Frjáls verslun - 01.11.2006, Side 58

58 F R J Á L S V E R S L U N • 1 1 . T B L . 2 0 0 6
ÁRAMÓTAVIÐTÖL
1. Hvað stóð upp úr hjá þínu fyrirtæki á árinu?
2. Hvernig metur þú stöðuna á næsta ári, 2006?
3. En fyrir greinina í heild?
4. Hvað er minnisstæðast hjá sjálfum þér á árinu?
HVAÐ SEGJA ÞAU
UM ÁRAMÓT?
TEXTI: SVAVA JÓNSDÓTTIR OG HILMAR KARLSSON • MYNDIR: GEIR ÓLAFSSON o.fl.
GUÐBJÖRG GLÓÐ LOGADÓTTIR
FRAMKVÆMDASTJÓRI FYLGIFISKA
Batteríin hlaðin
Árið 2006 var ansi skemmtilegt í Fylgifiskum. Þetta var
fjórða starfsár fyrirtækisins og í fyrsta sinn svigrúm til að
draga andann og njóta lífsins eftir annasöm og afar peninga-
lítil upphafsár. Það voru ár sem að mestu einkenndust af
botnlausri vinnu og lágum launum. Árið 2006 verður því árið
sem við munum minnast sem ársins sem við eigendur og
starfsmenn hlóðum batteríin. Það hefði að sjálfsögðu ekki
verið hægt nema af því að allar okkar áætlanir um sölu og
framgang Fylgifiska stóðust, svo í raun má segja að 2006
hafi verið árið sem við uppskárum.
Í vændum eru miklar framkvæmdir og spennandi tímar
í Fylgifiskum. Við höfum gert samning við Flugstöð Leifs
Eiríkssonar um að opna sjávarréttabar á vormánuðum 2007.
Það eru stærri framkvæmdir en Fylgifiskar hafa áður ráð-
ist í svo ljóst er að þetta verður gífurlega gaman. Auðvitað
munum við halda áfram á sömu braut með fiskréttina okkar
en markmið okkar eru að ögra sjálfum okkur sífellt hvað
varðar gæði, framsetningu og bragð.
Árið mitt var ákaflega ljúft; engin áföll eða erfiðar ákvarð-
anir eins og oft vill verða í lífinu. Ég ferðaðist töluvert á árinu
- fór til New York og nokkurra borga í Evrópu og fór á fullt af
góðum tónleikum hér heima eins og Sigur Rósar, Deus og
Emilíönu Torrini svo fátt eitt sé nefnt. Guðbjörg Glóð Logadóttir. „Við höfum gert samning við Flugstöð
Leifs Eiríkssonar um að opna sjávarréttabar á vormánuðum 2007.“