Morgunblaðið - Sunnudagur - 17.08.2014, Blaðsíða 30

30 MORGUNBLAÐIÐ SUNNUDAGUR 17.8. 2014
Matur og drykkir
V
ið héldum matarboðið í tilefni Ramadan, sem er níundi tungl-
mánuður í tímatali íslam. Allan þann mánuð fasta trúræknir
múslimar frá dögun til sólarlags. Þegar fastan er rofin á kvöldin
er gjarnan slegið upp veislu og borðað vel í góðra vina hópi,“ út-
skýrir Ólafur Stefán Halldórsson, meðlimur í Félagi múslima á Íslandi.
Ólafur segir meðlimi í Félagi múslima á Íslandi vera duglega við að
hittast og gera eitthvað saman í húsnæði félagsins. Til að mynda hafa
meðlimir félagsins fyrir sið að hittast á laugardögum á meðan Ramadan
stendur yfir og biðja, borða saman og slá á létta strengi.
„Þeir sem geta og hafa aðstöðu til að elda einhvern ljúffengan mat gera
það og mæta með hann á hlaðborð. Á hlaðborðinu er því gjarnan suðrænt
og austrænt ljúfmeti og sumir réttirnir koma fólki jafnvel ansi spánskt
fyrir sjónir,“ segir Ólafur. Í þetta sinn mátti sjá ýmsa fýsilega rétti á
hlaðborðinu, meðal annars kjúklingarétt frá Senegal, gulrótarsælgæti frá
Pakistan og kjötrétt frá Norður-Indlandi.
„Þetta eru sannkallaðar fjölmenningarsamkomur því að félagsmenn eru
frá ýmsum mismunandi heimshornum. Yfirleitt mæta nokkrir tugir
manns; konur, menn og börn,“ segir Ólafur spurður hverjir skipi Félag
múslima á Íslandi.
Ólafur segir meðlimi félagsins annars yfirleitt hittast á föstudögum til
að biðja föstudagsbænina. „Svo er líka sunnudagaskóli haldinn fyrir börn-
in og konurnar hittast reglulega í eins konar saumaklúbbi, skilst mér,“ út-
skýrir Ólafur og segir félagslífið í Félagi múslima á Íslandi vera fjölbreytt
og skemmtilegt.
Edda litla virti fyrir sér ljósmyndara Morgunblaðsins.
Meðlimir Félags múslima á Íslandi gæddu sér á góðum mat í tilefni Ramadan.
SLÓGU UPP FJÖLMENNINGARLEGU BOÐI
Gæddu sér á
mat í tilefni
Ramadan
NÝVERIÐ HÉLDU MEÐLIMIR Í FÉLAGI MÚSLIMA Á ÍSLANDI
SKEMMTILEGT MATARBOÐ ÞAR SEM BOÐIÐ VAR UPP Á
FJÖLBREYTTAR VEITINGAR SEM UPPRUNNAR ERU FRÁ
ÝMSUM ÓLÍKUM HEIMSHORNUM. MATARBOÐIÐ VAR
HALDIÐ Í TILEFNI ÞESS AÐ RAMADAN STÓÐ YFIR.
Guðný Hrönn gudnyhronn@mbl.is
Khadija og Muhammad voru ánægð með það sem var á boðstólum.
1 heill kjúklingur
5 laukar
50 gr. engifer
1 msk. sinnep
2 kjúklingateningar
1 tsk. kóríander-krydd
1 tsk. salt
50 ml. ólívuolía
300 gr. hrísgrjón
Blandið engiferinu, lauknum, sinn-
epi, kjúklingateningunum, kóríand-
erinu, saltinu og ólívuolíunni saman
í matvinnsluvél. Skerið kjúklinga-
kjötið í bita og marinerið kjúkling-
inn í blöndunni. Setjið kjúklinginn í
eldfast mót og eldið í um 45 mín-
útur í 180° heitum ofni. Rétturinn
er þá borinn fram með hrís-
grjónum.
Yassa kjúklingur með hrísgrjónum frá Sengal