Frjáls verslun - 01.11.2011, Blaðsíða 41
FRJÁLS VERSLUN 11. TBL. 2011 41
Innblástur ársins
Ásmundur Helgason, markaðsfræð ingur hjá Dynamo:
þau hafa orðið
Þ
að sem hefur
borið hæst á
árinu er auðvit
að hin mikla
markaðsher
ferð sem íslenska ríkið og
ferðamannaiðnaðurinn
réðust í á árinu. Verkefnið
var risavaxið á íslenskan
mælikvarða og það er
gríð arlega ánægjulegt
að sjá hversu vel tókst
til. Mörg atriði þurftu að
ganga upp og þegar litið
er til baka virðist flest
hafa heppnast framar
von um. Árangurinn lét
heldur ekki á sér standa
því þrátt fyrir svartar horf
ur fjölgaði ferðamönnum
sem komu til landsins.
Þær íslensku auglýsinga-
stofur sem tóku þátt í
verkefninu sýndu mikið
hugvit í vinnslu skila
boð anna og þá ekki
síður í notkun miðla.
Sam félagsmiðlarnir léku
þar stórt hlutverk, sem
kannski gerði útslagið um
hversu vel tókst til. Það
er kannski engin furða
að herferðin fékk ýmis
markaðsverðlaun, innan
lands sem utan. Meðal
annars var Jón Ásbergs
son, framkvæmdastjóri
Íslandsstofu, útnefndur
markaðsmaður ársins hjá
Ímark. Ánægjulegast er
kannski að loks kom fram
stór og samhæfð herferð
með skýrri aðgreiningu
og staðfærslu landsins í
huga tilvonandi ferða
manna. Það var kannski
stærsti ávinningurinn,
sem hægt verður að
byggja ofan á í framtíð
inni. En í heild má segja
að verkefnið sé öllum
sem stóðu að því til mikils
sóma.
Undanfarin misseri hafa
hinir nýju samfélagsmiðl
ar fengið sífellt meira
pláss í markaðsáætlunum
fyrir tækja í samkeppni. Á
næsta ári verður því afar
fróðlegt að fylgjast áfram
með þróun hinna nýju
miðla – sem markaðsfólk
á Íslandi er óðum að ná
tökum á. Hvað verður um
lestur á prentmiðlum og
sjónvarpsáhorf verður
ekki síður spennandi að
fylgjast með.“
AUGLÝSINGAR
S
læmar alþjóðlegar efnahagshorfur,
og þau áhrif sem það getur haft
á þróun alþjóðasamskipta, skiptu
að mínu áliti mestu á stjórnmála-
sviðinu árið 2011. Hækkandi vextir
á skuldugum evruríkjum hafa skotið stjórn mála -
mönnum skelk í bringu enda aukast t.d. við
það líkur á gjaldþroti einstakra ríkja, gjaldþroti
banka og minna aðgengi að lánsfé. Ríki hafa
þurft að skera verulega niður útgjöld sín og
hækka skatta. Því hefur almenningur ekki tek ið
fagnandi og mótmæli hafa víða brotist út, ekki
síst í Grikklandi, þar sem einnig urðu stjórnar
skipti líkt og á Ítalíu. Á Írlandi og Spáni töpuðu
stjórnarflokkarnir völdum í kosningum á árinu
en bæði ríkin glíma við erfiðan efnahags vanda.
Sama hlutskipti virðist einnig bíða Sarkozys
Frakklandsforseta sem nú sækist eftir endur-
kjöri. Hann hefur lagt áherslu á að evrusvæðið
styrki innviði sína í átt að sambands stjórn en
Merkel Þýskalandskanslari vill hins vegar að
samþætting ríkisfjármála nái til allra ESB-ríkja.
Ágreiningur um þetta hefur valdið titringi í
sam skiptum ríkja sambandsins og aukið hættu
á klofningi. Óttast sumir t.d. að Bretland ein-
angrist í ESB og kunni að yfirgefa það.
Slæmt efnahagsástand hratt líka af stað
stjórnar byltingum í nokkrum ríkjum N-Afríku á
árinu. Enn verður þó ekki séð hvort þær leiða
til lýðræðis og betri efnahags. Á Íslandi standa
nokkur atriði upp úr á stjórnmálasviðinu. Má
nefna þjóðaratkvæðagreiðsluna um Icesave,
ógildingu kosninganna til Stjórnlagaþingsins
og umdeilda ákvörðun ríkisstjórnarinnar um að
skipa sama fólk í Stjórnlagaráð. Ráðið skil aði svo
af sér í lok sumars tillögum að nýrri stjórn ar skrá
sem Alþingi fjallar nú um. Einnig vakti brotthvarf
þriggja þingmanna VG úr þingflokkn um athygli
enda þýddi það að stjórnin hefur bara eins
manns meirihluta og á því erfitt með að koma
um deildum málum í gegnum þingið.“
Stjórnmálin 2011 í stuttu máli
Dr. Stefanía Óskarsdóttir, sjálfstætt
starfandi stjórnmálafræðingur:
STJÓRNMÁL
„Hækkandi vextir
á skuldugum
evruríkjum hafa
skotið stjórn mála -
mönnum skelk
í bringu enda
aukast t.d. við það
líkur á gjaldþroti
einstakra ríkja,
gjaldþroti banka
og minna aðgengi
að lánsfé.“