Morgunblaðið - 27.11.2014, Blaðsíða 26

SVIÐSLJÓS
Benedikta Br. Alexandersdóttir
benedikta@mbl.is
Gamla bíó við Ingólfsstræti hefur
heldur betur hlotið nýtt útlit á árinu
og undanförnum mánuðum. Miklar
framkvæmdir hafa átt sér stað á
menningarhúsinu og vonast Guð-
varður Gíslason, framkvæmdastjóri
P. Petersen, til þess að hægt verði
að opna húsið að mestu leyti í des-
embermánuði. Reiknar hann þó með
því að framkvæmdum verði ekki
lokið að fullu fyrr en næsta vor.
Einhver starfsemi hefur verið í
Gamla bíói þrátt fyrir fram-
kvæmdir. Þannig var gólf hússins
sléttað svo hægt var að halda þar
standandi tónleika fyrir 750 manns
á vegum tónlistarhátíðarinnar
Airwaves sem fór fram fyrr í mán-
uðinum.
Hátíðarhöldin gengu vel fyrir sig
að sögn Guðvarðar. „Tónleikahaldið
var rosalega skemmtilegt og gekk
vel,“ segir Guðvarður. Um 2600
manns sóttu tónleika í Gamla bíói og
greinilegt þótti að fólk væri hrifið af
húsinu.
Lítil vinna er eftir í sal Gamla
bíós og verður hann tilbúinn fljót-
lega að sögn Guðvarðar. Hvað varð-
ar aðra hluta hússins á mest eftir að
framkvæma á efri hæð hússins og í
kjallara þess. Þar verður meðal ann-
ars komið fyrir lyftu sem nær upp á
þak og mun bæta aðgengi fatlaðra
og þeirra sem eiga erfitt með að
komast ferða sinna gangandi.
Síminn hefur varla stoppað
Mikil eftirspurn er eftir því að
leigja sal menningarhússins þó svo
að framkvæmdum á húsinu verði
ekki lokið fyrr en í vor. „Síminn hef-
ur varla stoppað og tölvupóstarnir
hrúgast inn. Fólk er farið að bóka
viðburði fyrir næsta árið og húsið er
mjög undirlagt í enda janúar,“ segir
Guðvarður. Bæði einstaklingar og
fyrirtæki hafa sýnt Gamla bíói
áhuga og hefur húsið verið bókað
undir tónleikahald, ráðstefnur,
brúðkaupsveislur og árshátíðir en
auk þess verða leiksýningar settar
upp á næstu mánuðum. Næst á döf-
inni eru svo stórtónleikar hljóm-
sveitarinnar Kaleo, sem hlutu þrenn
verðlaun á Hlustendaverðlaunum
útvarpsstöðvanna Bylgjunnar, FM
957 og X-ins 977 í ár. Eru tónleik-
arnir þeir stærstu sem haldnir hafa
verið í Gamla bíói eftir að fram-
kvæmdir hófust. Vonast Guðvarður
til þess að framkvæmdirnar eigi eft-
ir að gera það að verkum að hægt
verði að nýta húsið fyrir viðameiri
starfsemi en áður.
„Nasa með meiru“
Eins og kunnugt er var tónlistar-
staðnum Nasa við Austurvöll lokað í
lok júní 2012 og til stendur að reisa
þar hótel. Áformunum var mótmælt
harðlega á sínum tíma, meðal ann-
ars á þeim forsendum að engan
sambærilegan tónleikarstað væri að
finna í Reykjavík en Nasa þótti
henta vel undir stærri tónleika og
gat tekið á móti 500 manns. Hið
nýja og endurbætta Gamla bíó erþví
kærkomið og þykir sumum það jafn-
vel geta fyllt það skarð sem Nasa
skildi eftir sig.
Guðvarður telur Gamla bíó þó
ekki vera hið „nýja“ Nasa. „Við er-
um ekkert að grípa þá gæsina. Nasa
var mjög einhliða staður en við
höfðum til fleiri viðburða. Ætli við
gætum ekki sagt að við séum Nasa
með meiru.“
Dansspor stigin á gólfi Gamla bíós
 Menningarhúsið Gamla bíó talið mögulegur arftaki tónleikahússins Nasa  Fyrstu stóru tónleik-
arnir verða haldnir um helgina þegar Kaleo stíga á svið  Framkvæmdum á að ljúka næsta vor
Morgunblaðið/Ernir
Hiti Það var mikill hiti og sviti þegar Quarashi-tróðu upp á NASA.
Morgunblaðið/Eggert
Trylltur lýður Haldnir voru tónleikar í Gamla bíói í samstarfi við Iceland Airwaves og virtust tónleikagestir skemmta sér konunglega.
26 FRÉTTIRInnlent
MORGUNBLAÐIÐ FIMMTUDAGUR 27. NÓVEMBER 2014
Gamla bíó er fyrrverandi kvik-
myndahús og óperuhús. Húsið var
reist árið 1927 yfir starfsemi
„gamla bíós“ af Peter Petersen og
tók það við af Fjalakettinum.
Fyrsta kvikmyndin, Ben Húr, var
sýnd 2. ágúst 1927.
Upphaflega tók salurinn 602 í
sæti en þeim fækkaði í 479 þegar
húsinu var breytt og sviðið var
stækkað til þess að mæta þörfum
óperunnar. Var sætunum svo aftur
fækkað í 300 í sumar. Húsið var
rekið sem kvikmyndahús til ársins
1980 þegar Íslenska óperan keypti
það undir sýningar sínar. Fyrsta
óperusýningin sem var frumsýnd í
húsinu var „Sígaunabaróninn„ eftir
Johann Strauss, 9. janúar 1982.
Samhliða óperusýningum hefur
húsið hýst fjölda leiksýninga og
tónleika.
Morgunblaðið/Ólafur K. Magnússon
Virðulegt Fjölmargir Íslendingar hafa skemmt sér í Gamla bíói síðan 1927.
Gamla bíó var vinsælt
kvikmyndahús í áratugi
Kauptúni 3 / Garðabæ / Sími: 564-3364
Ævintýraleg
gæludýrabúð
kíktu í heimsókn