Frjáls verslun - 01.01.2010, Qupperneq 53

F R J Á L S V E R S L U N • 1 . T B L . 2 0 1 0 53
s t j ó r n u n a r m O L i
Stjórnendur fyrirtækja eiga erfitt með að
þola hyskna starfsmenn. Kannanir sýna að
vanræksla í starfi og brot á vinnureglum
fara mest í taugarnar á stjórunum. Með
vanrækslu er átt við vísvitandi brot á starfs-
skyldum þannig að það hafi valdið fyrirtæk-
inu tjóni.
Margir stjórnendur veigra sér við að
takast á við vandann, sem grefur um sig
í fyrirtækinu, og á endanum er hinn ótrúi
starfsmaður rekinn með látum og enn meira
tjóni fyrir fyrirtækið.
Raunar eru þjófnaðir algengasta brot á
reglum hvers fyrirtækis. Og algengast er að
starfsfólk steli pennum og klósettpappír.
Sjaldgæft er að stjórnendur geri veður út
af því. Það sem virkilega fer í taugarnar á
stjórunum er óstundvísi, brot á umgengn-
isreglum og að vinna ekki vinnuna sína.
Skrifaðar hafa verið margar bækur um
viðbrögð við hyskni starfsfólks. Við leitum
hér í smiðju til sænska vinnuréttarsérfræð-
ingsins George Frick en hann veitir stjórn-
unartímaritinu Chef ráð um vandamál á
vinnustað.
Þegar sérfræðingar eru kallaðir til vegna
hyskni starfsfólks hefur yfirleitt mikið gengið
á áður og bæði stjórnendum og starfsfólki
orðið á mörg mistök. Mistök stjórnenda eru
yfirleitt þau að hafa látið hjá líða að bregð-
ast við vandanum í tíma og að hafa ekki
haldið upplýsingum um brot til haga. Mörg
smákorn fylla að lokum mælinn. Hvenær
átti að byrja að telja kornin og hvenær er
mælirinn fullur?
Ráðin í vandanum eru þessi:
Aflaðu sjálf(ur) upplýsinga. Ekki treysta •
á það sem aðrir segja, ekki hlusta eftir
slúðri í fyrirtækinu. Kynntu þér vandann
sjálf(ur).
Ræddu við starfsmanninn. Samtal •
greiðir oft úr því sem aflaga hefur farið.
Berðu ekki sakir á starfsmanninn en
segðu frá hvers þú hefur orðið vísari.
Og minntu á hvaða reglur gildi í fyrir-
tækinu.
Dugi samræður ekki er skrifleg áminn-•
ing næsta skref. Og mundu að til-
gangurinn með áminningunni er ekki
að undirbúa brottrekstur heldur að fá
starfsmanninn til að bæta ráð sitt.
Dugi áminning ekki að heldur má reyna •
flutning í starfi. Mörg dæmi eru um að
starfsmenn bæta ráð sitt við það eitt
að koma í nýtt umhverfi.
Haltu öllum upplýsingum til haga. Minni •
manna er stutt en deilur á vinnustað
geta verið langvinnar. Þess vegna er
gott að geta rakið feril málsins. Og ef
nýir stjórnendur taka við verða þeir að
vita hvað gerst hefur og gert hefur
verið.
Verð bara að rek’ann!
tExti: gísli kristjánsson