Þjóðlíf - 01.07.1988, Page 75

UPPELDI
—Við höíum átt góða samvinnu við dagvistarheimili um allt land, frá því að við opnuðum Dagvistarráðgjöf s.l. haust. Guðrún
Einarsdóttir, sálfræðingur og Margrét Pála Ólafsdóttir, fóstra á skrifstofu sinni í Hlaðvarpanum í Reykjavík.
Uppeldi er arðbært starf
Fyrirtækið Dagvistarráðgjöf var stofnað í
september 1987. Það er til húsa í Hlaðvarp-
anum, Vesturgötu 3 Reykjavík og eigendur
þess eru þær Guðrún Einarsdóttir sálfræð-
ingur og Margrét Pála Ólafsdóttir fóstra.
Eins og nafnið ber með sér sinnir fyrirtækið
ráðgjöf um starfsemi dagvistarheimila í land-
inu. Blaðamaður Þjóðlífs bað þær Guðrúnu
og Margréti Pálu um að segja örlítið frá til-
gangi og starfsemi Dagvistarráðgjafar.
— Við höfðum báðar starfað að dagvist-
armálum í talsvert langan tíma þegar við
ákváðum að stofna þetta fyrirtæki. Okkur
langaði til að reyna nýjar leiðir til að vinna að
þessum málum. Við vissum að mikil þörf var
fyrir stuðning við dagvistarheimili víða um
land og faglega ráðgjöf varðandi uppeldis-
starf innan þeirra. í gegnum okkar störf er-
um við búnar að þróa ákveðnar lausnir á
skipulagningu og starfsaðferðum dagvistar-
heimila og höfum ákveðnar hugmyndir um
hvernig gott uppeldisstarf á á slíkum heimil-
um á að vera og langaði til að koma því á
framfæri. Það er víða vilji til að bæta starfið á
dagvistarheimilum og margar góðar hug-
myndir í gangi, og við komum oft þar inn í og
tengjum saman alla þætti og smíðum heil-
steyptan ramma eða grunn, sem hægt er að
starfa eftir.
— Uppeldisstarf þarf að vera vel skipu-
lagt. Það er mikill misskilningur að tilviljana-
kennt uppeldisstarf sé frjálsara og eðlilegra,
en það er í rauninni skipulagið og ákveðinn
grunnrammi um starfsemina sem býður upp
á hið rétta frelsi og þá ákveðið aðhald um
leið og það er þessi rammi sem við sjáum um
að smíða.
— Við höfum átt góða samvinnu við mörg
dagvistarheimili um allt land síðastliðinn
vetur. Bæði starfsfólk og rekstraraðilar
heimilanna hafa leitað til okkar eftir ráðgjöf.
Það ræðst í raun af aðstæðum á hverjum stað
hvernig þessi vinna fer fram. Yfirleitt byrjum
við á því að kynna okkur aðstæður á dagvist-
arheimilinu, gerum úttekt á starfseminni.
Við smíðum síðan upp úr því ákveðinn
starfsramma, sem lagður er fyrir starfsfólk
og rekstraraðila heimilisins. Ramminn er
síðan kynntur starfsfólki nánar, ýmist með
gögnum eða námskeiðahaldi sem miðast að
því að kenna hvernig á að koma honum í
framkvæmd. Við leggjum mikið upp úr því
að starfsfólkið geti byrjað strax að fram-
kvæma breytingarnar, vinna úr þeim gögn-
um sem við létum í té, því það er ekki nóg að
hugsa bara um hlutina, það lærist miklu
meira á að framkvæma og æfa sig.
— Við komum síðan aftur á heimilið eftir
ákveðinn tíma og þá eru málin rædd, hlutirn-
ir endurskoðaðir. þá getur starfsfólk borið
undir okkur sína reynslu það sem af er og
ýmsar viðbótarlausnir líta dagsins ljós. Þessi
þáttur starfsins er mjög dýrmætur, að koma
aftur og geta fylgt því eftir að hlutirnir séu
framkvæmdir. Það er bæði aðhald fyrir
starfsfólkið og mjög mikill stuðningur.
71