Frjáls verslun - 01.11.2007, Síða 112
112 F R J Á L S V E R S L U N • 1 1 . T B L . 2 0 0 7
móttökur fyrirtækja eru andlit þeirra en í london segir útlitið ekki alla söguna.
Sigrún davíðsdóttir heimsótti skrifstofur fimm íslenskra fyrirtækja í stórborginni
og spáði í anddyri þeirra. anddyrin eru „andlit Íslendinganna“.
texti: sigrún davíðsdóttir • Myndir: simon way
London:
AnddYRI
ÍsLendIngAnnA
Móttökur fyrirtækja eru andlit þeirra - en í London segir útlitið ekki alla söguna. Staðsetning fyrirtækjanna veitir einnig mikilvægar upplýsingar um hver þau eru og kannski ekki síst hver þau vilja vera. Það eru auðvitað
tískusveiflur í anddyramenningu fyrirtækja - þeir svölu bjóða upp á
þráðlaust net og jafnvel dæmi um fyrirtæki þar sem gestum í biðstöðu
er boðið að nota fartölvur og þeir uppvartaðir með cappucino og latte
eins og á kaffihúsum með stæl.
Hvert hverfi hefur sinn blæ og sinn boðskap. Þau fimm íslensku
fyrirtæki sem voru heimsótt eru í þremur hverfum og án efa engin
tilviljun að þau eru þar sem þau eru. Reyndar líka athyglisvert að þrjú
þessara fyrirtækja eru á efstu hæð - spurning hvort draga má af því
aðrar ályktanir en að Íslendingar kunni vel við sig í birtu og víðsýni.
glitnir og landsbankinn í City
Glitnir og Landsbankinn eru í City, fjármálahverfinu sem er ekki
aðeins hjartað í breskum fjármálaheimi heldur ein aðalæðin í alþjóð-
legu fjármálalífi. Þó að konum hafi fjölgað í City er yfirbragð hverfis-
ins enn mjög karllægt. Það eru líka einkum karlarnir sem fylla allar
krár hverfisins undir kvöld - einn helsti kosturinn sem menn nefna
við að vinna þarna er tækifærið til að hitta fólk.
„City slicker“ er hugtak sem merkir að vera fínn og fágaður á yfir-
borðinu en kannski ekki allur sem maður er séður - og á líka við unga
menn sem hafa auðgast hratt og nota peningana hratt. Niðurstöður
handahófskenndrar rannsóknar, á ferð um hverfið, bendir til að 80
prósent karlmanna í hverfinu gangi í teinóttum jakkafötum og bindin
eru vel hnýtt.
Kaupþing og straumur í Mayfair
Kaupþing og Straumur eru í Mayfair, hverfinu í kringum Piccadilly,
liggur að West End sem er gamla leikhúsa- og skemmtistaðhverfið.
Kaupþing er reyndar við búðargötuna miklu, Regent stræti, en hið
hefðbundna Mayfair er í bakgarðinum. Mayfair er samastaður margra
almannatengslafyrirtækja og svo fjárfestingarsjóða og fjárfesta sem
starfa sjálfstætt - þarna eru Baugur, Björgólfur Thor Björgólfsson og
Robert Tchenguiz, stjórnarmaður í Exista, með skrifstofur. Þarna eru
margar rólegar götur með gömlum húsum frá fyrri hluta 19. aldar og
nýjar byggingar innanum. Hér er nóg af glæsilegum veitingastöðum,
hótelum og klúbbum, yfirbragðið fágað og samningagerðin liggur í
loftinu. Hér eru menn líka í teinóttum jakkafötum en oftar en ekki
bindislausir því þeir þurfa ekki að þóknast neinum nema sjálfum sér.
Egla invest skammt frá Harrods
Egla Invest er til húsa handan við hornið frá einni af þekktustu
byggingum megaborgarinnar, Harrods vöruhúsinu, í Knightsbridge.
Hér hafa einmitt ýmsir fjárfestar aðsetur en það eru ekki fjármálaum-
svifin sem marka hverfið, heldur að þarna búa margir auðmenn og
fasteignaverðið er eftir því: bílskúr hér kostar ámóta og einbýlishús í
101. Hverfið er markað munaði: Öll þekktustu tískuhúsin eru með
búðir hér. Sloane torg er skammt frá og því tengist hugtakið „Sloane
ranger“, auðugt og vel ættað ungt fólk sem stráir um sig með pen-
ingum. Áður bjuggu hér vel ættaðir og auðugir Englendingar, gjarnan
með sveitasetur sem annað heimili en nú býr þar alþjóðlegt þotu- og
viðskiptalið með heimili og snekkjur um allan heim.