Frjáls verslun - 01.11.2011, Blaðsíða 11
FRJÁLS VERSLUN 11. TBL. 2011 11
Þegar farið er út fyrir borgina er ekki langt að
rótum Klettafjalla og þá opnast ótal mögu leikar
til útivistar, náttúruskoðunar, göngu ferða, flúða
siglinga, kajakróðurs og fjalla klifurs, að ekki sé
minnst á frábæra golf velli og skíðasvæðin þar
sem Aspen, eitt þekktasta skíðasvæði heims,
er. Eitt sem örugglega á eftir að freista margra
er ökuferð eftir bundnu slitlagi upp á tind
Mount Evans í 4.363 m hæð.
Nokkrir áhugaverðir staðir
Enginn kemur til með að segja við ferðamann
sem kemur til Denver að hann geti í stuttri
hem sókn skoðað alla áhugaverðu staðina
sem í boði eru, til þess þarf meira en eina
ferð. Hér verður í stuttu máli greint frá nokkr -
um áhugaverðum viðkomustöðum í og við
Den ver. Þinghús Colorado er virðuleg og
gömul bygging í korintustíl, húsið er byggt
úr gran íti þar sem meðal annars er merkt
ein trappa sem er nákvæmlega eina mílu
yfir sjávarmáli. Frá hringlaga útsýnispalli efst
í byggingunni má sjá 200 fjöll sem öll eiga
sér nafn og er bannað samkvæmt lögum að
byrgja útsýnið. Frí leiðsögn er um þinghúsið
á virkum dögum.
Listasafn Denver eru tvær ólíkar byggingar.
Þarna má sjá stærsta safn sem til er um
list frumbyggja Bandaríkjanna, auk fágæts
safns bandarískra og evrópskra meistara.
Tvær stórar sýningar verða í listasafninu árið
2012. „Yves Saint Laurent: A retrospective“ og
sýning sem nefnist „Becoming Van Gogh“.
16th Street Mall skartar 200 trjám og 50.000
blómum. Um er að ræða mílulangar göngu-
götur sem eru með 28 útiveitingastöð um
og þarna gefur besta tækifærið til að skoða
mannlífið. Strætisvagnar ganga um svæðið
sem stoppa á hverju götuhorni og kost ar
ekkert að ferðast í þeim. Þegar skyggja fer
birtast hestvagnar sem fólk getur ferðast í.
LoDo, sögulegt hverfi, er með mörgum
gömlum vöruhúsum sem búið er breyta í
bjórkrár, veitingastaði og kaffihús. Fjörugt
næturlíf á kvöldin, m.a. á djassbarnum El
Chapultepec, sem Esquire valdi einn af 50
bestu börum í Bandaríkjunum.
Denver-dýragarðurinn er fjórði vinsælasti
dýragarðurinn í Bandaríkjunum. Stór dýra-
garður í fallegu umhverfi þar sem dýrin,
sem eru af öllum stærðum og gerðum, fá
yfir leitt meira pláss en í öðrum dýragörðum.
Fljótlega verður opnað 10 hektara svæði
fyrir fíla og nashyrninga. Cherry Creek-versl -
unarhverfið. Rúmlega 500 verslanir eru á
Cherry Creek-svæðinu. Stærst er Cherry
Creek Shopping Center sem er nýupp
gerð verslunarmiðstöð þar sem margar af
fín ustu verslunum Bandaríkjanna eru með
verslunarrými. Á norðurhluta svæðisins
eru veitingastaðir, líkamsræktar stöðvar og
almenningssöfn.
Coors-bjórverksmiðjan er stærsta bjór verk -
smiðja í heiminum og notar sama vatnið úr
Klettafjöllunum og var notað þegar verk -
smiðj an var stofnuð 1873. Boðið er upp á
fríar ferðir í hópum þar sem bjórframleiðslan
er skoðuð, ferð sem endar á fríum bjór fyrir
alla sem orðnir eru 21 árs. Echo Lake og
Mount Evans. Hæsti vegur með slitlagi í
Bandaríkjunum nær í um 4.362 metra hæð
frá sjávarmáli. Hann liggur upp á Mount Ev
ans og er aðeins opinn frá maí fram í byrjun
október. Vert að gera smástopp á ferðinni
við Echo Lake þar sem eru góðar göngu
leiðir og hægt að renna fyrir fisk.
Klettafjallaþjóðgarðurinn. Fyrir þá sem
vilja eyða heilum degi eða rúmlega það í
eina ferð þá er heimsókn í Klettafjöllin besti
kost urinn. Um er að ræða vinsælasta ferða
mannastaðinn í Colorado. Keyra þarf 114
kílómetra frá Denver til að komast þangað.
Gönguslóðar eru 563 km langir og lands
lagið stórkostlegt þar sem háir fjallatindar,
straumþungir fossar og fjallavötn verða á
leið ferðamannsins. Og ekki má gleyma
dýralífinu, sem er fjölskrúðugt.
Vetrargarðurinn. Aspen og Vail eru þekkt-
ustu skíðastaðir í Colorado og auðvelt að
komast þangað frá Denver, en Denverborg
rekur eigin skíðamiðstöð, Winter Park. Með -
an á skíðavertíðinni stendur má búast við
að sólin skíni í 106 daga. Á sumrin er Winter
Park vinsæll útivistarstaður.
„Listasafn Denver eru tvær
ólíkar byggingar. Þarna má sjá
stærsta safn sem til er um list
frumbyggja Bandaríkjanna.“
Tvær milljónir farþega 2012
Flugáætlun Icelandair, dótturfélags Icelandair Group, fyrir árið 2012 er sú
stærsta í sögu félagsins og um 13% umfangsmeiri en 2011. Nýr heilsársáfanga
staður, Denver í Colorado, bætist við og ferðum er fjölgað til ýmissa borga í
Bandaríkjunum og Evrópu. Gert er ráð fyrir að farþegar félagsins verði um
tvær milljónir á árinu 2012, en samkvæmt áætlunum verða þeir tæplega
1,8 milljónir árið 2011. Alls verða 16 Boeing 757flugvélar nýttar til áætl
unarflugsins næsta sumar, tveimur fleiri en 2011. Flugvélar félagsins munu
taka á loft allt að 400 sinnum á viku yfir sumarið og farþegafjöldinn verður
um 10 þúsund manns á sólarhring þegar mest lætur.