Læknablaðið - 15.12.2003, Síða 34

FRÆÐIGREINAR / AÐSKILINN LUNGNAHLUTI
Figure 3. The same CT
scan as seen in ftg. 2, sliced
2 cm more caudally. The
aberrant artery (arrow)
originates from tlte leftside
ofthe distal descending
aorta, just above the
diaphragm, and stretches
over the oesophagus into
tlie right lower lobe.
Figure 4. An MRl
angiography showing both
the pulmonary and the
systematic vascular tree.
The aberrant artery ofthe
pulmonary sequestration
(arrow) is easy to identify
where it originates from the
distal descending aorta.
Figure 5. Right anlero-
lateral thoracotomy under
the 5th rib. The posterior
part of the latissimus
muscle is spared and the
incision (10 cm long)
positioned just below the
breast for cosmetic reasons.
Figure 6. a) The right
lower lobe (lateral view)
with the intralobar
sequestration delineated.
b) The hilus ofthe right
lung with the sequestra-
tion. The aberrant artery
of the sequestration is
shown as well as the lower
lobar pulmonary artery
and vein (arrow).
í neðra blaði hægra lunga (mynd 3). Þetta þótti benda
sterklega til aðskilins lungnahluta. Hafin var sýkla-
lyfjagjöf í æð og þeirri meðferð haldið áfram í 10
daga. Eftir nokkurra daga sýklalyfjameðferð hurfu
einkenni, stúlkan varð hitalaus og blóðpróf mældust
eðlileg. Hún var útskrifuð á sýklalyfjum í samtals
þrjár vikur. Tveimur vikum eftir útskrift var fram-
kvæmd segulómun af brjóstholi þar sem staðfest var
að um aðskilinn lungnahluta var að ræða. Við segul-
ómunina var notast við skuggaefni í æð og þannig
fengnar myndir af æðakerfi lungans (mynd 4).
Greinilega mátti sjá afbrigðilegu slagæðina sem
teygði sig frá ósæð inn í neðri hluta hægra lunga.
Engar aðrar afbrigðilegar slagæðar sáust í brjóstholi.
Þremur mánuðum frá upphafi einkenna var stúlk-
an lögð inn til aðgerðar á háskólasjúkrahúsinu í
Lundi. Hún var einkennalaus við innlögn og bæði
skoðun og blóðprufur voru eðlilegar. Framkvæmd var
skurðaðgerð þar sem komist var að lunganu í gegnum
10 cm skurð sem lagður var undir hægra brjóst, nánar
tiltekið á milli 5. og 6. rifbeins (anterolateral thoraco-
tomy) (mynd 5). Aðskildi lungnahlutinn reyndist
greyptur inn í neðra blað lungans og umtalsverð
bólgumyndun til staðar í nærliggjandi vefjum (mynd
6). Hvorki sást ígerð í lunga né fleiðru. Slagæðin til
lungnahlutans mældist 6 mm í þvermál og var ein-
angruð og tekin í sundur þar sem hún lá yfir vélindað
(mynd 7). Því næst var neðra lungnablaðið fjarlægt á
hefðbundinn hátt, fyrst með því að hnýta fyrir neðri
lungnabláæð, því næst neðri lungnaslagæð og blað-
berkjan loks tekin í sundur með heftibyssu. Blæðing
var óveruleg. Loks var komið fyrir tveimur kerum í
fleiðru og skurðinum lokað. Gangur eftir aðgerð var
góður og stúlkan útskrifaðist heim fimm dögum síðar.
Tæpu ári frá aðgerð er hún einkennalaus og við góða
heilsu.
Umræöa
Skilgreining, faraldsfrœði og orsök
Aðskilinn lungnahluti er sjaldgæfur meðfæddur galli
þar sem hluti lungna er án tengsla við berkjur og
tekur því ekki þátt í loftskiptum. Lungnahlutinn er
950 Læknablaðið 2003/89