Frjáls verslun - 01.08.2006, Blaðsíða 99

F R J Á L S V E R S L U N • 8 . T B L . 2 0 0 6 99
hún komin í 730 milljónir og segir Magnús að fyrirtækið muni velta
einum milljarð á þessu ári. „Nokkrar breytingar hafa orðið á rekstri
fyrirtækisins. „Við Jón H. Steingrímsson, sem stofnuðum Áltak,
seldum fyrirtækið Húsasmiðjunni árið 2001. Í fyrra keypti ég það
síðan aftur ásamt Herjólfi Guðjónssyni og Jóni Scheving Thorsteins-
syni, en erum þó áfram í góðu samstarfi við Húsasmiðjuna.“
Leitað nýrra tækifæra
Við yfirtöku á Íslenska verslunarfélaginu, sem þegar hefur sameinast
Áltaki, er rekstur fyrirtækisins orðin mun víðtækari. „Í þessum bygg-
ingageira, sem við vinnum í, var markaðshlutur okkar orðinn það
mikil að við gátum ekki með góðu móti stækkað við okkur og fórum
að leita eftir nýjum tækifærum til stækkunar. Við höfðum sérhæft
okkur í lausnum utanhúss og alltaf boðið fyrsta flokks vöru og góða
þjónustu ásamt því að vera alltaf með vöruna til. Við vorum því í
öruggum rekstri. Íslenska verslunarfélagið hefur meira verið að eiga
við innihlutann. Þeir hafa verið í kerfisloftum og kerfisveggjum,
reyklosunum og búnaði til eldvarna, veggjum og hurðum og fleira,
og hafa verið í fremstu röð fyrirtækja á sínu sviði. Starfsemi þess féll
því mjög vel að okkar fyrirtæki og gerir það að verkum að Áltak getur
tekið að sér mun fjölbreyttari verkefni.“
Magnús er spurður hvort um mikla aukningu hafi verið að ræða
í klæðningum utanhúss: „Klæðningar á hús hafa aukist verulega.
Verktakar hafa komist að því að þetta er lítið dýrari lausn í upphafi.
Það er verið að bjóða upp á miklu betri vöru og jafnframt styttist
byggingartíminn. Hiti kemst fljótt á og þá komast allir iðnaðarmenn
strax að, sem er mjög hagkvæmt. Þá er hægt að klæða allt árið, hvernig
sem viðrar, ekki bundið við sumarið eins og hefðbundið múrverk og
málning. Íbúðir eru því mun fyrr tilbúnar, verktakar geta selt íbúðir
fyrr og auk þess betri vöru þar sem viðhald er nánast ekkert.
Mjög færist í vöxt að klæðning sé sett á eldri hús. Þegar múrsteypt
hús eru orðin gömul hafa þau farið í gegnum viðgerðir og endalausa
málningarvinnu. Þegar tekin er ákvörðun um varanlega lausn stendur
álið fremst og hefur alla þá kosti sem þarf til að standast íslenska veðr-
áttu. Málmurinn er góður sem við höfum, verðið er viðráðanlegt og
gæðin hafa margfalt sannað sig.“
Hús í öllum stærðum
Hús, sem Áltak hefur klætt, eru allt frá pylsuvagninum í Laug-
ardal og upp í stærstu skrifstofubyggingar, verslunarhús og álverið á
Grundartanga. „Vöxturinn hefur verið mestur í einbýlishúsum þar
sem hagkvæmnin kemur einna best fram. Verkefnastaða okkar er
mjög góð. Við erum með verkefni vel fram yfir árið 2008. Má nefna
stór svæði eins og Bryggjuhverfið í Garðabæ, Arnarneslandið, stóran
hluta af Völlunum og Lundahverfi.“
Áltak hefur verið til húsa að Stórhöfða 33 frá árinu 2000 og er
nýbúið að stækka við sig í húsinu enda öll starfsemi Íslenska versl-
unarfélagsins flutt þangað.
Stórhöfða 33 • 105 Reykjavík
Sími: 577 4100 • Fax: 577 4101
altak@altak.is • www.altak.is
Starfsfólk Áltaks talið frá vinstri:
Guðrún María Benediktsdóttir,
Herjólfur Guðjónsson,
Ásdís Þórðardóttir,
Guðmundur Hannesson,
Stefán R. Magnússon,
Jón Jóhannsson.
Á þeim tæpum tíu árum sem Áltak hefur
starfað hefur vöxtur fyrirtækisins verið mikill.
Markmiðin frá upphafi hafa verið að selja
vöru sem kröfuharðir kaupendur sætta sig
við og að veita trausta og örugga þjónustu.
Yfirtaka á Íslenska verslunarfélaginu gerir
það að verkum að Áltak getur tekið þátt í
mun fjölbreyttari verkefnum og veitt heildar-
lausnir bæði utanhúss og innan.
Áltak:
Nokkur dæmi um lausnir Átaks
fyrir klæðningar utanhúss.