Hrund - 01.12.1967, Síða 15

hráefni hér á íslandi, segir hún. Á sama hátt
og Islendingar borða Yakutar mikið hrossa-
kjöt og einnig hreindýrakjöt. Fisk sjá þeir
sjaldan, enda liggur landið fjarri hafi. Græn-
meti er borðað með öllum réttum, og mjólkur-
mat framleiða þeir I fjölbreyttu úrvali. Eftir-
lætisdrykkur þeirra er merarmjólkurbrugg,
kumiss, eilítið áfengt en svalandi í sumar-
hitunum. Matur er geymdur með því að grafa
hann í jörð niður, og þá sér frostið um allt hitt.
Daginn, sem ég heimsótti Kurugej og
fjölskyldu hennar, snæddum við það, sem
hún kallar Kiev-kótelettur, sem reyndar eru
ekki kótelettur heldur hænubrjóst, framreidd
á hinn furðulegasta máta. Fylgir hér á eftir
nákvæm uppskrift af þessum rétti, ef einhver
vildi reyna. En það er greinilegt, að hænur
eru ekki dýr matur í Yakutíu, því að það er
enn mikið eftir af hænunni, þegar búið er að
skera brjóstið af.
Kiev-kótelettur.
1 hæna
smjör 125 gr.
tólg
rasp
pipar, salt
2egg
2 tómatar
kartöflur, baunir, laukur, rauður pipar (heill),
gulrætur.
Byrjað er að skera bringuhelminginn frá
ásamt vængbeininu. Látið einnig fylgja með
flipann, sem liggur upp að beininu, þ.e.a.s.
sem sérstakur biti. Gerið það sama við hinn
helminginn. Nú hafið þið fjögur stykki.
Síðan kljúfið þig bringuna eftir endilöngu
og opnið hana eins og bók án þess að himnan
rifni. Nú er þetta barið gætilega, því að hvergi
má vera gat. Berjið enn fremur litlu bitana.
Stráið salti og pipar yfir. Nú takið þið smjörið,
og skerið það í tvo bita, sem eru eins og tíglar
í laginu. Leggið bitana ofan á sinn hvorn
bringubitann, breiðið síðan litla brjóstið þar
ofan á, og pakkið síðan smjörbitanum inn
í bringuna, mjög vandlega. Veltið síðan
upp úr egginu og raspinu og svo aftur úr
egginu og aftur úr raspinu, þannig að hvergi
sé glufa. Stingið síðan inn í ísskáp smástund.
Skerið niður laukinn, piparinn, tómatana
og gulræturnar. Setjið í pott ásamt smjöri og
stráið salti yfir. Setjið á plötu með vægum
hita og sjóðið í fimmtán mínútur. Það skal
vera lok á pottinum.
Afhýðið kartöflurnar hráar og skerið þær
síðan í smábita og steikið upp úr olíu með loki
yfir. Munið að salta þær.
Hellið vatninu af baununum og setjið í
pott ásamt smjöri. Stillið á vægan hita.
Nú er sett tólg á pönnu, og þegar hún er
orðin mjög heit, brúnið þá hænubrjóstin í
5 mínútur. Hafið lok yfir allan tímann. Svo eru
þau sett inn í ofn, sem búið er að hita upp í
250 gr. og höfð inni í 5 - 6 mínútur.
Skerið hveitibrauð í sneiðar, veltið því upp
úr mjólk og eggi, setjið á pönnu í smjörlíki
og steikið smástund. Stráið síðan sykri yfir.
Nú er allt reiðubúið, það er sett á fat og
borið inn heitt.
Enn fremur gaf Kurugej okkur uppskrift af
gómsætu salati. Henni finnst við Islendingar
ekki borða nóg af grænmeti, sem er alveg rétt.
Grænmeti er holl og góð fæða, og nú orðið
fæst það í matvöruverzlunum allan ársins
hring.
Salat
Hvítkál l haus
epli 1 til 2
tómatar 3
rauður pipar niðursoðinn
litlar agúrkur sýrðar í dós
1 tsk. sykur
| tsk. salt
\ peli rjómi
Grænmetið skorið niður og rjómanum hellt
yfir.
15