oogle-fyrirtækið er eitt
það verðmætasta í
heimi. Nafnið er í huga
flestra tengt leitarvél,
en á undanförnum árum hefur það
í auknum mæli snúið sér að gerð
ýmiss konar vélbúnaðar. Fyr-
irtækið leggur mikið upp úr rann-
sóknar- og þróunarstarfi og reynir
jafnan að vera í fremstu röð þegar
kemur að upplýsingatækni. Stjórn-
endur og talsmenn Google eru dug-
legir við að upplýsa hluthafa og
aðra áhugasama um hvað er fram-
undan hjá fyrirtækinu. Það er því
auðvelt að fá nokkuð glögga mynd
af því að hverju fyrirtækið er að
vinna. Blaðamenn tæknivefsins Ars
Tecnica tóku nýlega saman lista yf-
ir þau verkefni sem vitað er til, eða
talið er líklegt, að unnið sé að inn-
an veggja Google. Listinn er langur
og forvitnilegur og því ekki úr vegi
að skoða aðeins nánar hvers er að
vænta.
Google-vélmenni
Í lok síðasta árs tilkynnti Google að
fyrirtækið hefði stofnað deild sem á
að sinna þróun vélmenna. Það er
Andy Rubin sem fer fyrir deildinni,
en hann er maðurinn á bak við
Android-stýrikerfið. Á und-
anförnum vikum hefur Google
keypt upp hvert fyrirtækið á fætur
öðru sem sinnt hefur þróun vél-
menna, þar á meðal fyrirtækið
Boston Dynamics, sem var eiginleg
þróunardeild bandaríska hersins í
þessum efnum. Það er ljóst að
Google ætlar sér að standa í
fremstu röð vélmenna í framtíðinni,
en ef marka má sögusagnir er
þessi deild ekki hugsuð sem lang-
tíma rannsóknar- og þróunardeild,
heldur er henni ætlað að koma
söluvænni vöru á markað sem
fyrst, helst strax á þessu ári.
Glerið frá Google
Það eru tvö ár síðan fyrstu prufu-
gerðirnar af Google-glerinu (Glass)
fóru að sjást í umferð á ráðstefnum
og á nefi einstaka starfsmanna
Google, en það er ekki enn komið í
almenna sölu. Google-glerið líkist
gleraugnaumgjörð, án gleraugna.
Umgjörðin inniheldur raddstýrða
myndbandsupptökuvél sem tekur
upp það sem fyrir augu ber, ásamt
litlum skjá sem birtir viðeigandi
upplýsingar. Á síðasta ári kom ný
útgáfa af glerinu sem gerir það það
kleift að nota þau með venjulegum
gleraugum. Það er líklegt að þetta
skemmtilega tæki verði fáanlegt á
þessu ári.
Android alls staðar
Google hefur sagt að það megi bú-
ast við tveimur nýjum útgáfum af
Android-stýrikerfinu á þessu ári.
Eitt af því sem Google hefur unnið
að í tengslum við nýja útgáfu af
Android er að þróa stýrikerfið til
notkunar í bílum. Afþreyingarkerfi
í bílum er þegar orðið umtalsvert.
Útvarp, sjónvarpsskjáir og mp3
spilarar eru staðalbúnaður í mörg-
um betri bílum, ásamt GPS-
staðsetningartæki, og öðrum bún-
aði. Google vill freista þess að sam-
eina öll þessi tól undir stjórn
Android. Fyrirtækið er þegar í við-
ræðum við Audi, GM, Honda og
Hyundai um þátttöku.
Netvæðing heimilisins
Nýverið keypti Google fyrirtækið
Nest sem framleiðir nettengd hita-
stýritæki (thermostat) og reyk-
skynjara fyrir heimili sem hægt er
að tengja við snjallsíma. Kaupin
hafa vakið athygli þar sem augljóst
þykir að fyrirtækið hefur tals-
verðan áhuga á að netvæða heimili,
og kynnti meðal annars frumgerð
af hugbúnaði fyrir Android til að
stjórna lýsingu árið 2011. Talsmenn
Google lýstu þá yfir að draumur
þeirra væri að allt heimilið yrði
tengt við Android-stýrikerfið, sem
er einmitt þróað af Google. Fyrr-
verandi forstjóri Nest, sem fylgdi
með í kaupunum, stjórnar nú nýrri
deild innan Google sem einblínir á
netvæðingu heimilishaldsins. Það er
því ekki ólíklegt að innan skamms
megum við vænta þess að sjá fleiri
snjalltæki á heimilum, á borð við
Nest.
Heilsuvernd
Heilsuvernd er einn sá þáttur
okkar daglega lífs sem er að taka
stakkaskiptum með aukinni snjall-
tækjavæðingu. Hér, líkt og annars
staðar er Google að leita eftir fót-
festu. Nýlega sagði fyrirtækið frá
því að það ynni að snjöllum augn-
linsum fyrir sykursjúka. Lins-
urnar innihalda nema sem skynjar
glúkósamagn í tárum og lætur
vita í gegnum snjallsíma þegar
gera þarf ráðstafanir. Þetta þýðir
DUGLEGIR AÐ UPPLÝSA HLUTHAFA OG ÁHUGASAMA
Hvað myndi
Google gera?
* Kaupin hafavakið athygliþar sem augljóst
þykir að fyrirtækið
hefur talsverðan
áhuga á að netvæða
heimili
GOOGLE ER EITT VERÐMÆTASTA FYRIRTÆKI HEIMS.
ÁÐUR EN LANGT UM LÍÐUR GÆTU VÖRUR
GOOGLE VERIÐ ALLT UMLYKJANDI.
Sveinn Birkir Björnsson sveinnbirkir@gmail.com