Læknablaðið - 15.03.2005, Page 33

ÞI N G SKURÐLÆKNA, SVÆFINGA- OG GJÖRGÆSLULÆKNA
15:55-17:30 Erindi 30-32 - Fundarstjórar: Tryggvi Stefánsson, Porvaldur Ingvarsson
15:55-16:10 Pulmonary Sequestration and its Range of Symptoms. A Review of 8
Surgically Treated Cases - Andreas Pikwer
16:10-16:25 Aðgerðir vegna ristilkrabbameins á Landspítala 1994-1998
- Hrafnhildur Stefánsdóttir
16:25-16:40 Úrnám bugaristils með aðstoð kviðsjár á Landspítala 1999-2003
- Fjalar Elvarsson
Veggspjöld 1 og 2
Þróun hvekkaðgerða á FSA 1992-2002 - Valur Þór Marteinsson
Arangur nýranámsaðgerða með kviðsjártækni og aðstoð handar
- Valur Þór Marteinsson, Hafsteinn Guðjónsson, Sigurður M. Albertsson
19:30 Hátíðarkvöldverður Skurðlæknafélags íslands og Svæfinga- og gjörgæslulæknafélags íslands á hótel Nordica
Kœru félagar, kollegar, gestir og stuðningsaðilar
Það er ánægjulegt að kynna enn eitt sameiginlegt
ársþing Skurðlæknafélags íslands og Svæfinga- og
gjörgæslulæknafélags Islands 2005.
Ársþingið 2004 var okkar fyrsta sameiginlega
þing þar sem dagskrá stóð í tvo heila daga. Fannst
okkur sem að þessu stóðum fyrirkomulagið takast
einstaklega vel.
Dagskráin í ár samanstendur af tveimur. mál-
þingum og frjálsum erindum. Uppistaða þingsins
eins og undanfarin ár eru frjáls erindi. í fyrra var
það áberandi hversu yngri kollegar og verðandi
kollegar stóðu sig geysilega vel með vel unnin verk-
efni og skýran og góðan flutning. Frjálsu erindin
verða flutt eftir hádegi báða dagana.
Þingið hefst á föstudagsmorgni með spennandi
málþingi um gervilíffæri. Eftir því sem þróun í
gjörgæslu- og skurðlækningum fleygir fram hafa
möguleikar til að meðhöndla ýmsar líffærabilanir
stóraukist. Þessi hátæknimeðferð krefst mikillar
samvinnu mismunandi sérgreina.
Á laugardagsmorgni er annað spennandi mál-
þing um grindarbotnsvandamál sem eru algeng hjá
konum sem fætt hafa börn. Einkennin geta verið
margvísleg, til dæmis þvagleki, einkenni um líffæra-
sig auk hægðatregðu og/eða hægðaleka. Sumar
konur hafa haft einkenni svo árum skiptir og ekki
fengið lausn sinna mála þrátt fyrir endurteknar
heimsóknir til lækna. Flókin grindarbotnsvanda-
mál þarf oft að nálgast með samvinnu margra sér-
greina eða teymisvinnu til þess að góður árangur
náist. Þetta málþing fjallar um teymisvinnu í grein-
ingu og meðferð grindarbotnsvandamála.
Efni þessara tveggja málþinga undirstrikar
hversu þverfagleg samvinna er mikilvæg við lausn
flókinna vandmála í nútímalæknisfræði.
Þinginu lýkur á laugardagskvöld með skemmti-
legum kvöldverði á hótel Nordica. Hefst hann
klukkan 19:30 með fordrykk við undirleik strengja-
kvartetts. Undir borðhaldi mun landsfrægur
skemmtikraftur skemmta gestum.
Fyrir hönd Skurðlæknafélags Islands og Svæf-
inga- og gjörgæslulæknafélags íslands viljum við
enn og aftur þakka öllum þeim fyrirtækjum sem
styrkt hafa ársþing okkar í gegnum tíðina. Sam-
skipti og tengsl okkar við þessi fyrirtæki með
vísindi, fræðslu og kynningu að markmiði eru og
munu alltaf vera mikilvæg og nauðsynleg.
Felix Valsson
Helgi H. Sigurðsson
Stjórn Svæfinga- og gjörgæslulæknafélags íslands Stjórn Skurðlæknafélags íslands
Felix Valsson formaður Helgi H. Sigurðsson formaður
Svein Geir Einarsson varaformaður Fritz H. Berndsen gjaldkeri
Sigurbergur Kárason gjaldkeri Hjörtur G. Gíslason ritari
María Sigurðardóttir ritari
Læknablaðið 2005/91 257