Læknablaðið - 15.06.2002, Síða 45

UMRÆÐA & FRÉTTIR / AF SJÓNARHÓLI STJÓRNAR LÍ
þær á formannafundinum 12. apríl síðastliðinn til að
hefja umræðuna. Þær eru eftirfarandi:
1. Óbreytt skipulag LÍ og afskiptaleysi varðandi
fyrirætlanir einstakra læknahópa eins og skurð-
lækna. Að öllu óbreyttu yrðu þeir læknar þá að
segja sig úr LÍ og síðan að afla sér viðurkenningar
sem stéttarfélag. Þeir læknar færu eignalausir út
úr LÍ.
2. Óbreytt skipulag LÍ en einstök félög eins og
Skurðlæknafélag íslands og FUL fengju viður-
kenndan samningsrétt fyrir félagsmenn sína.
Stjórn LÍ tæki hér virkan þátt í og styddi við bak
félaganna til að ná fram samningsrétti þeirra. Að-
koma lækna að LÍ væri að öðru leyti óbreytt frá
því sem er í dag.
3. Óbreytt skipulag LÍ en einstök félög fengju viður-
kenndan samningsrétt fyrir félagsmenn sína. Líkt
og í atriði 2 hér að framan en einstakir hópar
lækna nytu ekki atkvæðisréttar innan svæðafélaga
en ættu atkvæðisrétt á aðalfundi LI.
4. Breytt skipulag LÍ. Meginstoðir félagsins yrðu
stéttarfélög lækna, í stað svæðafélaganna, til dæm-
is stéttarfélag skurðlækna, lyflækna, heimilis-
lækna, rannsóknarlækna og ungra lækna. Stjórn
LÍ yrði skipuð til dæmis Ijórum læknum kjörnum
á aðalfundi, formanni, varaformanni, ritara og
gjaldkera en aðrir stjórnarmenn væru sjálfkjörnir,
það er formenn félaganna fimm. Hér þyrfti að
breyta lögum LÍ. Stéttarfélögin rækju LI, þar með
talið hinn faglega hluta þess, stofnanir og erlend
samskipti en kjaramál yrðu í höndum einstakra
stéttarfélaga.
Á fundinum voru fulltrúar svæðafélaganna ekki
fráhverfir því að gera mætti skipulagsbreytingar á LI
en að málið þarfnaðist frekari umræðu. Stjórn LI
mun vinna úr þessum hugmyndum og fleirum fyrir
aðalfund félagsins og jafnvel koma fram með laga-
breytingartillögur ef þess er þörf að mati stjórnar. Ef
fram koma tillögur um skipulagsbreytingar á LÍ
þyrftu meðal annars svæðafélögin að breyta sínum
lögum og því er ljóst að víðtæk samstaða þyrfti að
nást um það mál og verður það ekki afgreitt einhliða
á aðalfundi LÍ.
Ég held að það megi fullyrða að það sé vilji meiri-
hluta lækna að vera áfram aðili að LÍ þar sem LÍ er
ekki aðeins félag sem fer með kjaramál heldur gegnir
það ýmsum öðrum hlutverkum sem eru læknum sam-
eiginleg. Má í því sambandi nefna lífeyrissjóðsmál,
útgáfustarfsemi, málefni er varða siðfræði og ýmis
fagleg mál.
Það er vilji stjórnar LÍ og stjórnar Skurðlækna-
félags íslands, sem hóf þessa umræðu nú, að fram fari
á næstunni ýtarleg umræða um samningamál ein-
stakra læknahópa og henni verði haldið áfram á aðal-
fundi LI í október næstkomandi. Hvað svo sem
mönnum finnst þá er það ljóst að þetta mál varðar
fleiri en skurðlækna og unglækna og þarfnast því um-
ræðu og ákvarðana svo að allir megi vel við una hvort
heldur sem er innan eða utan LI.
Kjarasamningar samþykktir
Eins OG fram kemur í grein Páls Helga Möller samþykktu sjúkrahúslæknar nýjan kjarasamning við
ríkið. Af því tilefni sendi Læknafélag íslands út eftirfarandi fréttatilkynningu:
Niðurstaða atkvæðagreiðslu um kjarasamning fjármálaráðherra fyrir hönd ríkissjóðs og St.
Fransiskusspítala annars vegar og Læknafélags íslands hins vegar. Talning atkvæða um kjara-
samning sem undirritaður var af samninganefndum aðila hinn 2. maí síðastliðinn fór fram á
skrifstofu Læknafélags íslands 16. maí 2002.
Á kjörskrá voru 663. Atkvæði sem bárust voru 383, eða frá 57,8% atkvæðisbærra félaga.
Já sögðu 234 eða 61,1 %
Nei sögðu 144 eða 37,6 %
Auðir og ógildir seðlar voru 5 eða 1,3 %
Kjarasamningurinn var því samþykktur.
Læknablaðið 2002/88 509