Læknablaðið - 15.01.2010, Blaðsíða 47

UMRÆÐUR 0 G FRETTIR
LANDSPÍTALINN
„ Við verðum að geta
boðið okkar vel menntaða
og sérhæfða starfsfólki
samkeppnishæflaun,
sambærilega vinnuaðstöðu
og viðunandi félagslegar
lausnir í samfélaginu
einsog tíðkast í löndunum
í kringum okkur, “
segir Björn Zoéga
forstjóri Landspítala
háskólasjúkrahúss.
þar kemur fram að 90% lækna á Landspítala sjá
möguleika á sparnaði í sínu nánasta starfsum-
hverfi. „Þetta eru mikilvægar upplýsingar og
segja okkur að kostnaðarvitund lækna og þeirra
sem ráðstafa fjármunum stofnunarinnar þurfi
alltaf að vera vakandi. Með því er hægt að ná fram
ítrustu hagkvæmni án þess að það bitni á gæðum
eða þjónustu. Við verðum í lengstu lög að tryggja
gæði þjónustunnar og öryggi sjúklinganna. Það er
okkar hlutverk."
A undanförnum árum hefur margt verið sagt og
skrifað um yfirstjórn Landspítala. Margir læknar
hafa gagnrýnt æðstu stjórnendur harkalega og
meðal annars sagt þá hafa takmarkaða þekkingu
á lækningum, enda með annars konar menntun.
Björn Zoéga er bæklunarskurðlæknir og starfaði
við sérgrein sín um tíu ára skeið við sjúkrahús
erlendis áður en hann réðst til starfa á spítalann.
Hann segist ennþá taka einn skurðdag í viku
og sinna göngudeildarsjúklingum hálfan dag.
„Þetta gerir vinnudaginn í forstjórastólnum
vissulega lengri en ella en ég tel þetta algerlega
nauðsynlegt til að halda tengslum við fagið og
samstarfsmenn."
Leiðandi rannsóknarsjúkrahús
Hann vitnar í rannsóknir í Bandaríkjunum þar sem
sýnt hefur verið fram á að læknar treysti almennt
betur stjórnendum sem komi úr hópi lækna og
starfi áfram sem læknar meðfram stjórnarstarfinu.
Aðspurður hvort hann telji að gerð hafi verið
mistök við stjórnun spítalans á undanförnum árum
svarar hann því til að sameining sjúkrahúsanna
þriggja í Reykjavík hafi gert ákveðnar kröfur um
stjórnun. „Nú er sá kafli að baki og Landspítalinn
er ein stofnun og mikilvægt að sem best traust ríki
um stjórnun hennar." Síðastliðið vor voru gerðar
gagngerar breytingar á stjórnkerfi stofnunarinnar,
sviðstjóralagið tekið út og dregið úr yfirstjórn.
Bjöm segir að um áramótin verði kynntar enn
frekari breytingar þar sem yfirlæknum og
deildarstjórum verið falin meiri rekstrarleg ábyrgð
en áður.
Þrátt fyrir samdrátt og niðurskurð bendir Björn
á að Landspítali sé öflug rannsóknarstofnun enda
sé eitt meginhlutverk hennar að standa undir
nafni sem háskólasjúkrahús. „Á Landspítala eru
skrifaðar nær 40% af öllum birtum ritrýndum
vísindagreinum. ísland er í fararbroddi hvað varð-
ar fjölda vísindarannsókna miðað við íbúatölu.
LÆKNAblaðið 2010/96 47