Þjóðlíf - 01.06.1989, Blaðsíða 20

INNLENT
Sumar í
sveit
Félag fósturmæðra í sveitum hefur nýlega
hafið milligöngu um dvöl yngri barna í svcit
og Ráðningarstofa landbúnaðarins ræður
unglinga á aldrinum tólf til 16 ára í vinnu-
mennsku í sveitum landsins. Hundruð barna
og unglinga í höfuðborginni hafa verið ráðin
til starfs og dvalar í sveitinni í sumar.
Störf til sveita eru orðin hættulegri en áður
og löggjafarvaldið hefur reynt að spyrna
gegn því að börn vinni við hættuleg tæki með
strangari löggjöf. Margir foreldrar eiga góð-
ar minningar frá æskuárunum úr sveitinni og
vilja gjarnan gefa börnum sínum kost á að
afla sér svipaðrar reynslu.
Um árabil hefur Ráðningarstofa landbún-
aðarins haft milligöngu um að ráða börn
yngri en 12 ára í sveit og á því hefur engin
breyting orðið. Að sögn Eiríks Helgasonar,
starfsmanns Ráðningarstofunnar, hefur vél-
væðingin í landbúnaðinum dregið verulega
úr möguleikum bænda á að nýta vinnufram-
lag barna. „Því fylgir meiri áhætta nú orðið
að vera með unga krakka í landbúnaðar-
störfum. Sumir foreldrar virðast hinsvegar
ekki skilja að tímarnir hafa breyst frá því þeir
voru ungir og eru að nauða í bændum að taka
börn sín £ vinnu“.
A vegum Ráðningarstofu landbúnaðarins
voru á annað hundrað unglingar ráðnir til
sveitastarfa síðastliðið sumar og taldi Eiríkur
líklegt að fjöldinn yrði svipaður í ár. Hann
sagði að vinsælasti aldurshópurinn væri 14 og
15 ára strákar og 12 til 14 ára stelpur. „Það er
af sem áður var að krakkar fái eitt lamb eður
svo í sumarhýru. Nú fá þau greidd laun og
greiða jafnframt fyrir fæði og húsnæði“,
sagði Eiríkur í spjalli við Þjóðlíf.
Þó bændur séu nær ófáanlegir til að ráða
yngri börn en 12 ára til sveitastarfa eru þó
ekki öll sund lokuð fyrir yngri börnin, því á
undanförnum árum hefur ungum kaupstað-
arbörnum í auknum mæli boðist að dvelja á
sveitaheimilum og í sumarbúðum yfir sumar-
mánuðina, án þess að farið sé fram á vinnu af
þeirra hendi og þá fyrir þóknun. Án nokkurs
vafa er „sveitadvöl“ sem þessi eftirsóknar-
verð í hugum barnanna.
Stéttarsamband bænda í samvinnu við Fé-
lag fósturmæðra í sveitum er einn þeirra að-
ila sem býður börnum upp á sumardvöl í
sveit. Á skrifstofu Stéttarsambandsins er
hægt að fá upplýsingar um fjölda sveitaheim-
ila, víðsvegar á landinu, sem taka að sér börn
á sumrin. Að sögn Halldóru Ólafsdóttur,
starfsmanns Stéttarsambands bænda, hafa
allar „fósturmæðurnar" sótt námskeið í um-
önnun barna. „Heimilin hafa öll hlotið með-
Börnin úr þéttbýli hafa bæði þörf fyrir að
gaman af því.
mæli viðkomandi barnaverndarnefndar og
einnig liggja fyrir hjá okkur skýrslur lækna
um húsakynni og heilbrigði heimilisfólksins
og sakavottorð húsráðanda". Halldóra
kvaðst hafa margvíslegar upplýsingar um
þessi heimili sem fólk gæti nálgast hjá sér.
„Við kappkostum að koma til móts við þarfir
hvers og eins og getum t.d. gefið upplýsingar
um hvaða dýr eru á hverjunt og einum stað.
Sum þessara heimila starfrækja einnig ferða-
þjónustu þannig að í þeim tilvikum gætu for-
eldrar verið með börnunum hluta dvalartím-
ans“.
Hjá Félagi fósturmæðra í sveitum gildir sú
regla að ekki eru höfð fleiri en 4 börn á
aldrinum 6 til 10 ára í senn á hverju heimili.
Að sögn Halldóru er lögð rík áhersla á að
börnin taki þátt í heimilislífinu, þannig að
þau kynnist af eigin raun hvernig lífið gengur
fyrir sig í sveitinni.
Þegar Þjóðlíf spurði Halldóru hvað þessi
þjónusta kostaði sagði hún verðið vera krón-
kynnast lífinu í sveitinni og yfirleitt mjög
ur 8.078 á viku, en möguleiki væri á einhverj-
um afslætti ef dvölin væri til lengri tíma.
Aðspurð taldi hún verðið alls ekki vera hátt.
„Það kostar allt peninga og ég fæ ekki séð að
það sé mikið ódýrara að hafa börnin heima
og borga háar fjárhæðir fyrir ýmiskonar
námskeið og aðra sumarafþreyingu“. Hall-
dóra benti á að það kostar foreldra álíka
mikið að leyfa barni að dvelja með þessum
hætti í íslenskri sveit og að taka það með í
þriggja vikna sumarleyfi til útlanda. „Og
þess ber einnig að minnast að á þennan hátt
öðlast börnin reynslu og þekkingu sem seint
verður metin til fjár“.
Búast má við að þetta framtak Stéttar-
sambands bænda og Félags fósturmæðra í
sveitum sé mörgum foreldrum kærkomið.
Og án nokkurs vafa mun fjöldi barna njóta
góðs af því á komandi sumri, sér til gleði og
foreldrum sínum til ánægju. Og þá er bara að
segja gleðilegt sumar...
Kristján Ari.
20