Morgunblaðið - 27.11.2014, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 27. NÓVEMBER 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Guðni Einarsson
gudni@mbl.is
Kambandarsteggur, ættaður frá
Norður-Ameríku, hefur haldið sig á
vötnum Heiðmerkur undanfarið.
Kambönd er fágæt og því rauðmerkt
í fuglafréttum á vefnum fuglar.is.
Þetta er fjórði fuglinn af þessari teg-
und sem sést hefur hér. Kamböndin
er fiskiönd líkt og toppönd, gulönd
og hvítönd.
Hafsteinn Björgvinsson, sem hef-
ur fylgst með dýralífi á brunn-
svæðum OR í Heiðmörk og ná-
grenni, sagði að sennilega væri þetta
sami fugl og sást fyrst í mars á þessu
ári. Hann hegðar sér alveg eins nú
og fuglinn sem þá sást. Þá var kamb-
öndin í búningi fugla á fyrsta ári og
var talið að um ungan kvenfugl væri
að ræða. Fuglinn sem nú gistir Heið-
merkurtjarnirnar er í fullorðinsbún-
ingi og fer ekki á milli mála að þar er
steggur á ferð.
„Nú syngja glóbrystingarnir há-
stöfum á Höfn. Það er eins og það sé
komið vor,“ sagði Brynjúlfur Brynj-
ólfsson, fuglaáhugamaður á Höfn í
Hornafirði og einn aðstandenda
vefjarins fuglar.is, þegar hann var
spurður um flækingsfugla. Glóbryst-
ingarnir söngglöðu eru ungir karl-
fuglar sem eru að æfa sig í sönglist-
inni, áheyrendum til mikillar ánægu.
Einnig hafa sést gransöngvarar,
hettusöngvarar, fjallafinkur og
söngþrestir á Höfn. Söngþrösturinn
er keimlíkur skógarþresti en aðeins
fölari á litinn. Söngþröstinn vantar
rauðbrúna flekkinn á síðurnar sem
skógarþrösturinn hefur og er dröfn-
óttur á bringunni en ekki rákóttur
eins og frændi hans.
Söng- og gráþrestir
Talsvert hefur komið af gráþröst-
um til landsins nú í nóvember. Þeir
eru ekki fátíðir gestir og er líklega
um að ræða farfugla sem hrekjast
hingað á leið sinni frá öðrum löndum
á Norðurlöndum á suðlægar slóðir.
Einnig hefur borið nokkuð á svart-
þröstum og glóbrystingum.
Um síðustu mánaðamót kom tals-
vert mikið af söngþröstum til lands-
ins. Fuglaáhugamenn á Höfn
merktu 11 fugla. Skömmu síðar
hurfu þeir jafnskjótt og þeir komu.
Ljósmynd/Hafsteinn Björgvinsson
Haustið 2014 Kambandarsteggurinn sem nú fer á milli vatna og tjarna í Heiðmörkinni er líklega sami fuglinn og
sást þar í vor en kominn í búning fullorðinna fugla. Fuglinn hagar sér alveg eins og sá sem var þarna í vor.
Vorhugur í glóbrystingum á Höfn
 Fágætur kamb-
andarsteggur í
Heiðmörkinni
Ljósmynd/Hafsteinn Björgvinsson
Vorið 2014 Kambönd í búningi ungfugls sást í Heiðmörk í vor.
Vegagerðin áætlar að gríska ferjan
Achaeos geti ekki notað Landeyja-
höfn fjórða hvern dag að meðaltali
vegna djúpristu og lengdar og að-
stæðna í og utan við höfnina. Til sam-
anburðar er þess getið að miðað er
við að frátafir nýs Herjólfs verði 10%.
Vegagerðin telur ekki ástæðu til að
skoða frekar þennan kost sem áhuga-
menn kynntu.
Kostir grísku ferjunnar og gallar
eru tíundaðir í minnisblaði sem Vega-
gerðin hefur sent þingmönnum Suð-
urlands og ráðuneyti. Kostir grísku
ferjunnar, að mati Vegagerðarinnar,
er mikil stjórnhæfni, mikil flutnings-
geta og hagstætt verð.
Ókostirnir eru hins vegar mun
meiri. Vegagerðin nefnir að end-
urbyggja þurfi ekjubrýr og land-
ganga í höfnum og er kostnaður við
það áætlaður allt að 200 milljónum kr.
Vegna lengdar ferjunnar er talið erf-
itt að sigla henni fyrir utan Landeyja-
höfn og dýpka þarf meira vegna þess
að hún er djúpristari. Sigurður Áss
Grétarsson, framkvæmdastjóri hjá
Vegagerðinni, segir að aðstæður fyrir
utan höfnina, það er að segja dýpt,
straumar og alda, ráði því hversu stór
skip geti með öryggi siglt þangað inn.
Höfnin nýtist ekki allt árið ef notuð
eru stærri skip en aðstæður leyfa.
Vegagerðin telur að leggja þurfi í
kostnaðarsamar breytingar til að
gríska ferjan standist kröfur sem
gerðar eru til ferja sem sigla til Vest-
mannaeyja og kostnaður við hana
yrði 2,5 til 3,5 milljarðar kr. Rekstr-
arkostnaður yrði yfir 100 milljónum
króna meiri en á nýrri ferju á ári
hverju. helgi@mbl.is
Frátafir með þeirri grísku
 Ekki skoðað frekar með gríska ferju til Vestmannaeyja
Viðar Guðjónsson
vidar@mbl.is
Sérstök framlög til rekstrar og
stofnkostnaðar heilbrigðisstofnana
aukast um rúma tvo milljarða króna
árið 2015 ef tillögur fjárlaganefndar
um aukin framlög vegna svigrúms í
ríkisfjármálum verða samþykktar.
Þá mun Landspítalinn fá milljarð til
viðbótar, eins og Morgunblaðið
greindi frá sl. þriðjudag.
Vigdís Hauksdóttir, formaður
fjárlaganefndar, segir aukin framlög
til Landspítalans fara beint í al-
mennan rekstur hans. „Landspítal-
inn mun því fá 46 milljarða í rekst-
urinn árið 2015 og hafa framlög
aldrei verið svo há,“ segir hún. Jafn-
framt er gert ráð fyrir 875 milljóna
króna framlagi til hönnunar með-
ferðarkjarna nýs Landspítala.
Virðisaukaskattur á matvæli
verður hækkaður úr 7% í 11%, eins
og Morgunblaðið greindi frá, í stað
12% eins og ráð hafði verið gert fyr-
ir í fyrri útgáfu fjárlaganna.
Þá segir í frumvarpinu að þátt-
taka einstaklinga í lyfjakostnaði
minnki um 5% með 150 m.kr. auk-
inni greiðsluþátttöku ríkisins. Lyfja-
kostnaður sjúklinga lækkar jafn-
framt með lækkun efra þreps vsk.
úr 25,5% í 24%.
Lagt er til að framlög til mennta-
mála aukist um 767 m.kr. og þar af
muni 617 milljónir renna til háskóla.
„Styrkingin núna kemur til vegna
þess að með þessu erum við að bæta
háskólunum að fullu upphæðir fyrir
hvert nemandaígildi og ríkið stend-
ur nú við það að greiða full framlög
með hverjum nemanda,“ segir Vig-
dís.
Guðlaugur Þór Þórðarson, vara-
formaður fjárlaganefndar, segir að
þessi aukalegu framlög sýni að rík-
isstjórnin setji grunnþjónustu,
mennta- og heilbrigðismál, í for-
grunn.
Framlag til Landspít-
ala aldrei eins hátt
 Rúmir tveir milljarðar til heilbrigðisstofnana  VSK 11%
Aukin framlög
» Fjárlaganefnd skilaði frá sér
tillögum um aukin framlög.
» Áhersla á mennta- og heil-
brigðismál.
Viðar Guðjónsson
vidar@mbl.is
Bjarni Benediktsson, formaður
Sjálfstæðisflokksins, mun kynna
nýjan innanríkisráðherra í byrjun
næstu viku. Samkvæmt heimildum
Morgunblaðsins mun Bjarni nýta
vikuna til að ræða við þá þingmenn
sem orðaðir hafa verið við stólinn.
Þau Ragnheiður Ríkharðsdóttir,
Birgir Ármannsson, Unnur Brá
Konráðsdóttir og Pétur H. Blöndal
lýstu öll áhuga á því að taka við emb-
ættinu, í samtali við blaðið. „Ef þú
hefur metnað sem stjórnmálamaður
og telur þig hæfan til að fara í það þá
hljóta flestir þingmenn að vera til-
búnir til þess,“ segir Ragnheiður.
„Formaður flokksins þarf svigrúm
til þess að meta það hvernig hann tel-
ur best að skipa liðinu,“ segir Birgir.
Pétur segist næstur inn
Pétur Blöndal hefur einn þessara
þingmanna lýst því yfir að hann hafi
þegar rætt við Bjarna um að fá ráð-
herraembætti. „Kjósendur Reykja-
víkur ákváðu að láta mig númer þrjú
á lista. Það var því eðlilegt að Hanna
Birna og Illugi, sem voru í fyrsta og
öðru sæti, yrðu ráðherrar. En núna
þegar Hanna Birna er hætt, þá er ég
númer tvö. Þetta eru tvö kjördæmi
og ég er efstur í Reykjavík suður,“
segir Pétur. Einar K. Guðfinnsson,
forseti Alþingis, hefur einna helst
verið orðaður við embættið. Hann
hefur ekki viljað tjá sig um málið.
Lýsa áhuga
á embætti
innanríkis-
ráðherra
Kaupum bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Að sögn Vigdísar Hauksdóttur,
formanns fjárlaganefndar, verður
sú breyting gerð á fjárlögum,
vegna bættrar stöðu í ríkisfjár-
málum, að Ríkisútvarpið fær allt
útvarpsgjaldið á næsta ári til
rekstrarins, en til þessa hefur hluti
þess farið til annarra verkefna.
„Framlagið samsvarar inn-
heimtu útvarpsgjalds, að því gefnu
að Ríkisútvarpið standi við þá fjár-
hagslegu endurskipulagningu sem
það hefur boðað,“ segir Vigdís.
Hún segir að ráðherranefnd um
ríkisfjármál muni fara yfir það
hvort Ríkisútvarpið stendur við
boðaðan niðurskurð samhliða því
að standa við lögboðið hlutverk
sitt.
Fer í rúma 3,9 milljarða
Miðað við tölur úr fjárlögum
ársins 2015 eykst framlagið til
Ríkisútvarpsins því um rúmar 400
milljónir króna við þessa breytingu
og fer úr tæpum 3,5 milljörðum
króna í rúma 3,9 milljarða. Stjórn-
armenn hjá Ríkisútvarpinu hafa
áður sagt að ef þeir fá útvarps-
gjaldið óskert miðað við árið 2014
eigi það að duga til þess að halda
úti lögbundnu hlutverki stofnunar-
innar.
Ekki fengust þó upplýsingar um
það hvort enn stæði til að lækka
útvarpsgjaldið úr 19.400 krónum í
17.800 krónur eins og sagt var
þegar fjárlögin voru kynnt.
vidar@mbl.is
Ríkisútvarpið fær um
400 milljónir aukalega
Morgunblaðið/Ómar
RÚV Stofnunin fær aukaframlag.