Læknablaðið - 15.12.2003, Blaðsíða 55

UMRÆÐA & FRÉTTIR / ORLOFSMÁL
Ll reisir orlofshús að Húsafelli
Snemma í nóvember var tekin fyrsta skóflustunga að
nýju orlofshúsi sem Læknafélag Islands hyggst reisa í
landi Húsafells, nánar tiltekið að Kiðárskógum 5.
Formaður og framkvæmdastjóri LÍ brugðu sér upp í
Borgarfjörð og skrifuðu undir verksamning í umboði
orlofsnefndar áður en sá fyrrnefndi mundaði skófluna.
Samningurinn er gerður við Eirík Jón Ingólfsson
verktaka og hljóðar upp á smíði 70,8 m2 húss. Það
verður einlyft timburhús á steyptum sökkli með
þremur svefnherbergjum, baðherbergi, eldhúskróki,
rúmgóðri stofu og geymslu. Umhverfis allt húsið
verður pallur sem samtals er 155 m2 að flatarmáli og
að sjálfsögðu er heitur pottur greyptur ofan í hann.
Hægt er að ganga út á pall úr baðherbergi beint í
pottinn.
Húsið verður hið vandaðasta að allri gerð, botn-
plata steypt og gifsplötur í öllum veggjum sem vita að
svefnherbergjum til hljóðeinangrunar. Flísar verða á
forstofugólfi sem og veggjum og gólfi á baðherbergi
og verða þessi gólf ásamt hluta af stofugólfi upphituð.
Sérstaklega verður hugað að aðgengi fatlaðra og var
húsið lengt um 30 sentimetra frá upphaflegri teikn-
ingu til þess að unnt væri að hafa allar hurðir 80 sm
breiðar. Gert verður ráð fyrir þráðlausri tölvuteng-
ingu í húsinu þannig að það getur orðið „fræðasetur“
lækna vetur sem sumar.
Húsið á að kosta 15 milljónir króna fullbúið en án
húsgagna. Smíði þess á að ljúka um miðjan maí þann-
ig að unnt verði að taka það í gagnið eigi síðar en 1.
júní næsta sumar.
Sigurbjörn Sveinsson formaður LÍ tekur fyrstu skóflustunguna að nýju orlofshúsi félags-
ins í landi Húsafells.
Grunnmynd bústaðarins en
í honum verða þrjú svefn-
herbergi, eidhús, bað og
stofa með borðkrók.
Skyggða svceðið umhverfis
húsið er sólpailur og að
sjálfsögðu verður þar hinn
ómissandi heiti pottur.
Læknablaðið 2003/89 971