Þjóðlíf - 01.07.1988, Blaðsíða 73

UPPELDI
OLOUIELStKÓLÍ

Ölduselsskóli. Vilji kennara og foreldra barna í þessum skóla var hundsaður.
hagsmuni skólans og barnanna en óskiljan-
lega duttlunga flokksbróður síns, formanns
Fræðsluráðs.
Daníel Gunnarsson lauk kennaraprófi
fyrir 15 árum og hefur síðan kennt samfellt í
grunnskóla. Hann hefur verið yfirkennari í
Ölduselsskóla um skeið og nýtur þar virðing-
ar og álits allra kennara og foreldra. Hann er
góður skólamaður, traustur og á allan hátt
kjörinn til starfans.
Hinn umsækjandinn, Sjöfn Sigurbjörns-
dóttir, hefur ekki formlegt kennarapróf
heldur hefur hún kennararéttindi samkvæmt
ráðherrabréfi og er að því leyti næstum eins-
dæmi meðal skólastjóra almennra grunn-
skóla í Reykjavík. Hún hefur þó nokkra
reynslu af kennslu á skyldustigi, en hætti þar
kennslu árið 1975. Hún hefur því aldrei
kennt í þeim grunnskóla, sem til er í dag. Að
þessu leyti virðist mér Sjöfn munu verða al-
gert einsdæmi meðal skólastjóra í grunnskól-
um Reykjavíkur þegar hún tekur til starfa
hinn 1. ágúst n.k. Enginn þeirra 25 skóla-
stjóra sem nú bera ábyrgð á grunnskólum í
Reykjavík var ráðinn á jafnslökum formleg-
um forsendum og Sjöfn. Vel kann að vera að
Sjöfn geti stjórnað skóla en það tiltæki að
taka hana fram yfir Daníel Gunnarsson til að
stjórna Ölduselsskóla væri jafnóskiljanlegt
og afturhvarf Kristínar Arnalds í Skólamála-
ráð ef ekki kæmi til viðbótarfróðleikur—.
Á árunum 1978-1982 sátu þau bæði í borg-
arstjórn Sjöfn og Davíð Oddsson eins og
mörgum er í fersku minni. Þá átti að heita
svo að Sjöfn tilheyrði meirihluta vinstri-
manna en í raun var því þannig farið að
enginn vissi stundinni lengur hvorri fylkingu
borgarstjórnar hún fylgdi að málum. Sjöfn
var m.ö.o. alltaf í meirihluta, en dagamunur
var að því hvort það var vinstri eða hægri
meirihluti! Þakkarskuld Davíðs Oddssonar
við Sjöfn fyrir liðveisluna á þessum tíma
þegar Sjálfstæðisflokkurinn gekk í gegnum
mesta þrengingaskeiðið á nær sextíu ára
sögu sinni, verður sjálfsagt aldrei að fullu
goldin. Þetta er kennurum, foreldrum og
meira að segja börnum í Ölduselsskóla vel
ljóst, en þeir hljóta að spyrja hvers þeir eiga
að gjalda. Af hverju eiga þeir að greiða þessa
skuld Davíðs Oddssonar? —
Afstaða Ragnars til Daníels Gunnarsson-
ar er önnur hlið málsins. Sumir vilja halda
því fram að hún eigi sér pólitískar rætur. Það
þykir mér langsótt skýring, en við vitum á
hinn bóginn að það er lítið sem hundstungan
finnur ekki. Eg vil því ekki útiloka þá skýr-
ingu. Eitt er alveg víst: Ragnar Júlíusson var
vitandi vits að koma illu til leiðar í Öldusels-
skóla og að þessu sinni brast Birgi Isleif
Gunnarsson menntamálaráðherra gæfu til
að hafa vit fyrir honum—.
Ráðherrann var að sjálfsögðu í erfiðri að-
stöðu, og tók þann kost að ganga ekki fram-
hjá Fræðsluráði, þar sem atkvæði með Sjöfn
féllu 4-1. Af orðum Birgis ísleifs í sjónvarps-
viðtali mátti ráða að fræðsluráð væri fagleg
nefnd og honum væri óhægt um vik að ganga
gegn vilja þess. Það skal viðurkennt að auð-
vitað ætti fræðsluráð að vera fagleg nefnd, en
undir núverandi formennsku er því hrein-
lega ekki að heilsa og afgreiðsla fræðsluráðs
á umsóknum um stöðu skólastjóra í Öldu-
selsskóla er hneyksli frá faglegu sjónarmiði.
Ráðherra taldi einnig að umsögn fræðslu-
stjóra, Áslaugar Brynjólfsdóttur, sem var
strangfagleg, mætti túlka á þann veg að hún
gerði ekki upp á milli umsækjendanna. Ég
tel þó að engum dyljist sem les umsögnina að
Áslaug var sem embættismaður að gefa ráð-
herranum til kynna að skólanum yrði best
borgið í höndum Daníels.
Skólastarf eyðilagt—
Foreldrum barna í Ölduselsskóla er mjög
heitt í hamsi út af þessu máli. Þeir vita sem er
að Daníel Gunnarsson hefur tekið þátt í að
þróa og móta skólastarfið í Ölduselsskóla í
núverandi horf, þar sem börnum þeirra líður
vel og gengur vel—.
Staðhæfingar um góðan árangur Öldusels-
skóla eru ekkert skrum. Á það hefur verið
bent að á meðan fleiri börn en nokkru sinni
hverfa frá námi í grunnskólum Reykjavíkur í
heild þá hefur ekki einn einasti nemandi
horfið frá námi í Ölduselsskóla. Allir sem til
þekkja vita að þetta er að þakka samstilltu
átaki allra sem hlut eiga að máli, þ.á.m. með
vönduðum sérkennsluúrræðum. Þeir vita
69