Læknablaðið - 15.01.2010, Qupperneq 43

UMRÆÐUR OG FRÉTTIR
ÚR PENNA STJÓRNARMANNA LÍ
Um vitsmunaflótta íslenskra lækna
Valentínus Þór
Valdimarsson
unglæknir
valentva@gmail.com
I pistlunum Úrpenna
stjórnarmanna LÍ
birta þeir sínar eigin skoðanir
en ekki félagsins.
Brain drain er ellefta plata pönksveitarinnar
Ramones. Á þeirri plötu má finna lagið: „all
screwed up". Það má segja að þeir Ramones-
menn hafi hitt naglann á höfuðið með þessu lagi
því þegar svokallaður vitsmunaflótti (e. brain
drain) á sér stað stefnir í óefni.
Hvar ætla læknar í sémámi að starfa? í nýlegri
könnun á vegum Læknafélags íslands kom í
ljós að einungis þriðjungur af þeim sem em í
sémámi erlendis em ákveðnir í því að snúa aftur
til Islands að loknu námi. Erfiðlega gengur að
ráða í stöður lækna sem auglýstar em hér á landi.
Á síðum Læknablaðsins streyma inn auglýsingar
um atvinnutilboð að utan og fréttir berast um
æ fleiri lækna sem em á leið til útlanda í vinnu.
Vitsmunaflótti er því orðinn staðreynd á meðal
stéttarinnar.
Af hverju á vitsmunaflótti sér stað? Það er
athyglisvert að vera að stíga sín fyrstu skref
sem læknir á þessum tímum. Okkur yngri
læknum finnst eins og mörg spjót standi á
okkur. Ráðningartímar em styttri en áður og
engin vissa um hvað nánasta framtíð ber í skauti
sér. Spamaðaráform eiga sér stað í læstum
bakherbergjum innan heilbrigðisráðuneytis og
í stjórnum heilbrigðisstofnana. Vilji til þess að
ræða um spamaðarákvarðanir er lítill af hálfu
stjómenda. Laun nýútskrifaðra lækna em orðin
lægri en sambærilegra starfsstétta. Þrátt fyrir
þetta ætla forsvarsmenn Landspítala að umbylta
vaktakerfi yngri lækna og krefja okkur um talsvert
fleiri unna tíma í hverjum mánuði á sömu laimum.
Þannig er ætlun forsvarsmanna Landspítala að
rýra starfsskilyrði okkar, félagsleg gæði og kjör.
Tilraunir okkar til þess að koma til móts við
Landspítala hafa reynst vonlitlar og erfitt hefur
verið að ná eyrum forsvarsmanna. Þessi glíma
okkar við spítalann hefur því verið erfið.
Hvernig getum við reynt að hindra vits-
munaflótta á Islandi? Sú speki að mannauður
fyrirtækis sé það sem heldur því uppi er ekki ný af
nálinni. I heilbrigðisþjónustu á þetta jafnvel betur
við en á flestum öðrum sviðum. Því er það mjög
mikilvægt í allri stjómun að laða að hæft starfsfólk
og halda því ánægðu svo starfsmenn hverfi ekki
jafnskjótt á brott. Ríkissjóði íslands ber að spara
umtalsverðar fjárhæðir á næstu misserum - á því
leikur enginn vafi. Spamaður í heilbrigðiskerfinu
er óhjákvæmilegur. f þessum spamaði er eina leið
Landspítala og íslenska ríkisins til þess að forðast
vitsmunaflótta að fá vel menntað starfsfólk með
sér í lið. Hvemig er best að spara? Hvar má spara
og hvar skyldi síst spara? Ef stjómendur stærstu
heilbrigðisstofnananna á íslandi og stjórnendur
heilbrigðismála halda áfram starfi sínu óbreyttu
þá verðum við „all screwed up".
Stjórn Læknafélags íslands árið 2010
Birna Jónsdóttir, röntgenlæknir, formaður
Þórarinn Guðnason, hjartalæknir, varaformaður
Sigurveig Pétursdóttir, bæklunarlæknir, gjaldkeri
Sigríður Ó. Haraldsdóttir, lungnalæknir, ritari
Kristján G. Guðmundsson heilsugæslulæknir
Ragnar Gunnarsson barnalæknir
Sigurður Böðvarsson krabbameinslæknir
Valentínus Þór Valdimarsson unglæknir
Valgerður Rúnarsdóttir fíknlæknir
LÆKNAblaðið 2010/96 43